chirantan 'चिरंतन'

वेगळा आशय, ग्रामीण संस्कृतीशी जोडलेली कथा आणि प्रभावी मांडणी यामुळे ‘गोंधळ’ या चित्रपटाने सुरुवातीपासूनच प्रेक्षकांचे लक्ष वेधून घेतले आहे. देश-विदेशातील विविध चित्रपट महोत्सवांमध्ये चित्रपटाला मिळालेला प्रतिसाद, उत्कृष्ट दिग्दर्शन, प्रभावी सिनेमॅटोग्राफी आणि दमदार कथानकासाठी मिळालेले पुरस्कार यामुळे ‘गोंधळ’ने आपली वेगळी ओळख निर्माण केली आहे. आता या चित्रपटातील एक पारंपरिक लोकगीत थेट जागतिक स्तरावर पोहोचले आहे. ‘गोंधळ’मधील ‘एक चिमणा चिवचिवला’ या रॉ आणि अस्सल लोकगीताला लोकप्रिय रॅपर बादशाहने आपल्या खास रॅपचा तडका देत नवे रूप दिले असून नुकतेच प्रदर्शित झालेले हे गाणे रसिकांच्या पसंतीस उतरत आहे. विशेष म्हणजे हे गाणं सध्या ट्रेंडिंगमध्ये आहे.  ‘चिमणा’ या नावाने प्रदर्शित झालेल्या या गाण्यात दिव्या कुमार, बादशाह, नागेश मोर्वेकर आणि नेहा खान यांच्यावर हे गाणे चित्रित करण्यात आले आहे. पारंपरिक लोकसंगीताचा बाज कायम ठेवत त्याला आधुनिक रॅप आणि दमदार बीट्सची जोड देण्यात आली आहे. त्यामुळे या गाण्याचे पारंपरिक रूप आणि आधुनिक सादरीकरण यांचा भन्नाट मेळ साधला गेला आहे. ऐकताना आणि पाहात...

दिवसेंदिवस मराठी चित्रपट ग्लोबल होणे ही कोणत्याही मराठी माणसासाठी अत्यंत अभिमानाची बाब आहे. जागतिक पातळीवर नावलौकीक मिळवणाऱ्या मराठी चित्रपटांच्या प्रवाहात सामील होण्यासाठी भारतातील इतर प्रादेशिक सिनेसृष्टीतील कलाकार-तंत्रज्ञही उत्सुक असल्याचे नेहमी पाहायला मिळते. अनोखे शीर्षक आणि विषयामुळे चर्चेत आलेल्या दिग्दर्शक स्वरूप सावंत दिग्दर्शित 'देवघर ऑन रेंट' या मराठी चित्रपटातही दाक्षिणात्य कलाकार-तंत्रज्ञांचा समावेश करण्यात आला आहे. विशेष म्हणजे हा चित्रपट २५ सप्टेंबर रोजी संपूर्ण महाराष्ट्रासह बेळगांव, हैद्राबाद, इंदौर, बडोदा येथे प्रदर्शित होणार आहे.    आनंदी पिक्चर्स अमरावती प्रस्तुत आणि राधाकृष्ण प्रोडक्शन निर्मित या चित्रपटाचे निर्माते सचिन रोडे पाटील आणि पूनम चौधरी पाटील आहेत. सध्या जोरदार चर्चेत असलेल्या 'महाराष्ट्र एपस्टीन फाइल्स' या मराठी चित्रपटाचे दिग्दर्शक स्वरूप सावंत यांनी 'देवघर ऑन रेंट'चे दिग्दर्शन केले आहे. या चित्रपटाची संकल्पना पूनम चौधरी पाटील यांची असून कथा-पटकथा व संवादलेखन संजय नवगिरे यांनी केले आहे. नुकतीच या चित्रपटाबाबतची महत्...

आपल्या विनोदी अभिनयाने नेहमीच खळखळून हसवणारे लोकप्रिय अभिनेते भाऊ कदम आता रंगभूमीवरही हास्याची मेजवानी घेऊन येत आहेत. नात्यांमधली गंमत, प्रेम आणि लग्नाभोवती फिरणाऱ्या भन्नाट प्रसंगांचा मनोरंजक अनुभव देण्यासाठी ‘पहिली लग्नाची.. दुसरी प्रेमाची’ हे नाटक सज्ज झाले आहे. या नव्या नाटकात अभिनेते भाऊ कदम एका महत्त्वाच्या भूमिकेत पाहायला मिळणार आहेत. भाऊ कदम यांच्या विनोदी अभिनयाची खास शैली आणि नात्यांमधील गमतीदार प्रसंगांची सांगड या नाटकातून रंगमंचावर पाहायला मिळणार आहे. नवनीत प्रॉडक्शन्स निर्मित या नाटकाचा शुभारंभाचा प्रयोग २९ ऑगस्ट रोजी दुपारी १२.३० वाजता पुण्यातील बालगंधर्व रंगमंदिर येथे होणार आहे. स्वप्नील बारसकर लिखित आणि संतोष पवार दिग्दर्शित या नाटकाची निर्मिती डॉ. उमेश आजगांवकर आणि सचिन सुभाष अवस्थी यांनी केली आहे. मैथिली वारंग, सुजाता किरण, पुनम सरोदे परब, साकार देसाई आणि भाऊ कदम यांच्या प्रमुख भूमिका या नाटकात पाहायला मिळणार आहेत. तसेच या नाटकाला साई पियुष यांनी संगीत दिले आहे. हे नाटक नातेसंबंध, प्रेम आणि लग्न यांची विनोदी अंगाने मांडणी करत प्रेक्षकांना मनमुराद हसवणारा म...

प्रभू श्रीरामासाठी लक्ष्मण फक्त भाऊ नव्हे, तर विश्वासाचा, कर्तव्याचा आणि आयुष्यभराच्या साथीचा जणू आधार! भावा-भावामधलं नातं शब्दांत मांडता येत नाही… प्रत्येक भावाच्या नात्यात असतो असाच एक न बोलता जाणवणारा जिव्हाळा, संकटात खंबीरपणे पाठीशी उभं राहण्याची ताकद आणि सुख-दुःखात कायम सोबत राहण्याचं वचन. दोन भावांच्या अतूट बंधाची आणि नात्यांच्या कसोटीची हृदयस्पर्शी कहाणी घेऊन ‘बंधू’ हा मराठी चित्रपट प्रेक्षकांच्या भेटीला येत आहे. मराठी आणि विशेषतः भारतीय चित्रपटसृष्टीत नेहमीच वेगळ्या आणि आव्हानात्मक भूमिका वठविण्यात हातखंडा असलेले राष्ट्रीय पुरस्कार विजेते उपेंद्र लिमये आणि  नामांकित इफ्फी विजेते जितेंद्र जोशी ‘बंधू’ चित्रपटाच्या निमित्ताने पहिल्यांदाच एकत्र. आपल्या सहज, वास्तववादी आणि प्रभावी अभिनयाने प्रेक्षकांच्या मनावर अधिराज्य गाजवणारी ही जोडी 'बंधू' मधून एका वेगळ्या आणि भावनिक नात्याची कहाणी मोठ्या पडद्यावर साकारताना दिसणार आहे.    हिंदीपासून दाक्षिणात्य चित्रपटसृष्टीपर्यंत आपल्या अभिनयाची छाप उमटवणारे आणि भारतीय चित्रपटसृष्टीतील तीन पिढ्यांचा वारसा पुढे नेणारे अभ...

मराठी सिनेसृष्टीतील लोकप्रिय आणि बहुआयामी अभिनेता पुष्कराज चिरपुटकर आता आगामी मराठी चित्रपट 'मृत्यूचक्र'मधून प्रेक्षकांच्या भेटीला येणार आहे. आपल्या सहजसुंदर अभिनयाने आणि प्रत्येक भूमिकेत स्वतःचा वेगळा ठसा उमटवणाऱ्या पुष्कराजची या चित्रपटातील भूमिका सध्या विशेष चर्चेचा विषय ठरत आहे. श्रीमहादेव फिल्म प्रोडक्शन प्रस्तुत आणि अध्यांश मोशन पिक्चर प्रोडक्शन्स निर्मित ‘मृत्यूचक्र’ या चित्रपटाची निर्मिती प्रणाली उन्मेश वाघमोडे यांनी केली आहे. चित्रपटाचं दिग्दर्शन विलास वाघमोडे आणि अनुप्रिता कडु-गंगावणे यांनी केलं आहे. ‘मृत्यूचक्र’ हा रहस्य आणि थराराने भरलेला चित्रपट असून, या चित्रपटातील प्रत्येक व्यक्तिरेखा कथानकाला वेगळी दिशा देणारी आहे. अशा या रहस्यमय वातावरणात पुष्कराज चिरपुटकर ‘गुरु’ या व्यक्तिरेखेत दिसणार आहे. मात्र, ‘गुरु’ नेमका कोण आहे आणि या कथेत त्याची भूमिका काय आहे, याबाबत निर्मात्यांनी सध्या कमालीची गुप्तता राखली आहे. पुष्कराजने आजवर विविध प्रकारच्या भूमिका साकारत प्रेक्षकांचे मनोरंजन केले आहे. विनोद असो किंवा गंभीर भूमिका, त्याच्या अभिनयातील सहजता नेहमीच प्रेक्...

पॅनोरमा स्टुडिओज, कल्ट डिजिटल आणि प्रकाश फिल्म्स यांच्या धोरणात्मक भागीदारीअंतर्गत निर्मित ‘तुझ्या आयला’ या आगामी मराठी चित्रपटाचा टिझर नुकताच लोकप्रिय अभिनेत्री अमृता खानविलकरच्या हस्ते प्रदर्शित करण्यात आला आहे. राष्ट्रीय पुरस्कार विजेते दिग्दर्शक सुजय डहाके यांनी या चित्रपटाचे दिग्दर्शन केले असून, हा चित्रपट २५ सप्टेंबर रोजी महाराष्ट्रभरातील चित्रपटगृहांमध्ये प्रदर्शित होणार आहे. अभिनेत्री अमृता खानविलकरने ‘तुझ्या आयला’च्या टिझरचे अनावरण करत सुजय डहाके यांच्या अनोख्या खेळाचे कौतुक केले आहे. याविषयी बोलताना अमृताने सांगितले, सुजय डहाके यांच्या कोणत्याही चित्रपटाची पहिली झलक कायमच एक वेगळीच उत्सुकता निर्माण करते. तुम्ही त्यांच्या चित्रपटाचा टिझर प्ले करता आणि अवघ्या १० सेकंदांत त्यांच्या विश्वात पूर्णपणे गुरफटून जाता — असं विश्व, जिथे ते स्वतःला कोणत्याही आडपडद्याशिवाय, कोणतीही तडजोड न करता मांडताना दिसतात. ‘तुझ्या आयला’चा टिझर पाहताना मलाही अगदी असंच जाणवलं. हा टिझर थेट भिडतो. हा चित्रपट नेमका कशाबद्दल आहे, हे सांगण्यापासून तो अजिबात मागे हटत नाही, काहीही लपवत नाही किंवा ...

'महाराष्ट्र एपस्टीन फाईल्स' हा आगामी चित्रपट घोषणा झाल्यापासूनच जोरदार चर्चेत आहे. प्रदर्शित केलेल्या पहिल्या पोस्टरने रसिकांमध्ये उत्सुकता वाढविल्यानंतर या चित्रपटातील दीपाली सय्यद यांचा लुक रिव्हील करण्यात आला. त्यानंतर सोशल मीडियावर या चित्रपटाने अक्षरश: धुमाकूळ घातला. समाजात घडणाऱ्या घटनांचे प्रतिबिंब 'महाराष्ट्र एपस्टीन फाईल्स' या चित्रपटात पाहायला मिळणार असल्याने नेटकऱ्यांमध्ये उत्सुकतेचे वातावरण आहे. अशातच प्रदर्शित झालेल्या या चित्रपटाच्या टिझरने उत्सुकता शिगेला पोहोचवली आहे. २ ऑक्टोबर २०२६ रोजी हा चित्रपट संपूर्ण महाराष्ट्रात प्रदर्शित होणार आहे. आनंदी पिक्चर्स अमरावती आणि सचिन रोडे पाटील प्रस्तुत 'महाराष्ट्र एपस्टीन फाईल्स' या मराठी सिनेमाची निर्मिती फ्लेमिंगो क्रिएशन आणि मातोश्री एन्टरटेन्मेंटच्या बॅनरखाली करण्यात आली आहे. देवेंद्र भट, सूर्यकांत भुंडे आणि प्रशांत कदमपुरे या चित्रपटाचे निर्माते आहेत. 'महाराष्ट्र एपस्टीन फाईल्स' चित्रपटाचे दिग्दर्शक स्वरूप सावंत यांनी या चित्रपटाद्वारे समाजातील भोंदूगिरीवर थेट प्रहार केला आहे. प्रदर्...

सध्याच्या सामाजिक आणि राजकीय पटलावर अत्यंत गाजत असलेल्या बीड जिल्ह्यातील कायदा-सुव्यवस्था आणि वाढत्या गुन्हेगारीच्या दाहक वास्तवावर भाष्य करणारा ‘बीड फाइल्स’ हा नवा मराठी चित्रपट लवकरच रुपेरी पडद्यावर येत आहे. डॉ. डोईफोडे फिल्म्सच्या बॅनरखाली या चित्रपटाची घोषणा करण्यात आली असून, संवेदनशील विषयावर परखड भाष्य करणारा चित्रपट म्हणून याकडे पाहिले जात आहे. समाजात घडणाऱ्या गुन्हेगारी घटना, त्यामागील व्यवस्थात्मक त्रुटी आणि सामान्य नागरिकांमध्ये निर्माण झालेले असुरक्षिततेचे वातावरण यावर हा चित्रपट थेट प्रकाश टाकणार आहे. मनोरंजनाच्या पलीकडे जाऊन समाजातील वास्तववादी प्रश्नांची मांडणी करणे हा या कलाकृतीचा मुख्य उद्देश आहे. ‘बीड फाइल्स’ हा चित्रपट बीड जिल्ह्यातील सामाजिक आणि गुन्हेगारी वास्तवाचा वेध घेताना गुन्हेगारीला खतपाणी घालणाऱ्या परिस्थितीपासून ते सामान्य नागरिकांच्या सुरक्षिततेपर्यंतच्या अनेक प्रश्नांना अधोरेखित करणार आहे. नुकतच चित्रपटाच्या पहिल्या पोस्टरचं अनावरण करण्यात आलं. समोर आलेल्या पोस्टरमध्ये समाजासमोर उभ्या राहिलेल्या गंभीर प्रश्नांचे वास्तववादी चित्रण करण्यावर भर दि...

   मराठी नाट्य परिषद व मराठी रंगभूमी नव्या नाटकांच्या शोधात कायम असते. मराठी रंगभूमी समृद्ध करणाऱ्या नव्या नाट्य लेखनाला प्रोत्साहन देण्यासाठी नाट्य परिषदेतर्फे ‘नाट्यलेखन प्रोत्साहन योजना’ दरवर्षी प्रमाणे राबविण्यात येत असते. मराठी रंगभूमीची समृद्ध परंपरा अनेक प्रतिभावान नाटककारांच्या सर्जनशील लेखणीतून घडली आहे. काळ बदलत आहे, समाज बदलत आहे आणि त्यासोबत माणसांचे प्रश्न, नाती, संघर्ष आणि जगण्याचे संदर्भही बदलत आहेत. या बदलत्या वास्तवाचे प्रतिबिंब नव्या नाटकांमधून रंगभूमीवर उमटणे ही आजची गरज आहे. अनेक नवोदित आणि प्रतिभावान लेखकांच्या मनात नाटकाची संकल्पना आहे, कथा आहे, व्यक्तिरेखा आहेत; मात्र त्या संकल्पनेला रंगमंचापर्यंत नेण्यासाठी योग्य व्यासपीठ आणि प्रोत्साहनाची आवश्यकता असते. हीच गरज ओळखून नाट्य परिषद नाट्यलेखकांसाठी ‘नाट्यलेखन प्रोत्साहन योजना’ सातत्याने राबवित असल्याचे नाट्य परिषदेचे अध्यक्ष श्री. प्रशांत दामले यांनी सांगितले.    या योजनेच्या माध्यमातून नव्या नाट्यलेखनाला प्रोत्साहन मिळावे, नवीन नाटककारांना संधी मिळावी आणि मराठी रंगभूमीला आशयघन, दर्जेदार व काळाशी...

संकलक चित्रपटाच्या प्रत्येक दृश्याला एकमेकांशी जोडत कथेला आकार देतो आणि हीच दृश्यांची साखळी जोडता-जोडता संपूर्ण चित्रपट दिग्दर्शित करण्याचं स्वप्न दिग्दर्शक निलेश नाईक यांनी पाहिलं. अनुभव, मेहनत आणि सर्जनशीलतेच्या जोरावर त्यांनी हे स्वप्न आता प्रत्यक्षात साकारलं आहे. एडिटिंगच्या बारकाव्यांपासून दिग्दर्शनाच्या व्यापक कॅनव्हासपर्यंतचा त्यांचा प्रवास ‘द्विधा’च्या माध्यमातून रुपेरी पडद्यावर उलगडणार आहे. निर्णयांच्या उंबरठ्यावर उभं राहिल्यावर निर्माण होणारी मानसिक घालमेल आणि स्वप्नांच्या दिशेने वाटचाल करण्याची धडपड अशा भावनिक पैलूंना स्पर्श करणारी ‘द्विधा’ची कथा प्रेक्षकांना एका वेगळ्या अनुभवाची अनुभूती देणार आहे. चित्रपटाच्या ट्रेलरला ‘उत्तम ट्रेलर’ म्हणत अनेकांनी कौतुकाची थाप दिली आहे. चित्रपटात सतीश पुळेकर, मानसी कुलकर्णी यांच्या प्रमुख भूमिका असून त्यांच्यासोबत रेणुका दफ्तरदार, निमिष कुलकर्णी, आस्ताद काळे, तन्वी कुलकर्णी, पुष्कर सराड, मनोज कोल्हटकर, भूषण कडू, प्रफुल्ल सावंत, हेमांगी वेळणकर आणि ओवी तानवडे यांच्या महत्त्वपूर्ण भूमिका आहेत. ४ सप्टेंबरला ‘द्विधा’ महाराष्ट्रातील ...

नावापासूनच उत्सुकता निर्माण केलेल्या ‘पाच फुटाचा बच्चन’ या चित्रपटातील बच्चन कोण? या रहस्याचा उलगडा आता झाला आहे. युवा अभिनेत्री श्रुती मधुदीप या चित्रपटातून "पाच फुटाचा बच्चन" या भूमिकेतून पदार्पण करत आहे. विशेष म्हणजे, मूळ नाटकातही श्रुतीनंच ही भूमिका साकारली होती. "पाच फुटाचा बच्चन" हा चित्रपट येत्या ९ ऑक्टोबरला प्रेक्षकांच्या भेटीला येणार आहे. कौस्तुभ रमेश देशपांडे यांनी चित्रपटाचं लेखन आणि दिग्दर्शन केलं आहे. राहुल कर्णिक आणि ऑर्फियस स्टुडिओज् यांनी चित्रपटाची निर्मिती केली आहे. या चित्रपटात गौरी नलावडे, शशांक शेंडे, चिन्मयी सुमित, क्षितिश दाते, किशोर कदम, आशय कुलकर्णी, पुष्कराज चिरपुटकर, ओमप्रकाश शिंदे, समीर पाटील, विनोद वणवे यांच्या महत्वाच्या भूमिका आहेत.    नाटक, शॉर्टफिल्म्समध्ये काम केल्यानंतर श्रुती मधुदीप ‘पाच फुटाचा बच्चन’ या चित्रपटातून चित्रपटसृष्टीत पदार्पण करत आहे. पदार्पणातच प्रमुख भूमिका साकारलेली श्रुती मधुदीप चित्रपटाविषयी म्हणाली, “लहानपणापासूनच माझा कल कला क्षेत्राकडे होता. त्यामुळे गाणे, नाच, अभिनयाच्या संधी मला खुणावायच्या. आठ व...

गेल्या आठवड्यात पॅनोरमा स्टुडिओज, कल्ट डिजिटल आणि प्रकाश फिल्म्स यांच्यातील धोरणात्मक भागीदारीची घोषणा करण्यात आली होती. या भागीदारीअंतर्गत निर्मिती होणाऱ्या पहिल्या चित्रपटाचा मान ‘तुझ्या आयला’ला मिळाला असून, या चित्रपटाचे उत्सुकता वाढवणारे मोशन पोस्टर नुकतेच प्रदर्शित करण्यात आले आहे. दोन वेळा राष्ट्रीय पुरस्कार विजेते दिग्दर्शक सुजय डहाके यांनी या चित्रपटाचे दिग्दर्शन केले आहे. ‘शाळा’ आणि ‘श्यामची आई’ यांसारख्या गाजलेल्या चित्रपटांसाठी ओळखले जाणारे सुजय डहाके यांचा हा चित्रपट २५ सप्टेंबर रोजी महाराष्ट्रभर प्रदर्शित होणार आहे. चित्रपटाचे आगळेवेगळे शीर्षक आधीपासूनच चर्चेचा विषय ठरले आहे. त्यातच नुकत्याच प्रदर्शित झालेल्या मोशन पोस्टरने ‘तुझ्या आयला’च्या वेगळ्या विश्वाची झलक दाखवत प्रेक्षकांची उत्सुकता आणखी वाढवली आहे.   शाब्दिक हिंसा आणि त्याचा कोवळ्या मनांवर होणारा परिणाम यांचा वेध घेणारा ‘तुझ्या आयला’ हा मुलांच्या भावविश्वावर आधारित कमिंग-ऑफ-एज कथा आहे. ट्रोलिंग आणि शाब्दिक हिंसा यांच्या पार्श्वभूमीवर घडणाऱ्या या चित्रपटाची कथा एका जिज्ञासू १२ वर्षांच्या मुलाभोवती फि...

छोट्या पडद्याच्या माध्यमातून घरोघरी लोकप्रिय झालेले हितेन तेजवानी यांनी साकारलेल्या विविध व्यक्तिरेखांनी रसिकांचे अतोनात प्रेम मिळवलं आहे. आजवर हिंदी मालिका आणि चित्रपटांमध्ये विविध भूमिकांत झळकलेले हितेन तेजवानी मराठी सिनेसृष्टीत दाखल होणार आहेत. 'लाईव्ह' या आगामी मराठी चित्रपटाने हितेन तेजवानी यांना मराठीत आणण्याची किमया साधली आहे. या चित्रपटात हितेन यांचं आजवर कधीही न पाहिलेलं रूप प्रेक्षकांना पाहायला मिळणार आहे. 'लाईव्ह'मधील हितेन यांची व्यक्तिरेखा त्यांच्या आजवरच्या कारकिर्दीतील भूमिकांपेक्षा खूपच वेगळी आहे. निर्माते सुमित पांडे रिद्धी बिद्दी व्हिजन्स या बॅनरखाली 'लाईव्ह' चित्रपटाची निर्मिती करीत आहेत. छबी असीम हल्दर या चित्रपटाचे प्रस्तुतकर्ते असून, लेखन-दिग्दर्शन संजीव राय यांचं आहे. या चित्रपटात हितेन तेजवानी आकर्षणाचे केंद्र ठरणार आहेत. 'सुकन्या', 'घर एक मंदिर', 'कुटुंब', 'क्योंकी सास भी कभी बहु थी', 'कुसुम', 'केसर' आदी गाजलेल्या हिंदी मालिकांमध्ये हितेन यांनी महत्त्वपूर्ण भूमिका साकारत प्रेक्ष...

मराठी चित्रपटसृष्टीतील नव्या पिढीचा, विशेषतः जेंझी प्रेक्षकांचा वेध घेणारा तसेच आधुनिक तंत्रज्ञान, व्हिज्युअल इफेक्ट्स आणि अन्य तांत्रिक माध्यमांचा प्रभावी वापर करणाऱ्या विशेष चित्रपटाच्या निर्मितीत महाराष्ट्र शासन सहभाग घेणार असल्याची घोषणा सांस्कृतिक कार्यमंत्री ॲड. आशिष शेलार यांनी आज केली. पू.ल.देशपांडे महाराष्ट्र कला अकादमी, प्रभादेवी येथे महाराष्ट्र चित्रपट,  रंगभूमी आणि सांस्कृतिक विकास महामंडळ मर्यादित आणि अखिल भारतीय मराठी चित्रपट महामंडळ यांच्या आयुक्त विद्यमाने आयोजित परिसंवादात ते बोलत होते. मराठी चित्रपटांचा दर्जा, गुणवत्ता, नावीन्य आणि अभिनय याबाबत कोणतीही कमतरता नसून व्यावसायिक यशासाठी आवश्यक असलेल्या ‘कनेक्टिंग लिंक’वर काम करण्याची गरज असल्याचे त्यांनी सांगितले. “मराठी चित्रपटांमध्ये गुणवत्ता आणि नावीन्य ठासून भरले आहे. मात्र निर्मितीइतकाच स्क्रीन, वितरण आणि प्रेक्षकवर्ग यांचाही अभ्यास करणे आवश्यक आहे. यासाठी व्यवहार्य मॉडेल तयार झाल्यास महाराष्ट्र शासन त्यात गुंतवणूकदार म्हणून भूमिका घेईल,” असे ॲड. शेलार यांनी सांगितले.मराठी चित्रपटांसाठी उपलब्ध स्क्रीन...

प्रत्येक व्यक्तिरेखा कलाकाराला नव्या रुपात प्रेक्षकांच्या भेटीला येण्याची संधी देत असते. अभिनेते शशांक शेंडे यांनी आजवर विविधांगी भूमिका साकारत आपल्या कलागुणांना वाव दिला आहे. आता ते आणखी एका आव्हानात्मक भूमिकेत दिसणार आहेत. नुकताच 'मृत्यूचक्र' या मराठी थ्रिलर चित्रपटातील शशांक शेंडे यांचा लूक रिव्हील करण्यात आला असून हा लूक विशेष लक्ष वेधून घेत आहे. श्री महादेव फिल्म प्रोडक्शन प्रस्तुत आणि अध्यांश मोशन पिक्चर प्रोडक्शन्स निर्मित ‘मृत्यूचक्र’ या चित्रपटाची निर्मिती प्रणाली उन्मेश वाघमोडे यांनी केली आहे. चित्रपटाचं दिग्दर्शन विलास वाघमोडे आणि अनुप्रिता कडु-गंगावणे यांनी केलं आहे.अभिनेता शशांक शेंडे यांनी ‘मृत्यूचक्र’मध्ये ‘जना काका’ ही व्यक्तिरेखा साकारली आहे. गावाकडच्या वातावरणाशी घट्ट जोडलेला, मनमोकळा, आपुलकीचा आणि मिश्कील स्वभावाचा जना काका प्रेक्षकांना अगदी ओळखीचा आणि आपलासा वाटणारा असा आहे.पण ‘मृत्यूचक्र’मध्ये प्रत्येक गोष्ट जशी दिसते तशी नसते… आणि जना काका त्याला अपवाद नाहीत.     त्यांच्या सहज बोलण्यात, मिश्कील वागण्यात आणि परिस्थितीकडे पाहण्याच्या नजरेत काहीत...

 शासनाने परिचालनासाठी घेतलेल्या कर्जत येथील एन. डी.स्टुडिओच्या अध्यक्षपदाचा पदभार सांस्कृतिक कार्यमंत्री आशिष शेलार यांनी आज स्वीकारला.  महाराष्ट्र चित्रपट, रंगभूमी आणि सांस्कृतिक विकास महामंडळाच्या अंतर्गत संचालक मंडळाचे ते पहिले अध्यक्ष ठरले आहेत. पदभार स्वीकारल्यानंतर त्यांच्या अध्यक्षतेखाली एन. डी. स्टुडिओच्या संचालक मंडळाची बैठक घेण्यात आली. चित्रपट निर्मितीला अधिक चालना देणे, निर्मात्यांसाठी चित्रिकरणाचा खर्च कमी करणे आणि एन. डी. स्टुडिओचा प्रभावीपणे विकास करणे या दृष्टीने बैठकीत विविध महत्त्वपूर्ण निर्णय घेण्यात आले. एन. डी. स्टुडिओ हे चित्रिकरणासाठी आवश्यक असलेल्या विविध सुविधा आणि वैविध्यपूर्ण स्थळांसाठी प्रसिद्ध असून, येथे मराठीसह हिंदी तसेच इतर भाषांमधील चित्रपट, दूरचित्रवाणी मालिका, वेबसीरिज आणि विविध दृकश्राव्य निर्मितींच्या चित्रिकरणाला मोठ्या प्रमाणावर वाव आहे. या पार्श्वभूमीवर निर्माते, दिग्दर्शक, कलाकार आणि तंत्रज्ञांना अधिक अनुकूल वातावरण उपलब्ध करून देण्याच्या दृष्टीने ३१ मार्च २०२७ पर्यंत ५० टक्के सवलत देण्याचा महत्त्वपूर्ण निर्णय बैठकीत घेण्यात...

मराठी रंगभूमीवर आशयपूर्ण आणि वेगळ्या धाटणीची कथा घेऊन ‘मुक्काम पोस्ट पंढरपूर’ हे नाटक प्रेक्षकांच्या भेटीला येत आहे. कर्तव्य, प्रेम, मातीशी असलेलं नातं आणि माणुसकीच्या भावनेभोवती गुंफलेला हा नाट्यप्रवास प्रेक्षकांसमोर उलगडणार असून, २२ ऑगस्ट २०२६ रोजी यशवंत नाट्य मंदिर, माटुंगा येथे सायंकाळी ४ वाजता या नाटकाचा शुभारंभाचा प्रयोग रंगणार आहे. नितीन वैद्य प्रॅाडक्शन्स निर्मित, मयूर सारकळे आणि अशुतोष पोपट जरे लिखित आणि अशुतोष पोपट जरे दिग्दर्शित ‘मुक्काम पोस्ट पंढरपूर’मधून मानवी नात्यांमधील गुंतागुंत, भावभावना आणि जगण्याशी जोडलेले अनेक पदर रंगमंचावर पाहायला मिळणार आहेत. नाटकाचं कथानक पुढे सरकत असताना व्यक्तिरेखांचा प्रवास आणि त्यांच्या आयुष्यातील विविध प्रसंग प्रेक्षकांना या गोष्टीशी भावनिकरित्या जोडून ठेवतील.नाटकाच्या पोस्टर्समधूनही या कथेला एक वेगळीच आध्यात्मिक छटा मिळताना दिसते. विठ्ठलाच्या भव्य मूर्तींच्या सान्निध्यात उभं असलेलं मध्यवर्ती पात्र जणू विठुरायाच्या सावलीत आणि संरक्षणाखाली असल्याचा भास निर्माण करते. त्यामुळे ‘मुक्काम पोस्ट पंढरपूर’च्या प्रवासातील श्रद्धा, माती आणि...

कर्जत येथील एन.डी. स्टुडिओमध्ये स्वातंत्र्य दिन उत्साहपूर्ण आणि देशभक्तीच्या वातावरणात साजरा करण्यात आला. मुख्य कार्यकारी अधिकारी तथा महामंडळाचे सहव्यवस्थापकीय संचालक प्रशांत साजणीकर यांच्या हस्ते ध्वजारोहण करण्यात आले. या कार्यक्रमास मुख्य प्रशासकीय अधिकारी तथा मुख्य वित्तीय अधिकारी चित्रलेखा खातू, लेखाधिकारी महेश भांगरे, इतर अधिकारी, कर्मचारी उपस्थित होते.यावेळी श्री. साजणीकर यांनी उपस्थितांना स्वातंत्र्य दिनाच्या शुभेच्छा देत, चित्रपट आणि सांस्कृतिक क्षेत्राच्या विकासात एन.डी. स्टुडिओसारख्या चित्रीकरण स्थळांचे महत्त्व अधोरेखित केले. महाराष्ट्राच्या समृद्ध कलाविश्वाला अधिक बळ देण्यासाठी महामंडळाच्या माध्यमातून विविध उपक्रम राबविण्यात येत असल्याचे त्यांनी सांगितले. 

दादासाहेब फाळके चित्रनगरीमध्ये ८० वा स्वातंत्र्य दिन आज उत्साहपूर्ण आणि देशभक्तीच्या वातावरणात साजरा करण्यात आला. महामंडळाच्या व्यवस्थापकीय संचालक स्वाती म्हसे पाटील यांच्या हस्ते ध्वजारोहण करण्यात आले. यावेळी अधिकारी, कर्मचारी तसेच चित्रनगरीतील निर्मिती संस्थांचे प्रतिनिधी उपस्थित होते. अभिनेत्री वीणा जामकर यांचीही यावेळी विशेष उपस्थिती होती. उपस्थितांनी देशभक्तीपर वातावरणात ‘वंदे मातरम्’, राष्ट्रगीत आणि महाराष्ट्र गीताचे सामूहिक गायन केले. या वेळी संपूर्ण चित्रनगरी परिसर देशभक्तीच्या उत्साहाने भारावून गेला. स्वातंत्र्य दिनानिमित्त स्वाती म्हसे पाटील यांनी उपस्थित अधिकारी व कर्मचाऱ्यांना शुभेच्छा देत, दादासाहेब फाळके चित्रनगरी आणि महामंडळाच्या वाटचालीत अधिकारी-कर्मचाऱ्यांच्या योगदानाचे महत्त्व अधोरेखित केले. महामंडळाच्या स्थापनेला ५० वर्षे पूर्ण होत असताना, या गौरवशाली वाटचालीचा वारसा जपत चित्रपट, रंगभूमी आणि सांस्कृतिक क्षेत्राच्या विकासासाठी अधिक जोमाने कार्य करण्याचे आवाहन त्यांनी केले.  प्रशासकीय व अभियांत्रिकी विभागाच्या नूतनीकरण केलेल्या कक्षाचे उद्घाटन,दादासाहेब...

स्वातंत्र्यदिन म्हणजे केवळ उत्सव नाही, तर त्यामागे असलेल्या असंख्य शूरवीरांच्या त्यागाची आणि बलिदानाची जाणीव करून देणारा अभिमानाचा क्षण! सीमेवर जीवाची पर्वा न करता मातृभूमीच्या रक्षणासाठी सदैव सज्ज असलेल्या जवानांच्या शौर्याला आणि निस्सीम देशसेवेला रुपेरी पडद्यावर सलाम करणारा एकलव्य प्रतिष्ठान, सुधीरदादा पाटसकर प्रस्तुत ‘फौजी’ हा मराठी चित्रपट यंदाच्या स्वातंत्र्यदिनाच्या निमित्ताने विशेष चर्चेत आला आहे. ‘देशासाठी.. धर्मासाठी.. मातीसाठी’ या दमदार टॅगलाईनसह ‘फौजी’ची देशभक्तीची गर्जना २७ नोव्हेंबरपासून रुपेरी पडद्यावर घुमणार आहे. या चित्रपटाची निर्मिती, लेखन आणि दिग्दर्शन ह.भ.प. घनशाम विष्णुपंत येडे यांनी केले आहे. सौ. स्वप्रजा विश्वनाथ नाथ या चित्रपटाच्या सहनिर्मात्या आहेत. देशप्रेम, शौर्य आणि मातृभूमीशी असलेली नाळ यांची प्रभावी झलक दाखवणाऱ्या ‘फौजी’ या आगामी मराठी चित्रपटाचा दमदार लुक नुकताच प्रेक्षकांसमोर आला आहे. देशाच्या सीमेवर लढणाऱ्या जवानांच्या धैर्याची, त्यागाची आणि भावविश्वाची अंगावर काटा आणणारी कहाणी मांडणाऱ्या या चित्रपटात दोन जवानांच्या आयुष्याचा प्रवास केंद्रस्थ...

   मानवी नात्यांतील भावनिक गुंतागुंत, प्रेम, कर्तव्य आणि त्याग यांचा संवेदनशील वेध घेणाऱ्या ‘द्विधा’ या आगामी मराठी चित्रपटाच्या ट्रेलरचे नुकतेच दिमाखदार अनावरण करण्यात आले. यावेळी चित्रपटाला शुभेच्छा देण्यासाठी बॉलीवूडचे प्रसिद्ध नृत्यदिग्दर्शक गणेश आचार्य यांची विशेष उपस्थिती लाभली. बाप-लेकीच्या नात्यातील भावनिक संघर्ष आणि आयुष्यातील कठीण निर्णयांची कथा मांडणाऱ्या या चित्रपटाच्या ट्रेलरला उपस्थितांकडून उत्स्फूर्त प्रतिसाद मिळाला. चित्रपटाची कथा, पटकथा, दिग्दर्शन आणि संकलन निलेश भास्कर नाईक यांचे असून, निर्मिती विदुला रमेश आजगावकर यांनी केली आहे. ‘द्विधा’ चित्रपट येत्या ४ सप्टेंबर रोजी संपूर्ण महाराष्ट्रातील चित्रपटगृहांमध्ये प्रदर्शित होणार आहे.  ‘द्विधा’ हा बाप-लेकीच्या नात्यातील प्रेम, जबाबदारी, त्याग आणि भावनिक द्वंद्व यांची मनाला भिडणारी कथा आहे. आयुष्यातील एका महत्त्वाच्या वळणावर उभी असलेली मुलगी आणि तिच्या वडिलांमधील नात्याचे भावनिक पदर चित्रपटातून उलगडले जातात. नात्यांमधील संघर्ष, माणुसकी आणि भावनिक निर्णयांचा हा प्रवास प्रेक्षकांना अंतर्मुख करणारा ठर...

स्वातंत्र्यदिनाच्या पार्श्वभूमीवर देशभक्तीची भावना अधिक दृढ करण्यासाठी केंद्र सरकारच्या ‘हर घर तिरंगा’ या देशव्यापी अभियानांतर्गत राष्ट्रीय चित्रपट विकास महामंडळ आणि महाराष्ट्र चित्रपट रंगभूमी आणि सांस्कृतिक विकास महामंडळाच्या संयुक्त विद्यमाने मुंबईत देशभक्तीपर चित्रपट महोत्सवाचे आयोजन करण्यात आले आहे. राज्याचे सांस्कृतिक कार्य मंत्री आशिष शेलार यांच्या हस्ते १४ ऑगस्ट रोजी सायंकाळी ४ वाजता एनएफडीसीच्या ऑडिटोरियम-२, मध्ये महोत्सवाचे उद्घाटन संपन्न होणार आहे. यावेळी महामंडळाच्या व्यवस्थापकीय संचालक स्वाती म्हसे पाटील आणि प्रसिद्ध अभिनेते शरद केळकर यांची प्रमुख उपस्थिती लाभणार आहे.  १४ ते १६ ऑगस्ट २०२६ या कालावधीत एनएमआयसी, एनएफडीसी-एफडी कॉम्प्लेक्स, ऑडिटोरियम-२, पेडर रोड, मुंबई येथे आयोजित करण्यात आलेल्या या महोत्सवामध्ये १४ ऑगस्ट रोजी सायंकाळी ४.२० वाजता ‘अ साँग इटर्नल' वंदे मातरम आणि ४.३० वाजता ‘क्रांती’ या चित्रपटांचे प्रदर्शन होईल.१५ ऑगस्ट रोजी सकाळी ११ वाजता ‘अवर फ्लॅग’, ११.१५ वाजता ‘शहीद’, दुपारी ३ वाजता ‘लोकमान्य टिळक’ आणि ३.२० वाजता ‘आमरण’ हे चित्रपट प्रदर्शित के...

महाराष्ट्र चित्रपट, रंगभूमी आणि सांस्कृतिक विकास महामंडळ मर्या. आणि अखिल भारतीय मराठी चित्रपट महामंडळ यांच्या संयुक्त विद्यमाने ‘पडद्यावरचा सिनेमा, पडद्यामागचं गणित’ (समजूया मराठी चित्रपटाचे अर्थकारण) या महत्त्वपूर्ण विषयावर मंगळवार, दिनांक १८ ऑगस्ट २०२६ , सकाळी १०:०० ते संध्याकाळी ६:०० पर्यंत मिनी थिएटर, तिसरा मजला, पु. ल. देशपांडे महाराष्ट्र कला अकादमी, प्रभादेवी, मुंबई येथे एकदिवसीय परिसंवादाचे आयोजन करण्यात आले आहे.  राज्याचे सांस्कृतिक कार्य मंत्री श्री. आशिष शेलार यांच्या हस्ते उद्घाटन करण्यात येणार आहे. महामंडळाच्या व्यवस्थापकीय संचालक स्वाती म्हसे पाटील यांच्या संकल्पनेतून आणि मार्गदर्शनाली हा उपक्रम संपन्न होणार आहे.  चित्रपट निर्मितीच्या दृष्टीने अत्यंत महत्त्वाच्या ठरणाऱ्या या परिसंवादामध्ये चित्रपट क्षेत्रातील दिग्गज मान्यवर मार्गदर्शन करणार आहेत. यामध्ये अशोक राणे (ज्येष्ठ चित्रपट समीक्षक व अभ्यासक),  महेश मांजरेकर (प्रसिद्ध दिग्दर्शक, अभिनेते व निर्माते), मेघराज राजेभोसले (अध्यक्ष, अखिल भारतीय मराठी चित्रपट महामंडळ), राजेश मापुसकर (राष्ट्रीय पुरस...

शॉर्ट-फॉर्म आणि मोबाईल-फर्स्ट मनोरंजनात विशेष प्राविण्य मिळवलेल्या रीलोइड मीडिया प्रायव्हेट लिमिटेड (Reeloid Media Private Limited) या डिजिटल स्ट्रीमिंग प्लॅटफॉर्मने आज 'फॉलिंग इन लक विथ यू' (Falling in Luck with You) या आपल्या मूळ व्हर्टिकल मायक्रो-ड्रामा मालिकेच्या अधिकृत प्रक्षेपणाची घोषणा केली. रोहित गुप्ता दिग्दर्शित आणि निर्मित, तसेच अनुप्रिता कडू यांच्या क्रिएटिव्ह निर्मितीखाली तयार झालेल्या या मालिकेत नव्या ओम, हर्षद अतकरी, कृष्णा वर्मा आणि कृष्णा सिंग बिष्ट यांच्या प्रमुख भूमिका आहेत. विशेषतः मोबाईलवरील व्हर्टिकल व्ह्यूइंगसाठी डिझाइन केलेली ही मालिका प्रेक्षकांसाठी थरारक वळणे, नाट्यमय घडामोडी आणि प्रेमकथेने नटलेली एक जलद कथानक घेऊन येते. आधुनिक स्ट्रीमिंग सवयींचा विचार करून, प्रवासात किंवा व्यस्त वेळेत सहज पाहता येतील असे छोटे आणि प्रभावी भाग यात तयार करण्यात आले आहेत. मालिकेचा तपशील शीर्षक: फॉलिंग इन लक विथ यू (Falling in Luck with You) स्वरूप: व्हर्टिकल मायक्रो-ड्रामा (लघुरूप भाग) प्रकार (जॉर्नर): ड्रामा / रोमान्स कलाकार: नव्या ओम, हर्षद अतकरी, कृष्णा वर्...

 महाराष्ट्राच्या जडणघडणीचा इतिहास आणि त्यामागील रंजक, अपरिचित कथा नव्या पिढीपर्यंत पोहोचविण्याच्या उद्देशाने रेडिओ मिर्चीच्या वतीने ‘असा घडला महाराष्ट्र’ या नव्या रेडिओ कार्यक्रमाची घोषणा करण्यात आली. प्रसिद्ध अभिनेता सुबोध भावे यांच्या आवाजातून आणि निवेदनातून महाराष्ट्राच्या इतिहासातील अनेक माहिती नसलेल्या पैलूंवर या कार्यक्रमातून प्रकाश टाकला जाणार आहे. या शोचा शुभारंभ येत्या २४ ऑगस्ट पासून होणार असून शुभारंभाची वेळ सायंकाळी ६ ते ८ असून यानंतर दररोज हा शो सकाळी ८ ते १० आणि संध्याकाळी ६ ते ८ वाजता प्रसारित होणार आहे. सुबोध भावेंसोबतचा रेडिओ मिर्चीचा हा स्पेशल रेडिओ शो नाशिक, पुणे, कोल्हापूर, छत्रपती, संभाजीनगर, अकोला, अमरावती आणि नागपूर या प्रमुख शहरामध्ये रसिक प्रेक्षकांना सोमवार ते शुक्रवार ऐकता येणार आहे.  तसेच शनिवार आणि रविवारच्या स्वतंत्र वेळा या शोदरम्यान लवकरच जाहीर करण्यात येतील असे म्हटले आहे.विधी महाविद्यालय रस्त्यावरील लोकमान्य मल्टिपर्पज को-ऑपरेटिव्ह सोसायटी लिमिटेडच्या कार्यालयात बुधवारी विशेष कार्यक्रमाचे आयोजन करण्यात आले होते. यावेळी सुबोध भावे बो...

मराठी सिनेसृष्टीत विविध विषय आणि वेगळ्या धाटणीचे चित्रपट प्रेक्षकांच्या भेटीला येत असताना आता एका रहस्यमय सस्पेन्स-थ्रिलरची उत्सुकता निर्माण झाली आहे. ‘मृत्यूचक्र’ या आगामी मराठी चित्रपटाचं रहस्यमय मोशन पोस्टर नुकतंच प्रदर्शित करण्यात आलं असून, पोस्टरने चित्रपटाबाबत अनेक प्रश्न उपस्थित केले आहेत. श्री महादेव फिल्म प्रोडक्शन प्रस्तुत आणि अध्यांश मोशन पिक्चर प्रोडक्शन्स निर्मित ‘मृत्यूचक्र’ या चित्रपटाची निर्मिती प्रणाली उन्मेश वाघमोडे यांनी केली आहे. चित्रपटाचं दिग्दर्शन विलास वाघमोडे आणि अनुप्रिता कडु-गंगावणे यांनी केलं आहे. ‘प्रत्येक मृत्यूमागे आहे एक अदृश्य सावली…’ या गूढ वाक्याने सुरू होणारं हे मोशन पोस्टर प्रेक्षकांच्या मनात अनेक प्रश्न निर्माण करतं. पोस्टरमध्ये दिसणारं एक गूढ घड्याळ, त्यावरचे आकडे आणि त्याभोवती निर्माण झालेलं भयावह वातावरण चित्रपटाच्या रहस्याची झलक देतं.    या घड्याळाचं रहस्य काय? ही अदृश्य सावली नेमकी कोणाची? मृत्यूचं हे चक्र कुणाभोवती फिरणार? या प्रश्नांची उत्तरं मात्र सध्या गुलदस्त्यातच ठेवण्यात आली आहेत. त्यामुळे ‘मृत्यूचक्र’च्या मोशन पोस्...

अल्पावधीतच प्रेक्षकांच्या मनात आपले वेगळे स्थान निर्माण करणारी ऐतिहासिक मालिका 'सावित्रीबाई जोतीराव फुले' सध्या 'मराठी वारसा' या लोकप्रिय यूट्यूब वाहिनीवर प्रचंड लोकप्रिय ठरत आहे. मालिकेला मिळणाऱ्या उत्स्फूर्त प्रतिसादामुळे प्रेक्षकांच्या मागणीनुसार आता १७ ऑगस्ट ते २२ ऑगस्टदरम्यान, सोमवार ते शनिवार, मालिकेचे नवे भाग सलग प्रेक्षकांच्या भेटीला येणार आहेत. या वाढत्या लोकप्रियतेच्या पार्श्वभूमीवर 'मराठी वारसा'ने आपल्या डिजिटल प्रवासातील आणखी एक महत्त्वाचा टप्पा जाहीर केला आहे. वाहिनीची नवी ओळख आणि नवा लोगो साकारताना प्रेक्षकांनाही या प्रक्रियेत थेट सहभागी करून घेण्यात येणार आहे. 'मराठी वारसा'च्या नव्या लोगोची संकल्पना प्रेक्षकांनी आपल्या कल्पकतेतून आणि सर्जनशीलतेतून साकारावी, यासाठी विशेष लोगो डिझाइन स्पर्धेचे आयोजन करण्यात आले आहे. 'मराठी वारसा'च्या विचारधारेचे, मराठी संस्कृतीचे आणि या वाहिनीशी जोडलेल्या भावनेचे प्रतिनिधित्व करणारा नावीन्यपूर्ण लोगो तयार करण्याची संधी या स्पर्धेच्या माध्यमातून प्रेक्षकांना मिळणार आहे. स्पर्धेत सहभागी होण...

प्रादेशिक चित्रपटसृष्टीबद्दलची आपली बांधिलकी अधिक दृढ करत पॅनोरमा स्टुडिओजने कल्ट डिजिटल आणि प्रकाश फिल्म्ससोबत धोरणात्मक भागीदारी केली आहे. या भागीदारीअंतर्गत दोन वेळा राष्ट्रीय पुरस्कार विजेते दिग्दर्शक सुजय डहाके यांच्या महत्त्वाकांक्षी मराठी चित्रपटांची निर्मिती आणि वितरण करण्यात येणार आहे. ‘तुझ्या आयला’ आणि ‘रक्तफळ’ हे ते दोन चित्रपट आहेत. दोन्ही चित्रपटांचे मुख्य चित्रीकरण पूर्ण झाले असून सध्या ते पोस्ट-प्रॉडक्शनच्या टप्प्यात आहेत. लवकरच या चित्रपटांच्या प्रमोशनल प्रक्रियेला सुरुवात होणार असून, सप्टेंबर २०२६ ते मार्च २०२७ या कालावधीत त्यांचे चित्रपटगृहात प्रदर्शन नियोजित आहे. या भागीदारीमुळे पॅनोरमा स्टुडिओजच्या प्रादेशिक चित्रपटांच्या यादीत आणखी दोन महत्त्वपूर्ण चित्रपटांची भर पडली आहे. भारतातील आघाडीच्या चित्रपट स्टुडिओसोबत कल्ट डिजिटल आणि प्रकाश फिल्म्ससारख्या नव्या दमाच्या सर्जनशील संस्थांचा हा सहयोग असून, दमदार आशय आणि चित्रपटगृहात प्रेक्षकांना आकर्षित करण्याची क्षमता असलेल्या अस्सल मराठी कथांना बळ देण्याचा या भागीदारीचा उद्देश आहे. या चित्रपटांच्या य...

अभिनेता गश्मीर महाजनी आता दिग्दर्शक म्हणून नवी इनिंग सुरू करत आहे. त्याच्या दिग्दर्शनातील पहिला चित्रपट ‘राखणदार’ २०२७ मध्ये प्रेक्षकांच्या भेटीला येणार असून, घोषणेसोबतच चित्रपटाचे पहिले पोस्टर सोशल मीडियावर चर्चेचा विषय ठरले आहे. पोस्टरमधील रहस्यमय मांडणी, रक्तरंजित वातावरण आणि गूढ कॅप्शनमुळे चित्रपटाबद्दल प्रेक्षकांची उत्सुकता शिगेला पोहोचली आहे. या चित्रपटात सई ताम्हणकर, गश्मीर महाजनी आणि मकरंद अनासपुरे ही दमदार स्टारकास्ट प्रमुख भूमिकांमध्ये झळकणार आहे. चित्रपटाची घोषणा होताच सोशल मीडियावर त्याबद्दल उत्सुकता निर्माण झाली आहे.    चित्रपटाचे पहिले पोस्टरही तितकेच लक्षवेधी आहे. लालभडक पार्श्वभूमीवर रक्ताचे उडालेले शिंतोडे, मध्यभागी सिंहाच्या उग्र आणि डरकाळी फोडणाऱ्या चेहऱ्याची प्रतिमा, तर त्याखाली मजबूत देहयष्टी असलेली व्यक्तिरेखा दिसते. पोस्टरमधील सिंहाची प्रतिमा सामर्थ्य, धैर्य आणि रक्षणाची भावना अधोरेखित करते. ठळक अक्षरांमध्ये साकारलेले ‘राखणदार’ हे शीर्षक चित्रपटाच्या भव्यतेची आणि दमदार आशयाची स्पष्ट झलक देते. याच पोस्टरवर लहान मुलाच्या हस्ताक्षरात लिहिलेलं ‘म...

मराठी चित्रपटसृष्टीने नेहमीच आपल्या वैविध्यपूर्ण आणि आशयघन कथांमधून प्रेक्षकांना नवे विषय आणि वेगळे अनुभव दिले आहेत. याच समृद्ध परंपरेत एका अनोख्या आणि उत्कंठावर्धक विषयासह ‘संडे १९९६’ हा मराठी चित्रपट प्रेक्षकांच्या भेटीला येत आहे. भूतकाळ आणि वर्तमान यांच्यातील सीमारेषा धूसर करणारी ही कथा रहस्य, नाती, भावना आणि काळाच्या अनपेक्षित खेळाभोवती फिरते. व्ही.आर.के फिल्मस निर्मित ‘संडे १९९६’ चित्रपटाची निर्मिती नीलांबरी विक्रांत यांनी केली असून, चित्रपटाचे लेखन आणि दिग्दर्शन जीवन राजेंद्र चव्हाण यांनी केले आहे. या चित्रपटात ओंकार राऊत, गणेश यादव, पंकज विष्णू, सुनील गोडबोले, शिवानी बने, सायली पाचपुते आणि गौरवी महांगडे यांच्या प्रमुख भूमिका आहेत. राज्याचे कॅबिनेट मंत्री मा. श्री.भरतशेठ गोगावले यांच्या हस्ते ‘संडे १९९६’ या चित्रपटाचे पोस्टर नुकतेच प्रदर्शित करण्यात आले. चित्रपटाच्या पोस्टर प्रदर्शनाच्या निमित्ताने श्री. भरतशेठ गोगावले यांनी ‘संडे १९९६’ चित्रपटाच्या संपूर्ण टीमला शुभेच्छा दिल्या. चित्रपटाच्या संकल्पनेविषयी बोलताना निर्मात्या नीलांबरी विक्रांत यांनी सांगितले, ‘‘संडे ...

भारतीय संस्कृतीत विजयादशमी हा केवळ सण नाही, तर अन्यायावर न्यायाचा, अधर्मावर धर्माचा आणि दुष्ट शक्तींवर स्त्रीशक्तीच्या विजयाचा शाश्वत संदेश देणारा दिवस आहे. भगवान श्रीरामांनी रावणाचा वध करून धर्माची स्थापना केली, तर आदिशक्ती देवी दुर्गेने महिषासुराचा संहार करून संपूर्ण सृष्टीला शक्ती, धैर्य आणि विजयाचा नवा अर्थ दिला. याच विजयाच्या, शक्तीच्या आणि परिवर्तनाच्या विचारांना समर्पित केएनके बॉक्स प्रस्तुत 'दशमी' हा मराठी चित्रपट ऑक्टोबरला प्रेक्षकांच्या भेटीला येणार आहे. चित्रपटाची निर्मिती व दिग्दर्शन योगेश पांडुरंग भोसले यांचे आहे. विजय, शक्ती आणि संघर्षाची झलक दाखवणाऱ्या 'दशमी' चित्रपटाच्या पहिल्या पोस्टरचे अनावरण नुकतेच करण्यात आले. प्रत्येक संघर्षातून उभा राहणारा विजय म्हणजेच खरी 'दशमी' हा विचार प्रभावीपणे मांडणाऱ्या या चित्रपटात अभिनेता महेश मांजरेकर, मकरंद अनासपुरे, विजय निकम,अभिनेत्री गौरी इंगवले, प्रसन्न केतकर, देवेंद्र गायकवाड, शाम माशाळकर, राज कुंदन आणि ‘दाक्षिणात्य स्टार’ रवि प्रकाश असे नामवंत कलाकार दिसणार आहेत.    यावेळी बोलताना दिग्दर्शक योगे...

 मराठी चित्रपटांचा समृद्ध वारसा, आशयघन चित्रपट आणि दर्जेदार कलाकृती देशाच्या राजधानीतील प्रेक्षकांपर्यंत पोहोचविण्याच्या उद्देशाने दादासाहेब फाळके चित्रपट रसास्वाद मंडळाच्या दिल्ली आवृत्तीचा शुभारंभ करण्यात आला. दिल्ली येथे आयोजित दिल्ली मराठी चित्रपट महोत्सवादरम्यान राज्यसभा खासदार विनोद तावडे यांच्या हस्ते या उपक्रमाचे उद्घाटन संपन्न झाले. यावेळी व्यासपीठावर सदनाच्या निवासी आयुक्त श्वेता सिंगल, महामंडळाचे सह व्यवस्थापकीय संचालक प्रशांत साजणीकर, वित्तीय सल्लागार मुख्य लेखा अधिकारी चित्रलेखा खातू, दिल्ली परिचय केंद्राचे संचालक हेमराज बागूल उपस्थित होते  व्यवस्थापकीय संचालक स्वाती म्हसे पाटील यांच्या मार्गदर्शनाखाली मुंबईत महाराष्ट्र चित्रपट, रंगभूमी आणि सांस्कृतिक विकास महामंडळाने सुरू केलेला उपक्रम महाराष्ट्र सदन , दिल्ली परिचय केंद्र यांच्या पुढाकाराने दिल्ली येथे सुरू करण्यात येत आहे. या उपक्रमांतर्गत नवीन महाराष्ट्र सदन येथे दर महिन्याला निवडक मराठी चित्रपटांचे विशेष प्रदर्शन आयोजित करण्यात येणार आहे. त्यामुळे दिल्लीतील मराठी रसिकांसह विविध भाषिक प्रेक्षकांना म...

मराठी चित्रपटसृष्टीसाठी अभिमानाची बाब ठरलेल्या ‘गोंधळ’ या चित्रपटाने फिल्मफेअर मराठी पुरस्कार २०२६ मध्ये दिमाखदार कामगिरी करत १९ नामांकनांपैकी तब्बल ६ पुरस्कारांवर आपले नाव कोरले आहे. विशेष म्हणजे, ६ पुरस्कार पटकावणारा ‘गोंधळ’ हा दुसरा सर्वाधिक गौरवप्राप्त चित्रपट ठरला आहे. प्रभावी कथा, तांत्रिक दर्जा आणि आशयघन मांडणीमुळे या चित्रपटाने समीक्षकांसह प्रेक्षकांचीही मनं जिंकली होती. आता फिल्मफेअरच्या या यशामुळे ‘गोंधळ’च्या यशाच्या शिरपेचात आणखी एक मानाचा तुरा रोवला गेला आहे. ‘गोंधळ’ला सर्वोत्कृष्ट पटकथा (संतोष डावखर), सर्वोत्कृष्ट पार्श्वसंगीत (इल्लैयराजा), सर्वोत्कृष्ट छायाचित्रण (अमलेंदू चौधरी), सर्वोत्कृष्ट ध्वनी संयोजन ( जयेश धाकण), सर्वोत्कृष्ट पदार्पण अभिनेता (निशाद भोईर), सर्वोत्कृष्ट पदार्पण अभिनेत्री - सहविजेती (इशिता देशमुख) या विभागात पुरस्कार मिळाले आहेत.     याआधी इफ्फीमध्ये सिल्व्हर पिकॉक सर्वोत्कृष्ट दिग्दर्शक पुरस्कार, फिप्रेस्को पुरस्कार, पुणे आंतरराष्ट्रीय चित्रपट महोत्सव (पिफ्फ), झी चित्र गौरव पुरस्कार आणि मटा सन्मान यांसारख्या प्रतिष्ठेच्या पुर...

महाराष्ट्र शासनाच्या सहकार्याने आयोजित तिसऱ्या नाफा मराठी चित्रपट महोत्सव २०२६ ची सुरुवात हॉलिवूडच्या ग्लॅमरला साजेशा दिमाखदार रेड कार्पेट सोहळ्याने झाली. कॅमेऱ्यांच्या लखलखत्या फ्लॅशमध्ये मराठी चित्रपटसृष्टीतील दिग्गज तारे-तारकांच्या शानदार आगमनाने सॅन होजेतील वातावरण मराठमोळ्या उत्साहाने भारून गेले. या सोहळ्यात हिंदी-मराठी चित्रपटसृष्टी आणि नाट्यरंगभूमीवरील ज्येष्ठ अभिनेत्री रोहिणी हट्टंगडी यांना त्यांच्या दैदिप्यमान कलाप्रवासाबद्दल मानाचा ‘नाफा जीवन गौरव’ प्रदान करण्यात आला. नाफाचे संस्थापक-अध्यक्ष अभिजित घोलप यांच्या हस्ते हा सन्मान बहाल करण्यात आला. यावेळी नाफाच्या को-कन्व्हेनर अर्चना सराफ, रिया ठोसर, ज्येष्ठ सभासद श्री. ठाणेदार यांच्यासह अनेक मान्यवर उपस्थित होते. रोहिणी हट्टंगडी यांनी हा सन्मान आपल्या संपूर्ण कलाप्रवासाला आकार देणाऱ्या आई-वडिलांसह गुरु इब्राहिम अल्काझी, पती जयदेव हट्टंगडी, सहकलाकार, दिग्दर्शक, लेखक, कलावंत आणि निर्माते यांना समर्पित केला. त्या म्हणाल्या, “मला अजून खूप काम करायचे आहे. ‘जीवन गौरव’ मिळाल्यानंतर घरी बसण्याचा माझा अजिबात विचार नाही. भारता...