chirantan 'चिरंतन'

   नवनवीन विषयांवरील प्रयोगशील चित्रपटांची थोर परंपरा लाभलेल्या मराठी सिनेसृष्टीत आणखी एका अनोख्या विषयावर आधारलेला चित्रपट बनविण्यात येत आहे. समाजाभिमुख चित्रपटांना नेहमीच प्रेक्षकांचा कौल मिळाला आहे. त्यामुळेच समाजाला आरसा दाखविणाऱ्या चित्रपटांची निर्मिती होत असते. नुकतीच घोषणा करण्यात आलेला 'नतमस्तक' हा मराठी चित्रपट याच वाटेवरील पुढचे पाऊल आहे. या चित्रपटात नेमके काय पाहायला मिळेल याची उत्सुकता वाढविण्याचे काम पोस्टर करीत आहे.     निर्माते रमेश वामनराव शिंदे यांनी आर. एस. गोल्डन ग्रुप मुव्ही मेकर्सच्या बॅनरखाली 'नतमस्तक' चित्रपटाची निर्मिती केली आहे. रमेश शिंदे यांची ही पहिलीच चित्रपट निर्मिती आहे. रमेश शिंदे हे पुण्यातील यशस्वी उद्योजक असून सामाजिक कार्यात अग्रेसर असतात. आजवर वेगवेगळ्या विषयांवर लघुपट तसेच चित्रपट बनवत राष्ट्रीय-आंतरराष्ट्रीय पातळीवरील पुरस्कारांना गवसणी घालणारे दिग्दर्शक महेश रावसाहेब काळे 'नतमस्तक'चे दिग्दर्शन करीत आहेत. दिग्दर्शक महेश काळे यांच्याबाबत सांगायचे तर त्यांनी दिग्दर्शित केलेल्या 'रुपया' या लघुपटाने राष्ट्र...

   महाराष्ट्राला संत-महात्म्यांची उज्ज्वल परंपरा आहे.  माऊलींच्या ज्ञानेश्वरीने महाराष्ट्राच्या आध्यात्मिक जीवनाचा पाया रचला आणि जगद्गुरू तुकाराम महाराजांच्या अभंगांनी त्याच्यावर कळस चढवला. संत तुकारामांची भावकविता म्हणजे अभंग, हे अभंग महाराष्ट्राच्या सांस्कृतिक परंपरेचे महान द्योतक आहेत. संत तुकाराम महाराष्ट्राच्या हृदयात अभंगरूपाने ते स्थिरावले आहेत. जीवनप्रवाहात कायम राहून त्यांनी घेतलेला परमेश्वरप्राप्तीचा ध्यास आणि यातून घडलेला त्यांचा आध्यात्मिक प्रवास चकित करणारा आहे. लौकिकाडून अलौकिकाकडे नेणारा संत तुकाराम यांचा हा जीवनप्रवास ‘अभंग तुकाराम’ या चित्रपटातून दिग्दर्शक दिग्पाल लांजेकर यांनी मांडला आहे. पॅनोरमा स्टुडिओज, चित्रकथी क्रिएशन्स निर्मित ‘अभंग तुकाराम’ ७ नोव्हेंबरला आपल्या भेटीला येणार आहे. पॅनोरमा स्टुडिओज ही निर्मिती संस्था या चित्रपटाचे प्रस्तुतकर्ते आहेत.  पॅनोरमा स्टुडिओचे कुमार मंगत पाठक चित्रपटाचे निर्माते आहेत. त्यासोबत अभिषेक पाठक, अजय अशोक पूरकर, दिग्पाल लांजेकर यांनीही निर्मितीची धुरा सांभाळली असून सहनिर्माते मुरलीधर छतवानी, रवींद्र औटी आहेत. ...

गोवा आंतरराष्ट्रीय चित्रपट महोत्सवातील “फिल्म बाजार” विभागासाठी राज्य शासनाच्या वतीने महाराष्ट्र चित्रपट, रंगभूमी आणि सांस्कृतिक विकास महामंडळामार्फत दरवर्षी मराठी चित्रपटांची निवड करून ते पाठविण्यात येतात. यंदा “फिल्म बाजार - २०२५” करिता  "मुक्काम पोस्ट देवाचं घर" या मराठी चित्रपटांची निवड करण्यात आल्याची घोषणा महामंडळाच्या व्यवस्थापकीय संचालक स्वाती म्हसे पाटील यांनी केली आहे .       कीमाया प्रॉडक्शनचे महेश कुमार जायसवाल, किर्ती जायसवाल यांनी "मुक्काम पोस्ट देवाचं घर" या चित्रपटाची निर्मिती केली असून संकेत माने यांनी या चित्रपटाचे दिग्दर्शन केले आहे." या चित्रपटात ग्रामीण भागातली गोष्ट मांडण्यात आली आहे. सैन्यात असलेले वडील देवाघरी गेले असं आईनं मुलीला सांगितल्यावर देवाचं म्हणजे काय ? आणि ते कुठे असतं? याचा शोध सुरू होतो. त्याबरोबरच तिची आई आपल्या शहीद झालेल्या पतीचं पेन्शन मिळवण्यासाठी संघर्ष करत असल्याचं ट्रेलरमधून दिसतं. त्यामुळे भावनिकतेची किनार असलेल्या या कथानकाची मांडणी अतिशय हलक्याफुलक्या, रंजक पद्धतीनं करण्यात आली आहे.      ...

आपल्या मराठी संस्कृतीचा आणि श्रद्धांचा अविभाज्य भाग असलेला ‘गोंधळ’. नवरा-नवरीच्या आयुष्यातील विघ्नं दूर करण्यासाठी साजरा होणारा एक पारंपरिक विधी आणि हाच पारंपरिक गोंधळ आता रुपेरी पडद्यावर अवतरतोय! राष्ट्रीय पुरस्कार विजेते दिग्दर्शक संतोष डावखर दिग्दर्शित आणि डावखर फिल्म्स प्रस्तुत ‘गोंधळ’ या बहुप्रतिक्षित चित्रपटाचा धमाकेदार ट्रेलर लाँच सोहळा नुकताच स्थानिकांच्या उपस्थितीत थाटात पार पडला. या सोहळ्यात खऱ्या अर्थाने गोंधळ घालण्यात आला. पारंपरिक वाद्यांचे नाद, नृत्य, आणि मंत्रोच्चारांनी वातावरण भारून गेले होते. या पारंपरिक सादरीकरणाने लाँच सोहळ्याला एक आगळं-वेगळं सांस्कृतिक स्वरूप प्राप्त झालं.      प्रेक्षकांच्या मनात आधीच उत्सुकता निर्माण झालेल्या या चित्रपटाचा ट्रेलर प्रदर्शित होताच सोशल मीडियावर कौतुकाचा वर्षाव होत आहे. ट्रेलरमध्ये कथानकात काहीतरी गूढ असल्याचे कळतेय. प्रत्येक व्यक्तिरेखा काहीतरी सांगतेय. त्यामुळेच चित्रपटाची उत्कंठा अधिक वाढतेय. भव्य सादरीकरण, प्रभावी सिनेमॅटोग्राफी, तांत्रिक उत्कृष्टता आणि संस्कृतीशी घट्ट नातं सांगणारं कथानक, या सर्व बाबींम...

    गेल्या काही काळापासून 'आफ्टर ऑपरेशन लंडन कॅफे' या चित्रपटाची चर्चा सुरु आहे. नुकतंच या चित्रपटाचं पोस्टर समोर आलं असून येत्या २८ नोव्हेंबरला प्रदर्शित होणार आहे. कवीश शेट्टी, मेघा शेट्टी, शिवानी सुर्वे, विराट मडके अभिनीत 'ऑपरेशन लंडन कॅफे' हा चित्रपट आहे. हा सिनेमा संपूर्ण भारतात  मराठी, कन्नड, आणि हिंदी भाषेतही प्रदर्शित होणार आहे. चित्रपटाचं पोस्टर पाहून हा सिनेमा एक्शन पॅक्ड असल्याचं दिसतय. आणि हेच पोस्टर चित्रपटाची उंची, भव्यता दर्शवत आहे.       हा चित्रपट कन्नड सिनेसृष्टीतील दिग्दर्शक सदागारा राघवेंद्र यांनी मराठी आणि कन्नड भाषेत दिग्दर्शित केला आहे. कवीश शेट्टी, मेघा शेट्टी, शिवानी सुर्वे, विराट मडके यांच्यासह चित्रपटात प्रसाद खांडेकर, अश्विनी चवरे, शलाका पवार, रुक्मिणी सुतार ही मराठी कलाकारांची फौज पाहायला मिळत आहे. एक्शन पॅक्ड अशा या चित्रपटाला रोमँटिक झालर आहे ती कशी ते मात्र तुम्हाला सिनेमागृहात पाहायला मिळणार आहे. या चित्रपटाचा एक अनोखा पैलू म्हणजे कन्नड कलाकारांनी या चित्रपटासाठी मराठी भाषा शिकली आणि मराठी कलाकारांनी चित्रपटातील ...

सध्या जोरदार चर्चेत असलेल्या 'लास्ट स्टॉप खांदा...' या चित्रपटाचं टायटल साँग लाँच करण्यात आलं आहे. प्रत्येकाला थिरकायला लावणारं हे गाणं असून, दोन दमदार गाण्यांनी चित्रपटाविषयीची उत्सुकता वाढवली आहे. २१ नोव्हेंबरला हा चित्रपट सर्वत्र प्रदर्शित होणार आहे.      शिवम फिल्म क्रिएशन सिग्नेचर ट्यून्स, स्नेहा प्रॉडक्शन्स यांनी "लास्ट स्टॉप खांदा... " प्रत्येकाच्या प्रेमाची गोष्ट या चित्रपटाची निर्मिती केली आहे. सचिन कदम आणि सचिन जाधव यांनी या चित्रपटाती प्रस्तुती केली आहे. प्रदीप मनोहर जाधव हे या चित्रपटाचे निर्माते असून सचिन कदम, अमृता सचिन जाधव सहनिर्माते आहेत.     प्रत्येकाच्या प्रेमाची गोष्ट लास्ट स्टॉप खांदा या चित्रपटातून पहायला मिळणार आहे. या चित्रपटातलं 'शालू झोका दे गो मैना' हे  गाणं या पूर्वीच लोकप्रिय झालं आहे. त्याशिवाय चित्रपटाच्या टीजरला सोशल मीडियातून उत्स्फूर्त प्रतिसाद मिळाला आहे. त्यानंतर आता चित्रपटाचं टायटल साँग लाँच करण्यात आलं आहे. या गाण्याला अतिशय साधेसोपे शब्द, उडती चाल, प्रत्येकाला थिरकायला लावणाऱ्या ठेक्याची जोड मिळाली आह...

नात्यांचा गुंता, प्रेमातील गोडवा आणि थोडीशी नोकझोक सांगणारा ‘बिन लग्नाची गोष्ट’ हा चित्रपट सध्या अ‍ॅमेझॉन प्राईमवर ट्रेंडिंग ठरत आहे. चित्रपटगृहात प्रदर्शित झाल्यानंतर आता ओटीटीवरही या चित्रपटाने पुन्हा एकदा प्रेक्षकांची मने जिंकली आहेत. नात्यांमधील समज, मतभेद, विश्वास आणि जिव्हाळा या सगळ्यांचा सुंदर मिलाफ या चित्रपटात पाहायला मिळतो. आधुनिक काळातील नात्यांकडे नव्या दृष्टीने पाहाणारा हा चित्रपट प्रेक्षकांना आपलासा वाटत आहे.  प्रिया बापट आणि उमेश कामत या रिअल लाईफ कपलची ऑनस्क्रीन केमिस्ट्री प्रेक्षकांना नेहमीच भावली आहे आणि या चित्रपटातही त्यांच्या नात्यातील गोड तिखट प्रसंगांनी प्रेक्षकांना भावनिक केले आहे. त्यांच्या सोबत गिरीश ओक, निवेदिता सराफ, सुकन्या मोने आणि संजय मोने यांच्या दमदार अभिनयाने चित्रपट अधिक प्रभावी झाला आहे.     दिग्दर्शक आदित्य इंगळे म्हणतात, “ ‘बिन लग्नाची गोष्ट’ आपल्या आजूबाजूच्या नात्यांचे प्रतिबिंब आहे. नात्यातील मतभेद, एकमेकांवरील विश्वास आणि एकत्र प्रवास हे या चित्रपटात आम्ही दाखवले आहे. अ‍ॅमेझॉन प्राईमवर चित्रपटाला मिळणारा प्रतिसाद पाहू...

   दमदार संगीत प्रकाशन सोहळ्यानंतर 'रील स्टार' या बहुचर्चित आगामी मराठी चित्रपटाचा लक्षवेधी ट्रेलर प्रदर्शित करण्यात आला आहे. रायमा सेन, अवधूत गुप्ते, आकाश ठोसर, सायली पाटील, सोमनाथ अवघडे, गौरव मोरे, अनंत महादेवन, गुरू ठाकूर, आदर्श शिंदे इत्यादी हिंदी आणि मराठी सिनेविश्वातील दिग्गज कलाकारांनी 'रीलस्टार'चा ट्रेलर शेअर केला आहे. 'रील स्टार'मध्ये नेमके काय पाहायला मिळेल याची झलक ट्रेलरमध्ये आहे. मराठी चित्रपटाच्या कक्षा रुंदावणारा चित्रपट 'रील स्टार'च्या रूपात पाहायला मिळणार असल्याचे संकेत ट्रेलर पाहिल्यावर मिळत आहेत. १४ नोव्हेंबरला हा चित्रपट संपूर्ण महाराष्ट्रात प्रदर्शित होणार आहे.    'जर एक सामान्य माणूस मनापासून सत्तेच्या बाजूने उभा राहिला ना, तर संपूर्ण सिस्टीम वठणीवर आणू शकतो', असे म्हणत 'रील स्टार' या मराठी चित्रपटाचा लक्षवेधी ट्रेलर प्रेक्षकांच्या भेटीला आला आहे. सायकलवरून फिरून सामान विकणाऱ्या भानुदास नावाच्या रस्त्यावरील एका विक्रेत्याची आणि त्याच्या कुटुंबाची कथा या चित्रपटात आहे. भानुदास जरी सायकलवरून सामान विकत असला...

   भारतीय चित्रपटसृष्टीत क्वचितच पाहिलेलं, वास्तव आणि कल्पनेच्या सीमारेषा मिटवणारं जग आता पडद्यावर येणार आहे. ‘ह्युमन कोकेन’ हा एक धाडसी, सायकोलॉजिकल थ्रिलर असून तो प्रेक्षकांना मानवी तस्करी, सायबर सिंडिकेट आणि ड्रग कार्टेलच्या काळोख्या जगात घेऊन जाणार आहे.     या चित्रपटाच्या निमित्ताने पुष्कर जोग पुन्हा एकदा एका प्रभावी आणि आव्हानात्मक भूमिकेत झळकणार आहे. 'जबरदस्त' या मराठी चित्रपटातून सिनेसृष्टीत पदार्पण करणारा आणि 'बिग बॉस' मराठीच्या पहिल्या सिझनमधील लोकप्रिय रनर-अप म्हणून ओळख मिळवल्यानंतर, तसेच 'व्हिक्टोरिया – एक रहस्य'च्या यशानंतर, पुष्कर आता पूर्णपणे वेगळ्या आणि संवेदनशील विषयावर आधारित सिनेमात झळकणार आहे.    या चित्रपटाबद्दल पुष्कर म्हणतो, '' 'ह्युमन कोकेन' हा माझ्या आयुष्यातील सर्वात कठीण आणि भावनिकदृष्ट्या आव्हानात्मक चित्रपट आहे. या पात्रात शिरण्यासाठी मी मानसिक आणि शारीरिक तयारीसोबत बऱ्याच कार्यशाळा केल्या. एका गुन्हेगारी जाळ्यात अडकलेल्या व्यक्तीचा अंतर्गत संघर्ष समजून घेणं अजिबात सोपं नव्हतं.”     चित्रपटात इशिता राज, सि...

   सध्या मराठी चित्रपटसृष्टीत ग्लॅमरसोबतच महाराष्ट्राच्या संस्कृती आणि परंपरेला सन्मान देणारे चित्रपट मोठ्या प्रमाणात निर्माण होत आहेत. अशाच परंपरेचा गाभा उलगडणारा बहुचर्चित 'गोंधळ' लवकरच प्रेक्षकांच्या भेटीस येणार आहे. टीझर प्रदर्शित झाल्यापासूनच प्रेक्षकांमध्ये या चित्रपटाबद्दल प्रचंड उत्सुकता पसरली आहे. आता या उत्सुकतेत भर घालत दिग्दर्शक संतोष डावखर यांनी एक अनोखे आवाहन केले आहे, "आमचा ट्रेलर बघू नका!" .    आजकाल जिथे चित्रपटांच्या ट्रेलरचे जोरदार प्रमोशन केले जाते, तिथे 'गोंधळ' टीमने उलटा प्रयोग केला आहे. दिग्दर्शक संतोष डावखर म्हणतात की, त्यांनी प्रेक्षकांना ट्रेलर न पाहाण्याचे आवाहन करून चित्रपटाबद्दलची कुतूहल वाढवण्याचा मानस ठेवला आहे. सोशल मीडियावर ही प्रमोशन स्ट्रॅटेजी सध्या जोरदार चर्चेचा विषय बनली आहे आणि प्रेक्षक या निर्णयाबद्दल अधिक जाणून घेण्यासाठी उत्सुक झाले आहेत.    संतोष डावखर म्हणतात, "'गोंधळ'ची कथा, पात्रे आणि कलाकार अतिशय रंजक आहेत; त्यामुळे प्रेक्षकांनी ट्रेलरपेक्षा संपूर्ण चित्रपट थेट सिनेमागृहात बसून पाहावा. प्र...

     महेश वामन मांजरेकर दिग्दर्शित ‘पुन्हा शिवाजीराजे भोसले’ या चित्रपटाबद्दल आधीपासूनच प्रेक्षकांमध्ये कुतूहल आहे आणि आता नुकत्याच प्रदर्शित झालेल्या नव्या पोस्टरनं ही उत्सुकता आणखीनच वाढवली आहे. लोकप्रिय अभिनेता  सिद्धार्थ जाधवच्या वाढदिवसानिमित्ताने या चित्रपटातील त्याचा लूक उलगडण्यात आला आहे, जो त्याच्या आतापर्यंतच्या कोणत्याही भूमिकेपेक्षा एकदम वेगळा आहे. चेहऱ्यावरील रक्त, व्रण, उरात धडकी भरवणारी नजर आणि त्या नजरेत दडलेलं क्रोर्य असं आक्राळ विक्राळ रूप असलेला सिद्धार्थ जाधव या पोस्टरमध्ये दिसत आहे. त्याच्या या लूकमुळे त्याची यात नेमकी काय भूमिका असेल याबद्दलची आणि सोबतीला चित्रपटाबद्दलचीही प्रेक्षकांची उत्कंठा वाढली आहे.       आपल्या भूमिकेबद्दल सिद्धार्थ जाधव म्हणतो, ''या भूमिकेबद्दल सांगायचं तर ‘पुन्हा शिवाजीराजे भोसले’ चित्रपटातील माझी ही भूमिका माझ्या आजवरच्या कारकिर्दीमधली सगळ्यात वेगळी आहे. या पात्रामध्ये जी क्रुरता आहे ती त्याच्या लूकमध्ये उतरणं खूप गरजेची होती. माझ्या या लूकचं पूर्ण श्रेय महेश सरांचं आहे. त्यांनी मला माझा एक फो...

   झिम्मा, झिम्मा २ आणि फसक्लास दाभाडेच्या यशानंतर निर्माती क्षिती जोग आणि लेखक-दिग्दर्शक हेमंत ढोमे या लोकप्रिय जोडीच्या ‘क्रांतिज्योती विद्यालय - मराठी माध्यम’ या आगामी चित्रपटाची तारीख जाहीर झाली आहे. नुकतीच सोशल मीडियावर या चित्रपटाच्या प्रदर्शनाची तारीख घोषित करत व्हिडिओ शेअर करण्यात आला आहे. आता मराठी शाळा पुन्हा भरणार! असं म्हणत हा चित्रपट १ जानेवारी पासून प्रेक्षकांच्या भेटीला येणार आहे. मराठी शाळांची घटती संख्या, मातृभाषेतील शिक्षणाचे महत्त्व आणि मराठी भाषेबद्दलचा गर्व या विषयांचा मनोरंजक तरीही हृदयस्पर्शी पद्धतीने घेतलेला वेध म्हणजे ‘क्रांतिज्योती विद्यालय - मराठी माध्यम’. या चित्रपटात मराठी कलाकारांची दमदार फळी झळकणार आहे. मराठी चित्रपटसृष्टीतील दिग्गज अभिनेते सचिन खेडेकर, अमेय वाघ, सिद्धार्थ चांदेकर, क्षिती जोग, कादंबरी कदम, हरीश दुधाडे, पुष्कराज चिरपुटकर या सर्वांसोबत अभिनेत्री प्राजक्ता कोळी पहिल्यांदाच मराठी चित्रपटात पदार्पण करत आहे.     चित्रपटाचे लेखक आणि दिग्दर्शक हेमंत ढोमे म्हणतात, “ या चित्रपटाचा विषय माझ्या अगदी मनाजवळचा आहे. आ...

   काही प्रतिभावान कलावंतांनी कठोर मेहनतीच्या बळावर इतिहासाच्या पानांमधील व्यक्तिरेखा रुपेरी पडद्यावरही अजरामर केल्या आहेत. त्यांचीच परंपरा पुढे सुरू ठेवत आता अभिनेता अजिंक्य राऊत  प्रथमच  मोठ्या  पडद्यावर  एका महत्त्वपूर्ण ऐतिहासिक व्यक्तीरेखेत दिसणार आहे. आगामी 'अभंग तुकाराम' या चित्रपटात तरुण छत्रपती शिवाजी महाराजांची भूमिका तो साकारणार आहे. दिग्पाल लांजेकर दिग्दर्शित ‘अभंग तुकाराम’  चित्रपट ७ नोव्हेंबरला आपल्या भेटीला येणार आहे. पॅनोरमा स्टुडिओज ही नामांकित निर्मिती संस्था या चित्रपटाचे प्रस्तुतकर्ते आहेत. चित्रपटाचे निर्माते कुमार मंगत पाठक, अभिषेक पाठक, अजय अशोक पूरकर, दिग्पाल लांजेकर असून सहनिर्माते मुरलीधर छतवानी, रवींद्र औटी आहेत.     अजिंक्यने विविध मालिका आणि सिनेमांमधून प्रेक्षकांचे मनोरंजन केले असून त्याला प्रेक्षकांचे भरभरून प्रेम मिळालं होतं. या नव्या भूमिकेविषयी विषयी सांगताना अजिंक्य राऊत म्हणाला की, आपलं आराध्य दैवत असलेल्या छत्रपती शिवाजी महाराज यांची भूमिका करायला मिळणे हे मी भाग्यचं समजतो. ‘छत्रपती शिवाजी महार...

     महाराष्ट्राच्या घरोघरी विनोदाचा वर्षाव करीत लोकप्रिय झालेल्या कॅामेडी क्वीन विशाखा सुभेदारची मुख्य भूमिका असलेला 'वेल डन आई' हा चित्रपट मुहूर्तापासूनच प्रेक्षकांची उत्सुकता वाढवणारा ठरला आहे. टीझर मागोमाग या चित्रपटाचा ट्रेलरही प्रेक्षकांच्या भेटीला आला आहे. ३१ ऑक्टोबरला संपूर्ण महाराष्ट्रात प्रदर्शित होण्यासाठी सज्ज असलेल्या 'वेल डन आई'चा ट्रेलर अतिशय उत्कंठावर्धक आणि कुतूहल वाढवणारा आहे.     या सिनेमाच्या ट्रेलर प्रकाशन सोहळ्याचे वैशिष्ट्य म्हणजे जगभरातील सर्व आईंना समर्पित असलेल्या 'वेल डन आई' चित्रपटाचा ट्रेलर कलाकार-तंत्रज्ञाच्या आईच्या उपस्थितीत प्रदर्शित करण्यात आला. दीपाली प्रोडक्शन या बॅनरअंतर्गत निर्माते सुधीर पाटील यांनी 'वेल डन आई' चित्रपटाची निर्मिती केली आहे. चित्रपटाच्या लेखनासोबतच दिग्दर्शनही शंकर अर्चना बापू धुलगुडे यांनी केले आहे. कथा, पटकथा आणि संवादलेखन संदीप गचांडे व शंकर धुलगुडे यांनी केले आहे. 'वेल डन आई'च्या टीझरने सोशल मीडियावर लक्ष वेधल्यानंतर आता ट्रेलर प्रेक्षकांची उत्सुकता वाढवत आहे. 'तुला नाही वा...

     दक्षिणेकडील बहुचर्चित चित्रपटांमध्ये झळकलेल्या अभिनेत्री रिद्धी कुमारची मराठी सिनेसृष्टीत एन्ट्री होणार असल्याने 'कढीपत्ता' या आगामी मराठी चित्रपटाची सध्या जोरदार चर्चा आहे. रिद्धीची जोडी मराठमोळा अभिनेता भूषण पाटीलसोबत जमल्याने एक कमालीचे कॅाम्बिनेशन या चित्रपटात पाहायला मिळणार आहे. या आणि बऱ्याच वैशिष्ट्यांच्या बळावर टिझरपासून पुढे सुरू असलेल्या आजवरच्या प्रवासात 'कढीपत्ता'ने क्षणोक्षणी रसिकांच्या मनात कुतूहल निर्माण करण्याचे काम केले आहे. आता या चित्रपटाचा ट्रेलर मोठ्या दिमाखात प्रेक्षकांच्या भेटीला आला आहे. सध्या मराठी सिनेसृष्टीत पसरलेल्या 'कढीपत्त्या'चा सुगंध ७ नोव्हेंबरला संपूर्ण महाराष्ट्रात दरवळणार आहे. .     युवान प्रोडक्शन प्रस्तुत 'कढीपत्ता' चित्रपटाची निर्मिती स्वप्नील युवराज मराठे यांनी केली असून चित्रपटाचे लेखन-दिग्दर्शन विश्वा यांनी केले आहे. महाराष्ट्रीयन लोकसंस्कृतीमधील उखाण्याने टिझरची सुरुवात झालेल्या 'कढीपत्ता' चित्रपटाने प्रेक्षकांच्या मनात कुतूहल जागवले आहे. नुकताच प्रदर्शित झालेल्या ट्रेलरने त्यात अधिक भर ...

  आजवर बऱ्याच मराठी चित्रपटांनी समाजाला आरसा दाखवण्याचं काम केलं आहे. समाजात घडणाऱ्या घटनांचे प्रतिबिंब नेहमीच रुपेरी पडद्यावर उमटल्याचे पाहायला मिळाले आहे. याद्वारे काही चित्रपटांनी समाजाला नवी दिशा देण्याचेही काम केले आहे. याच वाटेवरील 'निर्धार' हा आगामी मराठी चित्रपट येत्या २८ नोव्हेंबरला संपूर्ण महाराष्ट्रात प्रदर्शित होणार आहे. प्रभादेवी येथील श्री सिद्धिविनायक मंदिरामध्ये गणरायाच्या आशीर्वादाने 'निर्धार' चित्रपटाचे कुतूहल जागवणारे पहिले पोस्टर प्रदर्शित करण्यात आले. याप्रसंगी श्री सिद्धिविनायक मंदिर विश्वस्त श्री. महेश मुदलीयार आणि जितेंद्र राऊत चित्रपटाचे निर्माते, दिग्दर्शक, कलाकार आणि तंत्रज्ञ मंडळी उपस्थित होती.      जयलक्ष्मी क्रिएशनच्या बॅनरखाली निर्मात्या पद्मजा वालावलकर यांनी 'निर्धार' चित्रपटाची निर्मिती केली आहे. दिनानाथ वालावलकर यांनी लिहिलेल्या या चित्रपटाचे दिग्दर्शन दिलीप भोपळे यांनी केले आहे. प्रदर्शित करण्यात आलेले पोस्टर देशभक्तीची भावना जागवणारे आहे. पोस्टरवरील तिरंग्याची अनोखी झलक क्षणार्धात लक्ष वेधणारी आहे. आजवर अनेक व्यक्त...

   गेल्या दोन वर्षांपासून पुण्याचा लेखक-दिग्दर्शक विनोद रत्ना आणि त्याच्या ग्रुपने एकापाठोपाठ एकांकिका स्पर्धा जिंकून सगळ्यांचं लक्ष वेधून घेतलं होतंच. यावर्षी अखिल भारतीय मराठी नाट्यपरिषदेने आयोजित केलेल्या राज्यस्तरीय एकांकिका स्पर्धेच्या अंतिम फेरीत सर्वच्या सर्व पारितोषिकं 'चिरंजीव परफेक्ट बिघडलाय!' या एकांकिकेने पटकावली. लेखन, दिग्दर्शन, अभिनय, नेपथ्य, प्रकाशयोजना या सर्वच स्तरावर काही नवे प्रयोग त्यात केलेले दिसले. याच एकांकिकेचं पूर्ण लांबीच्या नाटकात केलेलं रुपांतर मराठी रंगभूमीदिनाच्या मुहूर्तावर ५ नोव्हेंबर २०२५ रोजी व्यावसायिक रंगभूमीवर येत आहे. चंद्रकांत कुलकर्णी हे नाटक सादर करणार असून, वैशिष्ट्य म्हणजे ओरिजिनल संचातच ही ऊर्जावान रंगकर्मी मंडळी आपल्याला मुख्यधारेतल्या रंगभूमीवर दिसणार आहेत. 'जिगीषा' संस्थेची ही निर्मिती असून नाटकाच्या तालमी जोरात सुरु आहेत.     एकांकिका, दीर्घांक स्पर्धा, राज्यनाट्य स्पर्धा, समांतर रंगभूमीवरुन व्यावसायिक रंगभूमीवर येण्याचा हा नाट्यप्रवास महाराष्ट्रातल्या प्रेक्षकांना परिचित आहेच पण अत्यंत सळसळत्या ऊर्जेची, नव...

   गेल्या काही दिवसांपासून चर्चेत असलेल्या "लास्ट स्टॉप खांदा" या चित्रपटाचा टीजर लाँच करण्यात आला आहे. फ्रेश लुक असलेला हा चित्रपट २१ नोव्हेंबरला सर्वत्र प्रदर्शित होणार आहे.     शिवम फिल्म क्रिएशन सिग्नेचर ट्यून्स, स्नेहा प्रॉडक्शन्स यांनी "लास्ट स्टॉप खांदा... " प्रत्येकाच्या प्रेमाची गोष्ट या चित्रपटाची निर्मिती केली आहे. सचिन कदम आणि सचिन जाधव यांनी या चित्रपटाती प्रस्तुती केली आहे. प्रदीप मनोहर जाधव हे या चित्रपटाचे निर्माते असून सचिन कदम, अमृता सचिन जाधव सहनिर्माते आहेत. श्रमेश बेटकर लिखित या चित्रपटाचं दिग्दर्शन विनित परुळेकर यांनी केलं आहे. चित्रपटात अभिनेता श्रमेश बेटकर अभिनेत्री जुईली टेमकर, निखिल बने, मंदार मांडवकर, शशिकांत केरकर, सुदेश जाधव, महेश कापरेकर, प्रियांका हांडे, डॉ. सचिन वामनराव, गणेश गुरव, निशांत जाधव, गिरीश तेंडुलकर, जयश्री गोविंद अशी तगडी स्टारकास्ट आहे. तर पाहुणे कलाकार म्हणून प्रभाकर मोरे, धनश्री काडगावकर, अशोक ढगे हे आपल्या भेटीस येणार आहेत. चित्रपटाचं छायांकन हरेश सावंत यांचं असून कलादिग्दर्शक केशव ठाकुर आहेत. श्रेयस राज आंग...

मुंबई: बालप्रेक्षकांना मनसोक्त आनंद देण्याकरिता एक आगळेवेगळे आणि थरारक बालनाट्य लवकरच रंगभूमीवर दाखल होत आहे – ते म्हणजे उत्क्रांती घडवणारे बालनाट्य 'माकडचाळे'. प्रशांत निगडे लिखित व दिग्दर्शित हे बालनाट्य केवळ विनोद आणि धमाल नाही, तर ते मुलांना निसर्गाशी जोडून, एक नवा आणि चित्तथरारक अनुभव देण्यास सज्ज झाले आहे.     माझे पूर्वज, माझे सुपर हिरो! हे प्रभावी घोषवाक्य घेऊन येणारे हे नाट्य, आजकाल मोबाईलमध्ये हरवून जाणाऱ्या मुलांची कथा सांगते. सहलीला गेलेली काही मुले घनदाट जंगलात हरवतात. तिथे त्यांची एका माकडाशी झालेली मैत्री आणि त्यानंतर जंगलात त्यांनी केलेली धमाल, हे सर्व पाहणे प्रेक्षकांसाठी एक रोमांचकारी अनुभव ठरणार आहे.    दिग्दर्शक प्रशांत निगडे यांनी बालनाट्याची पारंपरिक चौकट मोडत शिशु, बाल आणि कुमार अशा तिन्ही वयोगटातील मुलांचा विचार करून या कथानकाची रचना केली आहे. परीकथा किंवा कार्टून पात्रांपेक्षा वेगळे, 'माकडचाळे' हे माकडाचे जगणे अनुभवून प्रेक्षकांना अचंबित करेल. हे नाट्य लहान मुलांबरोबरच मोठ्यांनाही त्यांच्या बालपणात घेऊन जाईल, यात शंका नाही!  ...

तुझा पाहूनी सोहळा । माझा रंगला अभंग ।। गेला शिणवटा सारा । मेघ झाले पांडुरंग ।। नाम तुकोबाचे घेता । डोले पताका डौलात ।।     या उक्तीची अनुभूती घेत माध्यम प्रतिनिधी आणि रसिकांच्या साक्षीने ‘अभंग तुकाराम’ या चित्रपटातील कलाकारांच्या साथीने अदभूत असा आनंद सोहळा नुकताच मोठय़ा उत्साहात आणि भक्तिरसात संपन्न झाला. भक्तीचा ताल, टाळ-मृदंगाच्या गजरात ‘ज्ञानोबा  माऊली  तुकाराम’नामाचा घोष करत आलेली दिंडी, चित्रपटातील कलाकारांनी केलेले सादरीकरण, गायकांनी सादर केलेले अभंग, तसेच छत्रपती शिवाजी महाराज आणि जगद्गुरु तुकाराम महाराज यांच्या भक्ती-शक्ती  संगमाचा ऐतिहासिक क्षण ‘याची देही याची डोळा’ रसिकांनी मनात साठवला.      राज्याचे सांस्कृतिक कार्यमंत्री मा.आशिषजी शेलार यांच्या हस्ते चित्रपटाचा संगीत लोकार्पण सोहळा संपन्न झाला. चित्रपटाशी संबंधित कलाकार, तंत्रज्ञ यांचा सत्कार आशिषजी शेलार यांच्या हस्ते करण्यात आला.  यावेळी  बोलताना आशिषजी शेलार म्हणाले, ‘आपल्या संस्कृतीचे मूळ आणि महाराष्ट्राच्या  भूमीला अपेक्षित असे संतविचार दिग्दर्शक दिग्पाल...

  कोणत्याही यशस्वी डॉक्टरची ओळख केवळ त्याच्या कौशल्यातून होत नाही तर त्याच्या रूग्णांच्या कथा आणि व्यथांमधून होत असते. कुठल्या तरी आजारापायी जेव्हा एखाद्या रूग्णाचा जीव पणाला लागलेला असतो, तेव्हा त्याच्यावर उपचार करणाऱ्या डॉक्टरचीही प्रत्येक वेळी नव्याने परीक्षा होत असते. त्यात तो पास झाला तरच ‘ताठ कण्यानं’ जगाला सामोरा जाऊ शकतो. अशाच एका ध्येयवेड्या,  संशोधनात झोकून दिलेल्या एका डॉक्टरची कथा आहे- ताठ कणा.  डॉ. प्रेमानंद रामाणी यांचा जीवनपट उलगडून दाखवणारा ‘ताठ कणा’ हा चित्रपट २८ नोव्हेंबरला प्रदर्शित होणार आहे. ‘प्रज्ञा क्रिएशन्स’चे विजय मुडशिंगीकर, व ‘स्प्रिंग समर फिल्मसचे करण रावत यांनी या चित्रपटाची निर्मिती केली आहे. चित्रपटाचे लेखन श्रीकांत बोजेवार यांनी केले असून दिग्दर्शक गिरीश मोहिते आहेत.   जागतिक ख्यातीप्राप्त आणि आज वयाच्या ८६ व्या वर्षीही दररोज ऑपरेशन थिएटरमध्ये सर्जरीसाठी सज्ज असलेल्या न्यूरोसर्जन डॉ. पी. एस. रामाणी यांच्या विलक्षण आयुष्याची ही क्षणाक्षणाला वेगळी वळणे घेणारी सत्य कथा. अत्यंत हलाखीच्या परिस्थितीत असूनही डॉक्टर होण्याचा ध...

  एका अनोख्या, रंगेल आणि गुंतागुंतीच्या जगात घेऊन जाणारा नवा मराठी चित्रपट “स्मार्ट सुनबाई” चित्रपटसृष्टीत नवा धमाका करायला सज्ज झालेला आहे. नुकताच या सिनेमाचा टिझर प्रेक्षकांच्या भेटीस आलाय. शिवाजी दोलताडे दिग्दर्शित आणि गोवर्धन दोलताडे, गार्गी निर्मित, कार्तिक दोलताडे पाटील सह निर्मित 'स्मार्ट सुनबाई' चा टीझर  पाहिल्यावर एक गोष्ट नक्की लक्षात येते ते म्हणजे ही एक शहरी आणि ग्रामीण मनांची मस्तीखोर जुगलबंदी आहे, जिथे रहस्याचा थर आणि प्रेमाचा स्पर्श आहे.     विशेष म्हणजे या चित्रपटाचा टिझर महाराष्ट्राचे उपमुख्यमंत्री एकनाथ शिंदे यांच्या हस्ते प्रदर्शित करण्यात आला, त्यांनी या चित्रपटाच्या संकल्पनेचं, कलाकारांचं तसेच दिग्दर्शकाच्या प्रयत्नांचं मनापासून कौतुकही केलं. टिझरमधील भावनिक आणि विनोदी रंगांची संगम साधणारी झलक पाहून त्यांनी “हा सिनेमा नक्कीच प्रेक्षकांच्या मनावर राज्य करेल,” असा विश्वास व्यक्त केला.    हा टीझर प्रेक्षकांना एका अप्रतिम स्थळावर घेऊन जातो. सुंदर, रमणीय आणि निसर्गरम्य लोकेशन्समध्ये चित्रित झालेला हा चित्रपट केवळ डोळ्यांची म...

   सत्यता शोधण्या, घेऊनी लेखणी, जाहली दामिनी, मूर्त सौदामिनी हे गाणं घराघरांत वाजलं कि, घरातला प्रत्येक जण दूरदर्शनच्या छोट्या पडद्यासमोर हजर व्हायचा आणि 'दामिनी'  या मालिकेमध्ये गुंतून जायचा. दूरदर्शन सह्याद्रीवरची पहिली दैनंदिन मालिका 'दामिनी'.. पाच वर्षांचा कालावधी, १५०० एपिसोड्स, अनेक गुणी कलाकार, तंत्रज्ञांचा सहभाग आणि… प्रेक्षकांचं प्रचंड प्रेम.      'दामिनी' ही मालिका दूरदर्शनच्या छोट्या पडद्यावर सुरू झाली, तेव्हा तिने एक इतिहास घडवला. प्रतीक्षा लोणकर, क्षिती जोग या अभिनेत्रींनी आधी या मालिकेत मुख्य व्यक्तिरेखा साकारल्या. सुबोध भावे आणि क्षिती जोग यांची या मालिकेतील जोडीही गाजली. आता तीस वर्षांनी, या मालिकेचा दुसरा सीझन नव्या रूपात, नव्या दिमाखात पुन्हा त्याच वाहिनीवरून प्रेक्षकांच्या भेटीला येणार आहे. दामिनी 2 मध्ये किरण पावसे ही साताऱ्याची अभिनेत्री मुख्य व्यक्तिरेखा साकारणार आहे. तिच्यासह पुण्याचा ध्रुव दातार हा अभिनेता नायकाच्या भूमिकेत आहे.    येत्या १३ ऑक्टोबरपासून, सायं ७.३० वा.  'दामिनी२.०'.ही मालिका सह्याद्री वाहिन...

   'ठरलंय फॉरेवर' नावातच एक हलकीशी उब आहे. प्रेम, आठवणी, आणि नव्या सुरुवातींचं वचन. आणि जेव्हा या भावनांना संगीत, अभिनय आणि आधुनिक तंत्रज्ञानाची जोड मिळते, तेव्हा मराठी रंगभूमीवर एक नवं पर्व उगवतं.     याच नव्या प्रवासाची सुरुवात झाली “ठरलंय फॉरेवर” या नाटकाच्या संगीत प्रकाशन सोहळ्यात. ऋता दुर्गुळे, कपिल रेडकर, अक्षता आचार्य, ऋषी मनोहर आणि संगीतकार अनिरुद्ध निमकर — ही तरुण टीम रंगभूमीला नव्या युगाची ओळख देण्यासाठी सज्ज झाली आहे. अभिनेत्री आणि सहनिर्माती ऋता दुर्गुळे हसत म्हणाली, “हे नाटक म्हणजे एक टीमवर्क आहे. प्रत्येक विभागाने — तांत्रिक, कलात्मक आणि भावनिक — आपलं 100% दिलं आहे. ‘ठरलंय फॉरेवर’ आमच्यासाठी फक्त एक नाटक नाही, तर एक भावना आहे.”   दिग्दर्शक ऋषी मनोहर म्हणाले,“थिएटरमध्ये नवा अनुभव, नवी दृश्यभाषा आणि नवा सूर शोधायचा होता. लाईव्ह गाणी, एलईडी पार्श्वभूमी आणि आधुनिक कथनशैली — या तिन्हींच्या संगमातून ‘ठरलंय फॉरेवर’ जन्माला आलं. प्रेक्षकांना फक्त नाटक नव्हे, तर एक संगीतमय अनुभव देण्याचा आमचा प्रयत्न आहे.”    या नाटकाचं संगीत अनिरुद्ध ...

महिलांच्या सामर्थ्याचा आणि आशा सेविकांच्या निःस्वार्थ कार्याला प्रेक्षकांपर्यंत पोहचवण्याचा, दिग्दर्शक दीपक पाटील, निर्माते दैवता पाटील आणि निलेश कुवर यांनी केलेल्या प्रयत्नाला जवळपास ५०० आशा आणि अंगणवाडी सेविकांनी भरभरून दाद दिली.     यावेळी निर्मात्या दैवता पाटील म्हणाल्या, "एखादी स्त्री जेव्हा घराच्या चौकटीबाहेर पाऊल टाकते, तेव्हा तिला असंख्य अडचणींना सामोरे जावं लागतं — कधी घराबाहेरचा विरोध, तर कधी घराच्या आतलाच संघर्ष. तरीही ती थांबत नाही. प्रत्येक अडथळा ओलांडत, ती स्वतःला सिद्ध करण्याचा प्रयत्न करत पुढे जाते. ‘आशा’ चित्रपटातील नायिकाही अशीच आहे, आशा सेविका म्हणून काम करत असली, तरी ती हे फक्त नोकरी म्हणून करत नाही, तर तिच्यासाठी ते एक आवड आणि ध्यास आहे. म्हणूनच तिची कहाणी ही फक्त एका आशा सेविकेची राहत नाही, तर ती प्रत्येक स्त्रीची कहाणी बनते… बाईपणाच्या संघर्षाची आणि सामर्थ्याची गोष्ट ठरते."    “आशा” या चित्रपटाला ६१ व्या महाराष्ट्र राज्य चित्रपट पुरस्कारांत सर्वोत्कृष्ट सामाजिक चित्रपट, दिग्दर्शक, अभिनेत्री आणि सहाय्यक अभिनेत्री या विभागांत पारितोषि...

    नायकाप्रमाणे क्रूर खलनायकही चित्रपटांत गाजलेत! याआधी सकारात्मक भूमिकेत दिसलेले कलाकार आता नकारात्मक पात्र साकारताना दिसत आहेत. या यादीत आता अभिनेते अजय पूरकर यांचा समावेश झाला आहे. आगामी ‘अभंग तुकाराम’ या चित्रपटात ‘मंबाजी’ या नकारात्मक रूपात आपल्याला ते दिसणार आहेत. दिग्पाल लांजेकर दिग्दर्शित ‘अभंग तुकाराम’ चित्रपट ७ नोव्हेंबरला आपल्या भेटीला येणार आहे. पॅनोरमा स्टुडिओज ही नामांकित निर्मिती संस्था या चित्रपटाचे प्रस्तुतकर्ते आहेत.  चित्रपटाचे निर्माते कुमार मंगत पाठक, अभिषेक पाठक असून सहनिर्माते मुरलीधर छतवानी, रवींद्र औटी आहेत.        संत तुकोबांचे वाढते प्रस्थ पाहून ज्यांच्या ज्यांच्या पोटात दुखत होते त्यात मंबाजी हे आघाडीवर होते. काही ना काहीतरी कुरापत काढायची आणि संत तुकोबांना छळायचे हे त्यांचे नित्याचेच काम होते. ‘मंबाजी’ यांचा नीचपणा एवढा होता की तुकोबांना गुरुस्थानी मानणाऱ्या बहिणाबाई यांनी त्याचे वर्णन विंचवाची नांगी । तैसा दुर्जन सर्वांगी असे केलेले आहे.    ‘मंबाजी’ या आपल्या खलनायकी भूमिकेबद्दल बोलताना अजय पूरकर सां...

   प्रेक्षक आणि समीक्षकांच्या पसंतीस उतरलेल्या ‘भूमिका’ या नाटकाला  नुकतंच 'माझा स्पेशल पुरस्कारा' ने  सन्मानित करण्यात आले. या  सन्मानानंतर या नाटकाच्या शिरपेचात आणखीन एक मानाचा  तुरा रोवला गेला आहे.  झी 24 तासचा सर्वोत्कृष्ट  नाटकाचा पुरस्कार जिगिषा अष्टविनायक निर्मित ‘भूमिका' या नाटकाने पटकावला आहे. सांस्कृतिक कार्यमंत्री आशिष शेलार अभिनेत्री निवेदिता सराफ, झी  सिनेमाचे बिझनेस  हेड  बवेश जानवलेकर, निर्माते अजित भुरे यांच्या हस्ते हा सन्मान नुकताच प्रदान करण्यात आला.     ‘भूमिका’ या नाटकाला मिळणारा हा प्रतिसाद आमच्यासाठी सुखवणारा आहे अशी भावना व्यक्त करत या पुरस्काराबद्दल नाटकाच्या टीमने कृतज्ञता व्यक्त केली. झी २४ तासचे चॅनेल हेड कमलेश सुतार आणि त्यांच्या संपूर्ण टीमचे आभार नाटकाचे दिग्दर्शक -चंद्रकांत कुलकर्णी, अभिनेत्री समिधा गुरू, निर्माते श्रीपाद पद्माकर  यांनी यावेळी मानले.      ‘भूमिका’ घेणं ही आजकाल दुर्मीळ झालेली गोष्ट या नाटकात ठामपणे दाखवली आहे.क्षितीज पटवर्धन यांनी या...

     राज्यातील बालकलावंतांसह दिव्यांग बालकांच्या सर्वांगिण विकासासाठी विविध उपक्रम राबविणाऱ्या बालरंगभूमी परिषदेच्या मध्यवर्ती कार्यालयाचा शुभारंभ रविवारी ( दि.५ - १०-२०२५ ) रोजी श्री सत्यनारायण महापुजेने मान्यवरांच्या हस्ते करण्यात आला.     माटुंगा येथील यशवंतराव चव्हाण नाट्यसंकुलात झालेल्या या शुभारंभ सोहळ्याप्रसंगी श्री सत्यनारायण महापुजेचे आयोजन करण्यात आले होते. महापुजेनंतर अध्यक्ष ॲड.निलम शिर्के सामंत यांच्यासह मध्यवर्ती कार्यकारिणीचे कार्याध्यक्ष राजू तुलालवार, प्रभारी प्रमुख कार्यवाह योगेश शुक्ल, कोषाध्यक्ष नंदकिशोर जुवेकर, सहकार्यवाह आसेफ शेख अन्सारी, दिपाली शेळके, कार्यकारिणी सदस्य अनंत जोशी, नागसेन पेंढारकर, वैदेही चवरे सोईतकर, निमंत्रित कार्यकारिणी सदस्य शिवाजी शिंदे, सुजय भालेराव, सीमा यलगुलवार, नवी मुंबई शाखेचे अध्यक्ष शुभम चौगुले यांच्यासह बृहन्मुंबई शाखा उपाध्यक्ष  सुनील सागवेकर, कार्याधक्ष्य ज्योती निसळ, प्रमुख कार्यवाहक आसेफ शेख, कोषध्यक्ष यशोदा माळकर पदाधिकारी, सदस्य व नवी मुंबई शाखा उपाध्यक्ष बाळकृष्ण ओडेकर आणि प्रमुख कार्यवा...

     माती आणि नाती जोडणारा सिनेमा असे ज्याचे सर्वत्र कौतुक होत आहे, तो "कुर्ला टू वेंगुर्ला" हा चित्रपट १९ सप्टेंबर रोजी प्रदर्शित झाला. स्पंदन परिवार या लोकचळवळीतून निर्माण झालेल्या या सिनेमाने रसिक प्रेक्षक, मान्यवर आणि समीक्षक अशा तिघांची प्रचंड पसंती मिळवली. ज्येष्ठ अभिनेते सयाजी शिंदे यांनी हा चित्रपट पाहिल्यानंतर 'कुर्ला टू वेंगुर्ला हा खऱ्या अर्थाने जागतिक पातळीवर महाराष्ट्राचे प्रतिनिधित्व करणारा सिनेमा आहे'   तर ज्येष्ठ दिग्दर्शिका सई परांजपे यांनी 'कुर्ला टू वेंगुर्ला म्हणजे कलेच्या बजबजपुरीत वाजणारं खणखणीत नाणं आहे' असे विधान केले. सर्वजण सोशल मीडियावर या चित्रपटाबद्दल भरभरून लिहू लागले. माऊथ पब्लिसिटीने चित्रपट जोर धरतच होता की साउथ चा कांतारा हा चित्रपट आला आणि चांगला चालत असलेला "कुर्ला टू वेंगुर्ला" हा जवळजवळ सर्वच थिएटर मधून काढण्यात आला आणि आता फक्त "मूव्हीटाईम हब" या गोरेगाव मधील थिएटरमध्ये या चित्रपटाचा एक शो आहे जो सुद्धा प्रत्येक दिवशी हाउसफुल चालला आहे. बॉलीवूड आणि साउथ च्या चित्रपटांसमोर मराठी चित्रपटांना मिळणारं दुय्...

एकमेव आणि अनन्य हक्क१५ सप्टेंबर २०१५ रोजी जय जगदांबा प्रॉडक्शन्स आणि सुमित म्युझिक कंपनी यांच्यात एक करार झाला. करारानुसार, ‘शांताबाई’ गाण्याचे सर्व मराठी आणि हिंदी अधिकार एकमेव आणि अनन्य हक्क म्हणून जय जगदांबा प्रॉडक्शन्सकडे गेले. सुमित म्युझिक कंपनीने फक्त काही विशिष्ट हक्क स्वतःकडे ठेवले, बाकीचे सर्व अधिकार जय जगदांबा प्रॉडक्शन्सकडे हस्तांतरित केले. शांताबाई गाणे खूप लोकप्रिय आहे, आणि त्याची मागणी प्रेक्षकांमध्ये खूप जास्त आहे. उल्लंघन आणि व्यावसायिक नुकसान सुमित म्युझिक कंपनीने गाणे YouTube, Spotify, Jio Saavn, Amazon Prime, Apple Music अशा डिजिटल प्लॅटफॉर्मवर स्वतःच्या नावाने अपलोड केले आणि PDL सारख्या कॉपीराईट सोसायटीमध्ये नोंदणी करून इतरांना परवाने दिले. यामुळे जय जगदांबा प्रॉडक्शन्सच्या हक्काचे व्यावसायिक नुकसान झाले, ब्रँडची प्रतिमा प्रभावित झाली आणि आगामी चित्रपटातील गाण्याच्या मार्केटिंगला धोका निर्माण झाला.     कायदेशीर कारवाई चित्रपटाचे निर्माता संजीव राठोड यांनी कायदेशीर नोटीस पाठवून या उल्लंघनावर कठोर पावले उचलली. सुमित म्युझिक कंपनीने उत्तरात ‘exclu...

    प्रीमियम पेय उद्योगातील एक प्रतिष्ठित जागतिक नाव असलेल्या पुराणिक स्पिरिट्स कंपनीने आपल्या प्रमुख पोर्टफोलिओसह भारतीय बाजारपेठेत अधिकृत प्रवेशाची घोषणा केली आहे. मुंबईतील ताज लँड्स एंड येथे झालेल्या खास कार्यक्रमात ब्रँडने आपल्या दोन सिग्नेचर उत्पादनांचा म्हणजेच पुराणिक व्होडका, जी नऊ वेळा डिस्टिल केल्यामुळे अत्यंत स्मूथ आहे आणि पुराणिक व्हीएसओपी कॉन्यॅक, जे फ्रेंच कलेचे उत्कृष्ट उदाहरण आहे, त्याचे भव्य अनावरण केले.      या रणनीतिक प्रवेशाद्वारे पुराणिक स्पिरिट्सचा उद्देश युरोपीय डिस्टिलेशनचा वारसा भारतासारख्या जगातील सर्वात वेगाने वाढणाऱ्या प्रीमियम स्पिरिट्स मार्केटमध्ये आणण्याचा आहे. कंपनीच्या उत्पादन केंद्रांचा पाया दोन जागतिक दर्जाच्या प्रदेशांमध्ये आहे. फ्रान्समधील कॉन्यॅक, जिथे परंपरेने उत्कृष्ट कॉन्यॅक, आर्मन्याक, लिकर्स आणि पिनो द शराँत वाईन्स तयार होतात आणि स्कॉटिश हायलँड्स, जिथे पुरस्कारप्राप्त जिन, रम, अ‍ॅबसिन्थ आणि अक्वाविट तयार केले जातात.     या प्रसंगी पुराणिक स्पिरिट्स इंडियाचे प्रवर्तक आणि सीईओ अनूप मोहन म्हणाले, ''भार...

   एव्हरेस्ट एंटरटेनमेंट प्रस्तुत ‘प्रेमाची गोष्ट २’ लवकरच प्रेक्षकांच्या भेटीला येत आहे. या चित्रपटाचा टिझर आणि गाणी आधीच चर्चेत असून नुकताच प्रदर्शित झालेला ट्रेलर पाहिल्यानंतर प्रेक्षकांची उत्सुकता आणखीच वाढली आहे. या चित्रपटाचा ट्रेलर लाँच सोहळा दिमाखात पार पडला. या धमाल सोहळ्यात ललित प्रभाकर, ऋचा वैद्य आणि रिधिमा पंडित यांनी चित्रपटातील ‘ओल्या सांजवेळी २.०’ व  ‘ये ना पुन्हा’ या गाण्यांवर सुंदर नृत्य सादर केले. .    ट्रेलरमध्ये लालितच्या आयुष्यात आलेली वळणं ठळकपणे दिसत आहेत. लग्न, घटस्फोट आणि त्यानंतर पुन्हा समोर आलेलं जुनं प्रेम. या सगळ्यामुळे त्याचं आयुष्य जणू एका वादळात सापडलं आहे. स्वतःच्या चुकांचा आणि नशिबाचा हिशेब करताना तो सगळ्याचा दोष देवाला देताना दिसतोय. परंतु देव त्याला खरंच नशिब बदलण्याची दुसरी संधी देणार का? आणि दिलीच, तरी लालितचं नशिब खरंच बदलेल का? याचं उत्तर प्रेक्षकांना चित्रपट पाहूनच मिळणार आहे. चित्रपटात आजच्या काळातील प्रेमाचे वास्तव, त्यातील बदलती नाती, डिजिटल युगातील संवादाचे रूप आणि व्हीएफएक्स यांचा सुंदर मिलाफ यात आहे. आधु...

    मराठी चित्रपट सृष्टीतील चर्चेत असलेला आगामी सिनेमा ‘स्मार्ट सुनबाई’ येत्या २१ नोव्हेंबर २०२५ पासून संपूर्ण महाराष्ट्रात प्रेक्षकांच्या भेटीला येणार आहे. शिवाजी दोलताडे दिग्दर्शित आणि गोवर्धन दोलताडे, गार्गी निर्मित, कार्तिक दोलताडे पाटील सह निर्मित या सिनेमाच्या पहिल्या पोस्टरने प्रेक्षकांच्या उत्सुकतेला नवीन उंची दिली होती, तर आता मुख्य असलेलं रंगतदार पोस्टरही प्रेक्षकांसमोर आलय. विशेष आनंदाची बाब म्हणजे महाराष्ट्राचे लोकप्रिय नेते आणि राज्याचे उपमुख्यमंत्री अजितदादा पवार यांच्या प्रमुख उपस्थितीत पोस्टरचे अनावरण करण्यात आले, यावेळी लेखक , निर्माते गोवर्धन दोलताडे व अभिनेते रोहन पाटील उपस्थित होते.     राज्याचे उपमुख्यमंत्री अजितदादा पवार यांच्या प्रमुख उपस्थितीत मुख्य पोस्टरचे प्रकाशन संपूर्ण टीमसाठी अद्भुत, उल्लसित आणि अभिमानास्पद क्षण ठरला.   या खास प्रसंगात त्यांनी केवळ पोस्टरचे अनावरण केले नाही, तर टीमचं कौतुक सुद्धा केलं. त्यांच्या मनापासून दिलेल्या शुभेच्छांनी उत्साह, आनंद आणि आत्मविश्वासाची लाट पसरली, ज्याने हा क्षण एकदम स्मरणीय आणि ...