chirantan 'चिरंतन'

मराठी चित्रपटसृष्टीत ग्रामीण जीवनाचा बाज, नात्यांमधील भावबंध, सामाजिक वास्तव आणि मनोरंजन यांची सांगड घालणारा ‘अबीर’ हा आगामी चित्रपट प्रेक्षकांच्या भेटीला येण्यासाठी सज्ज झाला आहे. चित्रपटाच्या शीर्षकाप्रमाणेच त्यातील कथानकात रंगांची उधळण, भावनांचे विविध पदर आणि नाट्यमय घडामोडी पाहायला मिळणार आहेत. चित्रपटातील गाणीही कथानकाला साजेसा रंगतदार बाज घेऊन येत आहेत. अशातच ग्रामीण वातावरण, गावातील कार्यक्रमाची लगबग आणि लावणीच्या ठेक्याने रंगणारी मैफल यांची अनुभूती देणारे ‘गुडघ्याला बाशिंग बांधलं...’ हे गाणे प्रदर्शित झाले आहे. ‘अबीर’ १८ डिसेंबरला प्रेक्षकांच्या भेटीला येणार आहे. श्री. सुदेश वसंतराव झावरे पाटील यांनी या चित्रपटाची निर्मिती केली असून, शंभो एंटरटेनमेंट आणि श्री महाकाल प्रॉडक्शन्स यांनी चित्रपटाची प्रस्तुती केली आहे. आकाश विष्णू शिंदे यांनी ‘अबीर’ची पटकथा, संवादलेखन आणि दिग्दर्शनाची धुरा सांभाळली आहे. या चित्रपटातील ‘गुडघ्याला बाशिंग बांधलं...’ या गाण्याचे बोल ‘जाते जिथं जिथं बाई...’ असे आहेत. या गाण्यात गावातील कार्यक्रमात आमदारांचे आगमन होते आणि त्यानंतर लावणीच्या सा...

अयोध्येत प्रभू श्रीरामांचं भव्य मंदिर उभं राहिलं आणि त्यानंतर पाकिस्तानमध्ये घडली एक अशी घटना,जिने अनेकांचं लक्ष वेधून घेतलं! नेमकं काय घडलं होतं? या चित्तथरारक घटनेमागची कहाणी काय आहे? अशाच अनेक प्रश्नांची उत्सुकता वाढवणारा ‘जय श्री राम’ हा भव्य मराठी चित्रपट आता मोठ्या पडद्यावर येण्यासाठी सज्ज होत आहे. वेगळ्या विषयाची लक्षवेधक मांडणी आणि भव्य निर्मितीमूल्ये यांची उत्तम सांगड घालत या चित्रपटाच्या चित्रीकरणाची नुकतीच सुरुवात झाली. ‘सेव्हन ओशन स्टुडिओज’ आणि ‘अमोल कागणे स्टुडिओ प्रॉडक्शन’ यांच्या संयुक्त विद्यमाने ‘जय श्री राम’ या चित्रपटाची निर्मिती होत आहे. राम खाटमोडे आणि सागर पाठक या चित्रपटाच्या दिग्दर्शनाची धुरा सांभाळणार आहेत. सहाय्यक दिग्दर्शक  विनोद वणवे आहेत. मराठी, बॉलिवूड आणि दाक्षिणात्य चित्रपटसृष्टीतील अनुभवी व दमदार कलाकारांची भक्कम स्टारकास्ट ही या चित्रपटाचे विशेष आकर्षण आहे. वेगळ्या विषयाची निवड, भव्य निर्मितीमूल्ये आणि नामवंत कलाकारांची मांदियाळी यामुळे ‘जय श्री राम’ या चित्रपटाबाबतची उत्सुकता अधिकच वाढली आहे.     अयोध्येतील श्रीराम मंदिराच्या...

बालपणातील निरागस खोड्या, कल्पनाविश्वातील गमतीजमती, भीतीचे अनुभव आणि लहानग्यांच्या भावविश्वातील असंख्य रंग मोठ्या पडद्यावर अनुभवण्याची संधी ‘चिकीझिंग’ या आगामी मराठी चित्रपटातून मिळणार आहे. बऱ्याच काळानंतर बालकांच्या भावविश्वाला केंद्रस्थानी ठेवणारा चित्रपट प्रेक्षकांच्या भेटीला येत असल्याने या चित्रपटाबाबत उत्सुकता निर्माण झाली आहे. ग्रामीण जीवनाचा गंध, बालमनातील कल्पनांचे विश्व, खोडकरपणा आणि मनोरंजनाची धमाल यांची सांगड घालणाऱ्या या चित्रपटातील ‘चला चला मामाच्या गावाला...’ हे नवे गाणे व्हिडीओ पॅलेसच्या सहकार्याने प्रदर्शित झाले आहे. अभिनेते उपेंद्र लिमये यांच्या आवाजाने सजलेल्या या गाण्यात ग्रामीण बोलीचा खट्याळ बाज, मुलांच्या मनातील धाक आणि गमतीदार प्रसंगांची रंगत अनुभवायला मिळते. राजेंद्र बगाटे आणि वैभव कुलकर्णी यांच्या लेखन-दिग्दर्शनातून साकारलेला हा चित्रपट १९ नोव्हेंबरला चित्रपटगृहांत प्रदर्शित होणार आहे. दीपक वाणी आणि जयप्रकाश भांडे प्रस्तुत या चित्रपटाची निर्मिती ए थीमटीम स्टुडिओ प्रॉडक्शनने कीफ्रेम प्रॉडक्शनच्या सहकार्याने केली आहे. सुप्रिया बगाटे यांनी निर्मितीची धु...

अभिनयाच्या माध्यमातून प्रेक्षकांच्या मनावर अधिराज्य गाजवणारे ज्येष्ठ अभिनेते प्रदीप वेलणकर आता आपल्या लेखणीतून वाचकांशी संवाद साधणार आहेत. त्यांच्या अनुभवविश्वाचा, आठवणींचा आणि आयुष्याकडे पाहण्याच्या दृष्टिकोनाचा वेध घेणाऱ्या ‘मनापासून’ या पुस्तकाचा प्रकाशन सोहळा रविवार, १ नोव्हेंबर रोजी मुंबईतील मास्टर दीनानाथ मंगेशकर नाट्यगृहात उत्साहात पार पडला. साहित्य, नाट्य आणि चित्रपट क्षेत्रातील दिग्गजांच्या उपस्थितीत रंगलेल्या या सोहळ्यात वेलणकर यांच्या लेखनप्रवासाचे आणि त्यांच्या व्यक्तिमत्त्वावर असलेल्या प्रेमाचे दर्शन घडले. विशेष म्हणजे, उपस्थितांच्या प्रेमाने भारावलेल्या प्रदीप वेलणकर यांनी आपल्या मनातील भावना व्यक्त करत हा क्षण आपल्यासाठी किती आनंदाचा आणि तितकाच भावनिक असल्याचे सांगितले. ग्रंथालीतर्फे प्रकाशित करण्यात आलेल्या या पुस्तकाचे मुखपृष्ठ अभिनेत्री, दिग्दर्शिका आणि जाहिरात क्षेत्रात कार्यरत असलेल्या मीरा वेलणकर यांनी आपल्या कल्पकतेतून आकर्षक पद्धतीने साकारले आहे. आपल्या भावना व्यक्त करताना वेलणकर म्हणाले, “आजचा दिवस बोलण्याचा नाही, तर अनुभवण्याचा आहे. आज आनंद आहे, पण ...

मराठी चित्रपटसृष्टीत वेगवेगळ्या विषयांवर नवनवीन प्रयोग होत असतानाच, आता प्रेक्षकांना भय, कल्पनारम्यता आणि गूढतेचा अनोखा अनुभव देणाऱ्या हॉरर फँटसी चित्रपटाची उत्सुकता लागणार आहे. ‘बकेट लिस्ट’ आणि ‘देवमाणूस’ या चित्रपटांतून आपल्या दिग्दर्शनाची वेगळी छाप उमटवणारे तेजस प्रभा विजय देऊस्कर आता एका अनोख्या कथाविश्वातून प्रेक्षकांना भेटायला सज्ज झाले आहेत. त्यांच्या आगामी हॉरर फँटसी चित्रपटाचा मुहूर्त नुकताच संपन्न झाला असून लवकरच या चित्रपटाचे नावही जाहीर करण्यात येईल. यात सोनाली कुलकर्णी, सुयोग गोऱ्हे आणि रसिका सुनील यांच्या प्रमुख भूमिका आहेत. हॉरर आणि फँटसी या दोन जॅानरची सांगड घालत प्रेक्षकांना नेमका कोणता अनुभव मिळणार, याबाबत उत्सुकता आहे. चित्रपटाच्या कथानकाबाबत अधिक माहिती समोर आलेली नसल्याने या नव्या विश्वातील रहस्य उलगडण्याची प्रतीक्षा आता प्रेक्षकांना करावी लागणार आहे. भयाच्या वातावरणासोबत कल्पनाशक्तीला नवी दिशा देणारा हा चित्रपट मराठी सिनेमातील वेगळ्या विषयांच्या प्रवाहात महत्त्वाची भर घालण्याची शक्यता आहे. चित्रपटाचं नाव आणि कथानकाविषयीची माहिती लवकरच समोर येणार असल्या...

काही आवाज काळाच्या पडद्याआड जात नाहीत, तर ते पिढ्यान्‌पिढ्या मनामनांत घुमत राहतात. लोकशाहीर विठ्ठल उमप हे असेच एक अजरामर व्यक्तिमत्त्व! आपल्या पहाडी आवाजाने आणि लोककलेवरील निष्ठेने त्यांनी महाराष्ट्राच्या सांस्कृतिक परंपरेला समृद्ध केले. आज ते प्रत्यक्षात आपल्यात नसले, तरी त्यांची गाणी आणि कलेचा वारसा रसिकांच्या स्मरणात जिवंत आहे. लोकसंगीताच्या माध्यमातून समाजाशी नाते जोडणाऱ्या विठ्ठल उमप यांचे योगदान आजही मराठी रसिकांसाठी अमूल्य आहे. लोककला, लोकसंगीत आणि सामाजिक जाणीव यांचा सुरेल संगम आपल्या कलाविष्कारातून घडवणारे लोकशाहीर विठ्ठल उमप यांनी महाराष्ट्राच्या सांस्कृतिक क्षेत्रात मोलाचे योगदान दिले.  संगीत नाटक अकादमीचा राष्ट्रीय पुरस्कार प्राप्त करणाऱ्या या ज्येष्ठ शाहिराने आपल्या वैशिष्ट्यपूर्ण गायनशैलीतून लोकपरंपरेला समृद्ध केले. याच अजरामर आठवणींना स्वरांमधून अभिवादन करण्यासाठी त्यांच्या १६ व्या स्मृतिदिनानिमित्त १६ वा लोकशाहीर विठ्ठल उमप स्मृती संगीत समारोह आयोजित करण्यात आला आहे. याच सोहळ्यात विठ्ठल उमप फाऊंडेशनच्या ‘मृदगंध पुरस्कारां’चे वितरण २६ नोव्हेंबर रोजी गडकरी...