chirantan 'चिरंतन'

कीर्तनातून प्रसिद्धीस आलेल्या एका तरुणीची गोष्ट सांगणाऱ्या 'पाच फुटाचा बच्चन' या चित्रपटाचा ट्रेलर नुकताच सुप्रसिद्ध अभिनेते रितेश देशमुख यांच्या  प्रमुख उपस्थितीत मोठ्या दिमाखात लाँच करण्यात आला. चित्रपटाच्या टीजरला भरभरून मिळालेल्या प्रतिसादानंतर आता ट्रेलरमुळे चित्रपटाविषयी आणखी उत्सुकता निर्माण झाली असून, हा चित्रपट ९ ऑक्टोबरला रुपेरी पडद्यावर झळकण्यास सज्ज झाला आहे. 'पाच फुटाचा बच्चन' या चित्रपटात तरूण कीर्तनकार मुलीची गोष्ट आहे. तिच्या कीर्तनात कोल्हापुरी भाषा आहे.  संतांचे अभंग तिला मुखोद्गत आहेत. जनमानसात तिचं प्रचंड नाव आहे.  उंचीने पाच फूट असलेल्या या तडफदार मुलीला 'पाच फुटाचा बच्चन' म्हणून ओळखलं जातं. या प्रमुख भूमिकेतून श्रुती मधुदीप ही अभिनेत्री पदार्पण करत आहे. नुकत्याच प्रदर्शित झालेल्या या चित्रपटाच्या ट्रेलरने प्रेक्षकांना खिळवून ठेवले आहे. यात तगड्या कलाकारांची फौज आहे. मराठी मनाला भावणाऱ्या कीर्तन या विषयाला हा सिनेमा साद घालतो आहे, असं दिसतं आहे. अवघ्या अडीच मिनिटाचा हा ट्रेलर अत्यंत नाट्यमय असून त्यातील दृश्यांनी प्रेक्षकांची मने...

सध्या सर्वत्र ‘आली मोठी शहाणी’ हा चित्रपट त्याच्या वेगळ्या कथानकामुळे चर्चेत असून चित्रपटातील हृता दुर्गुळे व सारंग साठ्ये यांच्या जोडीला प्रेक्षकांची पसंती मिळत आहे. या जोडीची धमाल केमिस्ट्री आता नुकत्याच प्रदर्शित झालेल्या गाण्यात पाहायला मिळत आहे. चित्रपटातील ‘बोनिता बोनिता’ हे गाणं प्रदर्शित झालं असून या गाण्यात त्यांचा बिनधास्त अंदाज पाहायला मिळत आहे. दोघांची एनर्जी, डान्स मूव्ह्ज आणि गाण्याचा मूड यामुळे ‘बोनिता बोनिता’ने लक्ष वेधून घेतलं आहे. या गाण्यात हृता आणि सारंग एकत्र थिरकताना दिसत असून त्यांची ऑनस्क्रीन जुगलबंदी गाण्याला वेगळीच रंगत देते. या गाण्याला सिद्धांत भोसले आणि केतकी माटेगावकर यांचा सुरेल आवाज लाभला आहे. तर गाण्याचे शब्द गुरू ठाकूर यांनी लिहिले असून पंकज पडघण यांनी संगीत दिलं आहे. त्यांच्या आवाजातील सहजता आणि गाण्याचा ठेका यामुळे ‘बोनिता बोनिता’चा मूड आणखी खुलतो. गाण्याबद्दल संगीतकार पंकज पडघण म्हणतात, “‘बोनिता बोनिता’ हे गाणं करताना आजच्या तरुणाईला आवडेल असा फ्रेश, मोकळा आणि एनर्जेटिक मूड ठेवण्याचा प्रयत्न केला आहे. सिद्धांत आणि केतकीच्या आवाजामुळे गाण...

मराठी चित्रपटसृष्टीच्या समृद्ध परंपरेत आशयाची वेगळी वाट चोखाळणाऱ्या आणि प्रेक्षकांच्या विचारविश्वाला धक्का देणाऱ्या कथांना नेहमीच विशेष स्थान मिळाले आहे. याच परंपरेत आता मानवी अस्तित्व, कर्माचे गूढ, मृत्यूचे अटळ चक्र आणि अनाकलनीय घटनांची मालिका यांचा रहस्यमय पट उलगडणारा ‘मृत्यूचक्र’ हा सस्पेन्स-थ्रिलर दाखल होत आहे. मृत्यूच्या पलीकडे दडलेले गूढ, कर्माच्या हिशेबाचा अनाकलनीय खेळ आणि भयाची सावली यांची उत्कंठावर्धक सांगड घालत ‘मृत्यूचक्र’ने प्रदर्शनापूर्वीच कुतूहलाची ठिणगी पेटवली आहे. नुकताच या चित्रपटाचा ट्रेलर लाँच सोहळा संपन्न झाला. याप्रसंगी सिद्धिविनायक मंदिर न्यासाचे विश्वस्त राजाराम देशमुख, अखिल भारतीय चित्रपट महामंडळाचे अध्यक्ष मेघराजराजे भोसले, उपाध्यक्ष धनाजी यमकर प्रमुख पाहुणे म्हणून उपस्थित होते. येत्या २३ ऑक्टोबरला हा रहस्यमय थरार संपूर्ण महाराष्ट्रातील चित्रपटगृहांत उलगडणार आहे. श्री महादेव फिल्म प्रॉडक्शन प्रस्तुत आणि अध्यांश मोशन पिक्चर निर्मित या बहुचर्चित चित्रपटाची निर्मिती प्रणाली उन्मेश वाघमोडे यांनी केली आहे, तर दिग्दर्शनाची धुरा विलास वाघमोडे आणि अनुप्रिता...

घर म्हटलं की प्रेम, अपेक्षा, स्वप्नं, मतभेद आणि एकमेकांची काळजी हे सगळं आलंच. मुलांची स्वप्नं आणि पालकांच्या अपेक्षा यांच्यातली तारेवरची कसरत अनेक घरांमध्ये पाहायला मिळते. याच घराघरात घडणाऱ्या गोष्टींना रंगमंचावर घेऊन येत आहे ‘शुभं करोति’ हे नवं मराठी नाटक. ‘नाटकातलं घर नाही… घराघरातलं नाटक…’ अशी उत्सुकता वाढवणारी ओळख घेऊन येणारं हे नाटक १ ऑक्टोबरपासून रंगभूमीवर दाखल होत आहे. ब्ल्यू रॅम्प एन्टरटेन्मेंट, नितीन वैद्य प्रॉडक्शन्स आणि सरगम क्रिएशन्स निर्मित, रावेतकर प्रस्तुत या नाटकाचं लेखन वैभव जोशी यांनी केलं असून दिग्दर्शन भाग्येश रानडे यांचं आहे. श्रीरंग खापर्डे, सिद्धार्थ गोखले, नितीन प्रकाश वैद्य आणि राहुल शरद अवस्थी हे नाटकाचे निर्माते आहेत.   ‘शुभं करोति’ची कथा एका मध्यमवर्गीय मराठी कुटुंबाभोवती फिरणारी आहे. स्वतःच्या आयुष्याबद्दल आणि करिअरबद्दल वेगळी स्वप्नं पाहाणाऱ्या तरुण मुलाचा प्रवास, त्याच्या निर्णयांकडे पालक पाहातात त्या नजरेतून निर्माण होणारे प्रश्न आणि अपयशाच्या टप्प्यावर कुटुंबाची मिळणारी साथ, या सगळ्याची भावनिक गुंफण या नाटकात पाहायला मिळणार आहे. आजच्या प...

बालरंगभूमी परिषद, बृहन्मुंबई शाखेच्या 'जल्लोष लोककलेचा' सुरुवातीची तय्यारी आणि महोत्सवात रंगले बालकलावंतांचे मनमोहक सादरीकरण. ​पारंपरिक वेशभूषा, तालबद्ध पावले आणि डोळ्यांत चमक... बालदोस्तांनी आपल्या लोककलेचा हा रंगमंच उत्साहाने उजळवून टाकला, ​कौतुक करा या उडत्या पंखांचे आणि पाहा या सुंदर क्षणांची एक झलक ​#Balrangbhumi #Lokkala #JalloshLokkalecha #FolkArt #किड्सटॅलेंट #aawajmajhamaharastracha 

कोकणची माती अशी की, ती फक्त भात पिकवत नाही, तर माणसंही घडवते. आंबा-फणसाच्या दाट राईतून, माडा-पोफळींच्या सावलीतून आणि खाडीच्या खारट वाऱ्यातून एक अवखळ, बेभान आणि तितकंच निखळ आयुष्य इथं फुलतं. हर्णै, मुरुड, आंजर्ले, मुर्डी या समुद्रकिनाऱ्यांपासून वर दापोलीपर्यंत पसरलेल्या याच त्रिकोणी प्रदेशात वसलंय एक गाव म्हणजे गारंबी. याच गारंबीत जन्माला येते एक गोष्ट, जी काळाच्या पडद्याआड जात नाही, उलट पिढ्यानपिढ्या तितकीच ताजी राहते ती म्हणजे "गारंबीचा बापू". गुरुप्रसाद फिल्म्स आणि विषय प्रॉडक्शन्स यांच्या बॅनरखाली निर्मिती केलेला हा चित्रपट दिग्दर्शक गुरुप्रसाद यांनी नव्या तंत्रज्ञानाची जोड देत नव्या रूपात साकारला आहे. घाटावर जशी पाटलाची सत्ता चालते, तशी कोकणात खोताची चालते. पण सत्ता आली की तिच्यासोबत माज येतोच, आणि माजातून जन्म घेते हुकूमशाही. गारंबीतला अण्णा खोत हा असाच एक निरंकुश सत्ताधीश. त्याच्या जुलमी वर्तनाला, त्याच्या दहशतीला जो एकटा आव्हान देतो, तो म्हणजे बापू. कुणाची भीड न बाळगणारा, स्वतःच्याच तालात जगणारा, अचाट आणि बेफाट वागणारा हा तरुण गारंबीत "अफाट बापू" ...

बालपण म्हणजे छोट्या छोट्या गोष्टींमध्ये आनंद शोधणं… एखादा रंगीत दगड म्हणजे खजिना, एखादी काठी म्हणजे जादूची कांडी आणि एका बंद दरवाजापलीकडचं जग म्हणजे एक मोठं स्वप्न! याच निरागस बालविश्वाची, स्वप्नांची आणि जिद्दीची हळुवार गोष्ट सांगणाऱ्या ‘चिकिझिंग’ या आगामी मराठी चित्रपटाचं पहिलं पोस्टर आज प्रदर्शित करण्यात आलं. त्यासोबतच हा चित्रपट यंदाच्या दिवाळीत, १२ नोव्हेंबर रोजी प्रेक्षकांच्या भेटीला येणार असल्याची अधिकृत घोषणा करण्यात आली आहे. दिपक वाणी आणि जयप्रकाश भांडे प्रस्तुत ‘चिकिझिंग’ या चित्रपटाची निर्मिती ए थीमटीम स्टुडिओ प्रॉडक्शनने कीफ्रेम प्रॉडक्शन यांच्या सहकार्याने केली आहे. सुप्रिया बागते या चित्रपटाच्या निर्मात्या असून शब्बीर साबुवाला, रचना वोरा, ऋषिकेश देशमुख, सिड विंचुरकर, करण चव्हाण, उन्मेश कुलकर्णी सहनिर्माते आहेत. राजेंद्र बागते आणि वैभव कुलकर्णी यांनी या चित्रपटाचे दिग्दर्शन केले आहे. एका हिलस्टेशनच्या पार्श्वभूमीवर घडणारी ‘चिकिझिंग’ची कथा आहे, गरिबीच्या परिस्थितीत वाढणाऱ्या एका चुणचुणीत, स्वप्नाळू आणि खोडकर मुलाची. दर शनिवारी आईसोबत एका श्रीमंत निवासी शाळेत जाणा...

अद्वैत थिएटर निर्मित आणि चिन्मय मांडलेकर दिग्दर्शित, ज्येष्ठ साहित्यिक रत्नाकर मतकरी लिखित ‘अलबत्या गलबत्या’ हे विश्वविक्रमी बालनाट्य १००० प्रयोगांच्या दिशेने वाटचाल करत आहे. सुमारे ५० वर्षांपूर्वी रत्नाकर मतकरी यांच्या लेखणीतून जन्माला आलेल्या या नाटकाने आजवर बालप्रेक्षकांसह मोठ्यांनाही भुरळ घातली आहे. या नाटकाने ३६५ दिवसांत ३३३ प्रयोग हाऊसफुल्ल करण्याचा विक्रम केला आहे. तसेच एका दिवसात चार, पाच आणि एकाच टीमने सहा प्रयोग सादर करण्याची नोंदही या नाटकाच्या प्रवासात झाली आहे. मराठी रंगभूमीच्या इतिहासातील हा विशेष टप्पा मानला जात आहे. ‘अलबत्या गलबत्या’च्या माध्यमातून बालप्रेक्षकांच्या मनोरंजनासोबतच त्यांच्या व्यक्तिमत्त्व विकासाला आणि मराठी भाषेच्या संस्कारांना हातभार लागतो. नाटकातील गाणीही प्रेक्षकांच्या विशेष पसंतीस उतरली आहेत. चिन्मय मांडलेकर, रत्नाकर मतकरी, समृद्धी पांडे, संचित गायकवाड आणि संस्कारी यांनी लिहिलेल्या गीतांना अवधूत गुप्ते, वैशाली सामंत तसेच बालकलाकारांनी आवाज दिला आहे. ही गाणी आता बालप्रेक्षकांसाठी उपलब्ध होणार आहेत. या गीतांचे संगीत अनावरण सोमवार, २८ सप्टेंब...

मराठी कलाकार दाक्षिणात्य सिनेसृष्टीत आपला ठसा उमटवित असताना, दाक्षिणात्य कलाकारांची सुद्धा मराठी चित्रपटात दमदार एन्ट्री होत आहे! प्रसिद्ध तेलगू अभिनेता रवी प्रकाश ‘दशमी’ या आगामी चित्रपटातून मराठी चित्रपटसृष्टीत पदार्पण करत असून, आपल्या पहिल्याच चित्रपटात ते डॅशिंग पोलीस अधिकाऱ्याच्या भूमिकेत दिसणार आहेत. विशेष म्हणजे, मराठीत पदार्पण करताना त्यांनी थेट खाकी वर्दीचा रुबाब दाखवत ‘एसीपी आसिफ मुजावर’ ही  रुबाबदार व्यक्तिरेखा साकारली आहे.  चित्रपटाचा दमदार पॉवरपॅक्ड असा टिझर नुकताच प्रदर्शित झाला आहे.     रहस्य, थरार आणि सामाजिक वास्तवाचा वेध घेणाऱ्या ‘दशमी’ चित्रपटाचे दिग्दर्शन योगेश पांडुरंग भोसले यांचे आहे. केएनके बॉक्स प्रस्तुत 'दशमी' चित्रपट ऑक्टोबरमध्ये प्रेक्षकांच्या भेटीला येणार असून या चित्रपटात अभिनेता महेश मांजरेकर, मकरंद अनासपुरे, विजय निकम,अभिनेत्री गौरी इंगवले, प्रसन्न केतकर, देवेंद्र गायकवाड, शाम माशाळकर, राज कुंदन असे कलाकार दिसणार आहेत.    आपल्या मराठी पदार्पणाबद्दल रवी प्रकाश म्हणतात, ‘मराठीत पहिल्यांदा काम करताना अशी भूमिका म...

काही नाती शब्दांत सांगता येत नाहीत, तर काही नात्यांना नाव देणंही कठीण असतं. अशाच एका नात्याची उत्सुकता वाढवणाऱ्या ‘मैत्रेया’ या आगामी चित्रपटाचा टीझर प्रदर्शित झाला आहे. समर, आयुषी, स्काय आणि रुची यांच्या आयुष्यातील नात्यांचा वेगळाच पैलू टीझरमधून समोर येतो. एकमेकांसोबतची मैत्री, सहजपणा, मस्ती आणि एकमेकांच्या आयुष्यात असलेली जागा दिसत असतानाच, त्यांच्या नात्यांमध्ये दडलेल्या भावनांचा गुंता नेमका काय आहे, हा प्रश्न टीझरमधून निर्माण होतो. टीझरमध्ये आर्जोयी, जय, साजिरी आणि निर्वाण यांच्यातील नातं दिसतं. ते एकमेकांच्या आयुष्यातील खास व्यक्ती बनलेले आहेत. मात्र, आयुष्यात एखादी नवीन व्यक्ती आली की, आतापर्यंत आपली वाटणारी व्यक्तीही अचानक परकी किंवा अनोळखी वाटू लागते. याच भावनेभोवती या चौघांच्या नात्यांचा गुंता उलगडताना दिसतो. एकमेकांसोबतचे सहज क्षण, जवळीक आणि बदलत जाणारी नाती पाहाता, मैत्रीच्या या नात्यात नेमकं काय दडलं आहे, याची उत्सुकता निर्माण होते.   लेखिका-दिग्दर्शिका क्रांती रेडकर वानखेडे म्हणतात, “टीझरच्या शेवटी ‘एकीकडे प्रेम, एकीकडे मैत्री अन् एकीकडे मैत्रीत गोंधळलेलं प...

कॉलेजमधील भेदभावाची गंभीर गोष्ट सांगणाऱ्या "जयंती २" या चित्रपटाने बॉक्स ऑफिसवर दमदार कामगिरी केली आहे. दुसऱ्याच आठवड्यात चित्रपटाचे थिएटर्समधील शोज मोठ्या प्रमाणात वाढले आहेत. जयंती चित्रपटाला मिळालेल्या यशाच्या पावलावर पाऊल ठेवूनच "जयंती २"ची वाटचाल सुरू आहे.    'जयंती २' हा चित्रपट ११ सप्टेंबर रोजी प्रदर्शित झाला.  या चित्रपटाची निर्मिती मेलिओरिस्ट फिल्म स्टुडिओने केली असून चित्रपटाची कथा, संवाद आणि दिग्दर्शन शैलेश बळीराम नरवाडे यांचे आहे. 'जयंती' चित्रपटाचा प्रमुख चेहरा असलेला अभिनेता ऋतुराज वानखेडे या चित्रपटात मध्यवर्ती भूमिका साकारत असून पायल जाधव, अभिनेत्री प्रियदर्शनी इंदलकर, रोहिणी हट्टंगडी, देविका दफ्तरदार, विजय निकम, राजकुमार जरांगे, मानसी सुभाष अशी दमदार कलाकारांची फौज आपल्याला या चित्रपटातून भेटीस येणार आहे. संजीवकुमार हिल्ली यांनी कॅमेरामन म्हणून काम पाहिले असून संकलन फैसल महाडिक यांचे आहे. डॉ. सुहास अंबादे , सुहास मुंडे आणि सौरभ गुरू यांनी लिहिलेल्या गीतांना ओंकारस्वरूप यांचे संगीत लाभले असून पार्श्वसंगीत मंगेश धाकडे यांचे...

शहरात वाढलेला एक तरुण, आयुष्यात काहीतरी ‘ड्रामा’ घडावा या शोधात आपल्या पूर्वजांच्या गावाकडे निघतो आणि तिथे त्याला माणसं, नाती आणि स्वतःकडे नव्याने पाहण्याची संधी मिळते. याच अनोख्या प्रवासाची झलक दाखवणाऱ्या शुभम संजय शेवडे लिखित-दिग्दर्शित आगामी मराठी चित्रपट ‘मॅगझिन’चा टीझर नुकताच प्रदर्शित झाला असून, त्यातील काही खास दृश्यांनी आणि एका शब्दाने प्रेक्षकांचे लक्ष वेधून घेतले आहे. टीझरच्या माध्यमातून ‘मॅगझिन’ शहरापासून महाराष्ट्राच्या मातीतल्या जगापर्यंत आणि तिथून ‘घर’ या संकल्पनेला नव्याने समजून घेण्याच्या प्रवासाची ओळख करून देतो. घर म्हणजे केवळ चार भिंतींची जागा, की आपल्या माणसांशी, आठवणींशी आणि मुळांशी जोडलेली भावना? या प्रश्नाभोवती फिरणारा तरुण नायकाचा प्रवास टीझरमधून हळूहळू उलगडत जातो. टीझरमध्ये निसर्गाच्या सान्निध्यातील क्षण, तरुणाई, मैत्री, गावाकडचं जगणं आणि काही अनपेक्षित प्रसंगांची सांगड पाहायला मिळते. एका संवादातून समोर येणारा एक शब्द नायकाचं लक्ष वेधून घेतो आणि त्याच्या प्रवासाबद्दल उत्सुकता निर्माण करतो. मात्र या प्रवासात त्याला नेमकी कोणती माणसं भेटणार आहेत, गावाशी त्याचं नात...

बाप लेकीचं नातं सगळ्यांपेक्षा वेगळं आणि खास असतं. लेकीच्या प्रत्येक स्वप्नामागे खंबीरपणे उभा राहणारा बाबा आणि बाबांच्या प्रेमात आपलं संपूर्ण विश्व पाहणारी लेक अशाच  एका  नात्यातला प्रेम, माया आणि भावनांचा सुंदर कोलाज आता ‘दशमी’ या आगामी मराठी चित्रपटातून रुपेरी पडद्यावर अनुभवायला मिळणार आहे.   अभिनेता मकरंद अनासपुरे आणि अभिनेत्री गौरी इंगवले यांच्या अभिनयातून साकारलेलं प्रभाकर आणि लक्ष्मीचं नातं ‘दशमी’ चित्रपटाच्या कथेला भावनिक खोली देणार आहे. बाप-लेकीच्या या हळव्या नात्याची कथा प्रेक्षकांच्या मनाला नक्कीच स्पर्शून जाणारी आहे. केएनके बॉक्स प्रस्तुत 'दशमी' मराठी चित्रपट ऑक्टोबरमध्ये प्रेक्षकांच्या भेटीला येणार आहे. चित्रपटाचे दिग्दर्शन योगेश पांडुरंग भोसले यांचे आहे.    स्वतःची स्वप्नं बाजूला ठेवून मुलगी लक्ष्मीने डॉक्टर व्हावं, यासाठी तो बाप आयुष्यभर कष्ट करतो. लक्ष्मीही वडिलांच्या कष्टांची जाणीव ठेवत, त्यांचं डॉक्टर होण्याचं स्वप्न स्वतःचं मानून जगणारी संवेदनशील मेडिकल स्टुडंट आहे.     याविषयी मकरंद अनासपुरे सांगतात,‘प्रभाकर’ या भूमिक...

जन्म आणि मृत्यू हे जीवनाचे अटळ सत्य मानले जाते. भारतीय तत्त्वज्ञानात मृत्यू हा शेवट नसून एका चक्राचा भाग असल्याची संकल्पना प्राचीन काळापासून मांडली जाते. कर्मानुसार जन्म-मृत्यूची पुनरावृत्ती होत राहते आणि या चक्रातून मुक्ती मिळवणे म्हणजे मोक्ष, अशी धारणा आहे. माणसाच्या आयुष्यात घडणाऱ्या प्रत्येक कृतीचा परिणाम त्याच्यावर किंवा त्याच्या पुढील प्रवासावर होत असतो, असेही मानले जाते. ‘मृत्यूचक्र’ या संकल्पनेत त्यामुळे केवळ मृत्यूची भीती नसून कर्म, नियती, पुनर्जन्म, अदृश्य शक्ती आणि मानवी अस्तित्वाचे गूढ असे अनेक पदर दडलेले आहेत. याच गूढ आणि तात्त्विक संकल्पनेला भय, रहस्य आणि मानवी भावविश्वाची जोड देत ‘मृत्यूचक्र’ हा मराठी चित्रपट २३ ऑक्टोबर रोजी प्रेक्षकांच्या भेटीला येत आहे. या चित्रपटाचे नवे पोस्टर नुकतेच प्रदर्शित करण्यात आले असून, त्याने चित्रपटाविषयीची उत्सुकता वाढवली आहे. श्री महादेव फिल्म प्रॉडक्शन प्रस्तुत आणि अध्यांश मोशन पिक्चर निर्मित ‘मृत्यूचक्र’ या आगामी चित्रपटाची निर्मिती प्रणाली उन्मेश वाघमोडे यांनी केली आहे. ‘मृत्यूचक्र’चे दिग्दर्शन विलास वाघमोडे आणि अनुप्रिता कड...

दादासाहेब फाळके चित्रनगरी ही केवळ चित्रपटांच्या चित्रीकरणाचे ठिकाण नसून महाराष्ट्राच्या कला आणि संस्कृतीची कर्मभूमी आहे. कलाकारांसाठी अधिक सुविधा, तंत्रज्ञांसाठी नव्या संधी आणि युवा पिढीसाठी आधुनिक व्यासपीठ उपलब्ध करून देण्यासाठी शासन प्रयत्नशील आहे, असे सांस्कृतिक कार्य मंत्री ॲड. आशिष शेलार यांनी सांगितले. महाराष्ट्र चित्रपट, रंगभूमी आणि सांस्कृतिक विकास महामंडळाच्या वतीने आयोजित  ‘सेवा संकल्प अभियान’अंतर्गत विविध लोकसेवा व सांस्कृतिक उपक्रमांचे लोकार्पण करण्यात आले. यावेळी ते बोलत होते. कार्यक्रमाला फिल्मसिटी व्यवस्थापकीय संचालक स्वाती म्हसे पाटील, सहव्यवस्थापक प्रशांत साजणीकर, एनजीएमएच्या संचालक  निधी चौधरी त्याचबरोबर चित्रपट क्षेत्रातील कलाकार, तंत्रज्ञ, गायक मोठ्या संख्येने उपस्थित होते.     यावेळी चित्रनगरीतील स्टुडिओ क्रमांक एकचे मंत्री ॲड शेलार यांच्या हस्ते लोकार्पण करण्यात आले. दर्जेदार पायाभूत सुविधांमुळे कलाकार, निर्माते आणि तंत्रज्ञांना चित्रीकरण व निर्मितीसाठी अधिक सुविधा मिळणार असून चित्रनगरीला आधुनिक निर्मिती केंद्र म्हणून विकसित करण...

अध्यात्म, रहस्य, थरार आणि ॲक्शन यांची अनोखी सांगड घालणारा ‘देवघर ऑन रेंट’ हा आगामी मराठी चित्रपट सध्या चर्चेत आहे. चित्रपटात रहस्य आणि थरारासोबत भावनिक पदरही पाहायला मिळणार असून, ‘देवघर’ आणि ‘रेंट’ या दोन शब्दांमागे दडलेले गूढ नेमके काय, याची उत्सुकता निर्माण झाली आहे. ‘देवघर ऑन रेंट’ चित्रपटाचा ट्रेलर लाँच सोहळा नुकताच मुंबईत संपन्न झाला. प्रदर्शित झालेल्या ट्रेलरमधून चित्रपटाच्या कथानकाची थरारक झलक पाहायला मिळत आहे. ‘देवघर ऑन रेंट’ हा चित्रपट २५ सप्टेंबर २०२६ रोजी महाराष्ट्रासह बेळगाव, हैदराबाद, इंदोर आणि बडोदा येथे प्रदर्शित होणार आहे.  आनंदी पिक्चर्स अमरावती प्रस्तुत आणि  राधाकृष्ण प्रोडक्शन निर्मित ‘देवघर ऑन रेंट’ची निर्मिती सचिन रोडे पाटील आणि पूनम चौधरी पाटील यांनी केली आहे. दिग्दर्शनाची धुरा स्वरूप सावंत यांनी सांभाळली आहे. या चित्रपटाची संकल्पना पूनम चौधरी पाटील यांची असून कथा-पटकथा व संवादलेखन संजय नवगिरे यांनी केले आहे. ट्रेलरच्या सुरुवातीपासूनच चित्रपटाच्या गूढ वातावरणाची जाणीव होते. अर्थपूर्ण संवाद उत्सुकता वाढवतात. पोलीस तपास, संशयास्पद घटना, संघर्ष आ...

 महाराष्ट्र चित्रपट, रंगभूमी आणि सांस्कृतिक विकास महामंडळ अर्थात दादासाहेब फाळके चित्रनगरीच्या वतीने आयोजित करण्यात आलेल्या ‘चित्रनगरीच्या राजा’ गणेशोत्सवाची आज, सोमवार दि. १४ सप्टेंबर २०२६ रोजी गणरायाच्या प्राणप्रतिष्ठेने उत्साहात सुरुवात झाली.  भक्तिमय वातावरणात ‘चित्रनगरीच्या राजा’चे जल्लोषात आगमन झाले. यावेळी चित्रनगरीतील कलाकार, तंत्रज्ञ, कर्मचारी आणि अधिकारी मोठ्या संख्येने उपस्थित होते. प्राणप्रतिष्ठेनंतर सर्वांनी एकत्र येत गणरायाची आरती करून बाप्पाचे मनोभावे दर्शन घेतले.    राज्य शासनाने गणेशोत्सवाला राज्याचा अधिकृत महोत्सव म्हणून दर्जा दिल्याच्या पार्श्वभूमीवर यंदाचा गणेशोत्सव विशेष उत्साहात साजरा केला जात आहे. पारंपरिक उत्सवी कला आणि परंपरांचे दर्शन घडविण्यासाठी विविध उपक्रमांचे आयोजन करण्यात आले आहे. यामध्ये जागतिक रील स्पर्धा, मराठी गणपती स्तोत्राचे अनावरण, पाककला स्पर्धा, रील मार्गदर्शन शिबिर, वैद्यकीय चाचणी शिबिर, दिव्यांग ऑर्केस्ट्रा, हळदीकुंकू कार्यक्रम, ‘चित्रांगण कट्टा’ तसेच कलाकार, तंत्रज्ञ, कर्मचारी आणि अधिकाऱ्यांसाठी वैयक्तिक वित्त व्...

 महाराष्ट्र चित्रपट, रंगभूमी आणि सांस्कृतिक विकास महामंडळाच्या वतीने गणेशोत्सवातील कला, परंपरा आणि सांस्कृतिक वारशाला जागतिक स्तरावर डिजिटल व्यासपीठ उपलब्ध करून देण्यासाठी ‘जागतिक महागणेशोत्सव रील स्पर्धा २०२६’ आयोजित करण्यात आली आहे. ‘जागर कलेचा, समृद्ध परंपरेचा..!’ या संकल्पनेवर आधारित ही स्पर्धा महाराष्ट्रासह भारतातील आणि जगभरातील स्पर्धकांसाठी खुली आहे.  राज्याचे सांस्कृतिक कार्य मंत्री आशिष शेलार यांच्या संकल्पनेनुसार तसेच सांस्कृतिक विभागाचे सचिव डॉ.किरण कुलकर्णी आणि महाराष्ट्र चित्रपट, रंगभूमी आणि सांस्कृतिक विकास महामंडळाच्या व्यवस्थापकीय संचालक स्वाती म्हसे पाटील यांच्या मार्गदर्शनाखाली ‘जागतिक महागणेशोत्सव रील स्पर्धा २०२६’चे आयोजन करण्यात आले असून  १४ ते २४ सप्टेंबर २०२६ या कालावधीत ही स्पर्धा राबविण्यात येणार आहे.     या स्पर्धेत ‘जागतिक सर्वोत्तम रील’ ठरणाऱ्या स्पर्धकाला १ लाख रुपये, सन्मानचिन्ह व प्रमाणपत्र, तर महाराष्ट्रातील तसेच महाराष्ट्राबाहेरील सर्वोत्तम रीलसाठी प्रत्येकी ५० हजार रुपये, सन्मानचिन्ह व प्रमाणपत्र देण्यात येणार आहे. स्पर्धेच...

महाराष्ट्र चित्रपट, रंगभूमी आणि सांस्कृतिक विकास महामंडळ अर्थात दादासाहेब फाळके चित्रनगरीच्या वतीने यंदाही ‘चित्रनगरीच्या राजा’चा गणेशोत्सव मोठ्या उत्साहात  साजरा करण्यात येणार आहे. सोमवार, दि. १४ सप्टेंबर २०२६ रोजी गणरायाची प्राणप्रतिष्ठा होणार असून, शुक्रवार, दि. २५ सप्टेंबर रोजी विसर्जनाने या उत्सवाची सांगता होईल. यंदा चित्रनगरीच्या राजाचा हा ३३ वा गणेशोत्सव आहे.    राज्य शासनाने गणेशोत्सवाला राज्याचा अधिकृत महोत्सव म्हणून दर्जा दिल्याच्या पार्श्वभूमीवर यंदाचा उत्सव विशेष उत्साहात साजरा करण्यात येणार आहे. गणेशोत्सवादरम्यान स्टुडिओ क्रमांक १, दादासाहेब फाळके चित्रनगरी, गोरेगाव, मुंबई येथे महाराष्ट्रातील विविध विभागांतील उल्लेखनीय गावांचे दर्शन तसेच चित्रपटांचे गाव असलेल्या चित्रनगरीतील उपक्रमांचे चित्रण देखाव्यातून करण्यात आले आहे. संपूर्ण देखाव्यातून गणरायाच्या विविध रूपांचे पारंपारिक दर्शन घडते. संपूर्ण देखावा पर्यावरण पूरक असून पूजामूर्ती शेतातल्या माती पासून बनलेली बीजमूर्ती आहे. तसेच उत्सवमूर्ती महापालिकेच्या नियमानुसार पुनर्वापरासाठी देण्याच्या दृष्टीने मागील वर्ष...

लेखक-दिग्दर्शक दिग्पाल लांजेकर यांच्या बहुप्रतिक्षित ‘दर्याभवानी’ चित्रपटाचा मुहूर्त एका अनोख्या आणि भावनिक क्षणाने पार पडला. शुभारंभाच्या प्रसंगी दिग्पाल लांजेकर यांनी पारंपरिक पद्धतीने गाऱ्हाणं घालत चित्रपटाच्या यशासोबतच ‘दर्याभवानी’शी जोडलेल्या प्रत्येक कलाकार, तंत्रज्ञ आणि टीम सदस्याच्या सुख-समाधानासाठी मनापासून प्रार्थना केली. या गाऱ्हाण्यात चित्रपटाच्या निर्मितीसाठी पडद्यामागे आणि पडद्यावर मेहनत घेणाऱ्या प्रत्येक व्यक्तीचे आभार मानण्यात आले. संपूर्ण टीमच्या कल्याणासाठी केलेल्या या प्रार्थनेमुळे ‘दर्याभवानी’ चित्रपटाचा मुहूर्त केवळ चित्रपटाच्या शुभारंभाचा सोहळा न राहता, एकजूट, कृतज्ञता आणि आपुलकीचा सुंदर क्षण ठरला. ‘दर्याभवानी’ हा केवळ एक ऐतिहासिक चित्रपट नसून, छत्रपती शिवाजी महाराजांच्या दूरदर्शी सागरी धोरणाला आणि मराठी आरमाराच्या अद्वितीय पराक्रमाला मोठ्या पडद्यावर साकार करणारा महत्त्वाकांक्षी प्रकल्प आहे. या भव्य ऐतिहासिक प्रवासाची सुरुवात करताना दिग्पाल लांजेकर यांनी आपल्या संपूर्ण टीमलाच या शुभारंभाच्या केंद्रस्थानी ठेवत केलेली प्रार्थना विशेष लक्षवेधी ठरली.  ...

गणरायाच्या भक्तीत तल्लीन करणारी आणि उत्सवी वातावरणाला सुरेल रंग देणारी ‘आली मोठी शहाणी’ या आगामी मराठी चित्रपटातील ‘गणेश वंदना’ प्रेक्षकांच्या भेटीला आली आहे. बाप्पाच्या चरणी श्रद्धा व्यक्त करणाऱ्या या गाण्यात भक्तिरसासोबतच उत्सवाचा आनंद आणि प्रसन्न वातावरण अनुभवायला मिळतं. चित्रपटाच्या टीझरमध्ये एका चिमुकलीची ‘मोठं व्हायचंय’ ही निरागस इच्छा आणि ती पूर्ण व्हावी यासाठी तिने बाप्पाकडे घातलेलं साकडं पाहायला मिळालं होतं. त्यामुळे या गणेश वंदनेतूनही चित्रपटाच्या कथेशी जोडलेला बाप्पाचा धागा अधोरेखित होतो. नुकताच राष्ट्रीय पुरस्कार मिळालेले अभय जोधपूरकर यांच्या भारदस्त आणि भावपूर्ण आवाजामुळे गाण्याला भक्तिरसाची अनुभूती मिळते. पंकज पडघन यांच्या संगीत रचनेतून गाण्याचा उत्सवी बाज खुलतो, तर गुरु ठाकूर यांच्या शब्दांमधून बाप्पाप्रतीची श्रद्धा आणि भक्तिभाव प्रभावीपणे व्यक्त होतो.    संगीत दिग्दर्शक पंकज पडघन म्हणतात, ‘’ ‘गणेश वंदना’ हे गाणं तयार करताना भक्तिभाव आणि उत्सवाचा आनंद यांचा सुंदर मेळ साधण्याचा प्रयत्न केला. बाप्पाशी जोडलेली श्रद्धा आणि ‘आली मोठी शहाणी’ च्या कथेतील भा...

दिग्दर्शक सुजय डहाके यांच्या वैशिष्ट्यपूर्ण दिग्दर्शकीय शैलीची छाप असलेला ‘तुझ्या आयला’ हा आगामी मराठी चित्रपट विषयाच्या धाडसामुळे आणि आशयाच्या वेगळेपणामुळे लक्ष वेधून घेत आहे. राष्ट्रीय पुरस्काराची मोहोर उमटलेल्या ‘शाळा’ आणि ‘श्यामची आई’ यांसारख्या आशयघन चित्रपटांमधून संवेदनशील विषयांना प्रभावीपणे पडद्यावर मांडणाऱ्या सुजय डहाके यांनी यावेळी समाजात नकळत रूजलेल्या एका गंभीर प्रश्नाला केंद्रस्थानी आणले आहे. या चित्रपटाचा ट्रेलर प्रेक्षकांच्या भेटीला आला आहे.  ‘तुझ्या आयला’ हे शीर्षक पहिल्यांदा ऐकतानाच अनेकांच्या भुवया उंचावतात. मात्र, या शीर्षकामागे भाषेचा, संस्कारांचा आणि शब्दांच्या परिणामांचा विचार करायला लावणारी संकल्पना दडलेली आहे. ‘शिवी नाय, खेळाचं नाव हाय ते’ ही चित्रपटाची हटके टॅगलाइनही त्याच्या मध्यवर्ती विषयाकडे सूचकपणे निर्देश करते. शाब्दिक हिंसा आपल्या दैनंदिन व्यवहाराचा भाग कशी बनली आहे आणि त्याचा व्यक्तीच्या मानसिकतेवर, विशेषतः बालमनावर, कसा परिणाम होऊ शकतो, याचा वेध घेण्याचा प्रयत्न या चित्रपटातून केला जाणार आहे. दिग्दर्शक सुजय डहाके यांनी या विषयाकडे केवळ म...

 मराठी चित्रपटसृष्टीला प्रोत्साहन देण्याच्या उद्देशाने सांस्कृतिक कार्य विभाग, महाराष्ट्र शासनाच्या वतीने आयोजित ६२ वा महाराष्ट्र राज्य मराठी चित्रपट पुरस्कार सोहळा बुधवारी रवींद्र नाट्य मंदिर येथे उत्साहात संपन्न झाला. या पुरस्कारांमध्ये ‘छबिला’ या चित्रपटाने सर्वोत्कृष्ट चित्रपटाचा मान पटकावला, तर ‘घरत गणपती’ द्वितीय स्थानी तर ‘नाच गं घुमा’ तृतीय सर्वोत्कृष्ट चित्रपटाचा मानकरी ठरला.   या सोहळ्यात विविध गटातील महाराष्ट्र राज्य मराठी चित्रपट पुरस्कारांसह चित्रपती व्ही. शांताराम जीवनगौरव पुरस्कार, विशेष योगदान पुरस्कार, राज कपूर जीवनगौरव पुरस्कार आणि राज कपूर विशेष योगदान पुरस्कार मुख्यमंत्री देवेंद्र फडणवीस यांच्या हस्ते प्रदान करण्यात आले. भारतीय संगीत क्षेत्रातील ज्येष्ठ संगीतकार, संगीत दिग्दर्शक व गायक पं. हृदयनाथ मंगेशकर यांना चित्रपती व्ही. शांताराम जीवनगौरव पुरस्कार, तर अभिनेता-दिग्दर्शक प्रसाद ओक यांना चित्रपती व्ही. शांताराम विशेष योगदान पुरस्काराने गौरविण्यात आले. ज्येष्ठ पटकथालेखक, अभिनेते व निर्माते सलीम खान यांच्या वतीने त्यांच्या पत्नी हेलन यांनी राज क...

शेतकऱ्याच्या जीवनात बैलांना अनन्यसाधारण महत्त्व आहे. शेतीच्या कामात शेतकऱ्याचा खांद्याला खांदा लावून साथ देणाऱ्या बैलांप्रती कृतज्ञता व्यक्त करण्यासाठी महाराष्ट्रात पोळा सण मोठ्या उत्साहात साजरा केला जातो. या दिवशी बैलांना आंघोळ घालून, सजवून त्यांची पूजा केली जाते. शेतकरी आणि बैल यांच्यातील जिव्हाळ्याचे नाते, कष्ट आणि मातीशी असलेली नाळ या परंपरेतून अधोरेखित होते. याच भावनिक नात्याला केंद्रस्थानी ठेवत पोळ्याचा मुहूर्त साधून एका नव्या मराठी चित्रपटाची घोषणा करण्यात आली आहे. ‘काळाने कितीही घाव घातले तरी हे नातं तुटत नसतं!’ या आशयाच्या टॅगलाइनसह ‘जोडी’ हा चित्रपट लवकरच प्रेक्षकांच्या भेटीला येणार आहे. फायनल ड्राफ्ट फिल्म प्रॉडक्शन आणि फेबलफॉक्स मीडिया प्रॉडक्शन यांच्या निर्मितीचा ‘जोडी’ हा चित्रपट ज्ञानेश्वर शांताराम जाधव यांनी लिहिला असून तेच या चित्रपटाचे दिग्दर्शन करणार आहेत. चित्रपटाच्या घोषणेसोबत प्रदर्शित करण्यात आलेल्या पोस्टरने या कलाकृतीची उत्सुकता वाढवली आहे. पोस्टरमध्ये हिरवाईने नटलेल्या शेतातून बैलजोडी नांगर ओढत पुढे जाताना दिसते. त्याच दृश्याच्या पार्श्वभूमीवर आकाश...

आजची Gen Z पिढी जगभर फिरते, स्वतःची ओळख घडवते, नव्या शक्यता शोधते, पण या सगळ्या प्रवासात एक प्रश्न कायम तिच्यासोबत असतो; “आपलं खरं घर नेमकं कुठे आहे?” याच भावनेला एका समकालीन आणि तरुण दृष्टिकोनातून पडद्यावर मांडणारा आगामी मराठी चित्रपट ‘मॅगझिन’ येत्या २३ ऑक्टोबर २०२६ रोजी प्रेक्षकांच्या भेटीला येणार आहे. Gen Z च्या बदलत्या विश्वाची झलक दाखवणाऱ्या या चित्रपटाचा पहिला पोस्टर नुकताच प्रदर्शित करण्यात आला आहे. वेगळं आणि उत्सुकता निर्माण करणारं शीर्षक, त्याला साजेसं दृश्यविश्व आणि तरुणाईशी थेट संवाद साधणारी मांडणी यामुळे ‘मॅगझिन’ने प्रदर्शनापूर्वीच लक्ष वेधून घेतलं आहे.    ‘मॅगझिन’ ही केवळ Gen Z ची गोष्ट नाही; तर Gen Z ला समजून घेण्याचा आणि तिच्या माध्यमातून जुन्या-नव्या पिढ्यांमधला संवाद घडवून आणण्याचा प्रयत्न आहे. आजची तरुण पिढी आपल्या करिअरच्या, नात्यांच्या आणि आयुष्याच्या वेगवेगळ्या वाटा निवडत असताना ‘घर’, ‘आपली माणसं’ आणि ‘आपली मुळं’ यांच्याशी तिचं नातं नेमकं कसं बदलतं, याचा भावनिक वेध चित्रपट घेणार असल्याचे संकेत मिळतात. सोशल मीडिया, सतत बदलणारी जीवनशैली आणि स्वतः...

आध्यात्म, गूढरहस्य आणि थरारक ॲक्शनचा अनोखा मिलाफ साधणाऱ्या ‘देवघर ऑन रेंट’ या आगामी मराठी चित्रपटाची उत्सुकता आता शिगेला पोहोचली आहे. शीर्षक जाहीर झाल्यापासूनच आपल्या हटके विषयामुळे चर्चेच्या केंद्रस्थानी असलेल्या या चित्रपटाचा टिझर प्रेक्षकांच्या भेटीला आला आहे. टिझरनेही प्रेक्षकांची उत्कंठा चांगलीच वाढवली आहे. टिझरमध्ये दाटून आलेले गूढ वातावरण, रहस्याच्या छायेत सुरू असलेला पोलिसांचा तपास, अंगावर काटा आणणाऱ्या रक्तरंजित घटनांचे संकेत आणि देवाच्या दाराशी येऊन थांबणारे अनाकलनीय कथानक यांची प्रभावी झलक पाहायला मिळते. ‘देवघर ऑन रेंट’ हा चित्रपट २५ सप्टेंबर २०२६ रोजी महाराष्ट्रासह बेळगाव, हैदराबाद, इंदूर आणि बडोदा येथे प्रदर्शित होणार आहे. आनंदी पिक्चर्स अमरावती प्रस्तुत आणि राधाकृष्ण प्रोडक्शन निर्मित या चित्रपटाची निर्मिती सचिन रोडे पाटील आणि पूनम चौधरी पाटील यांनी केली आहे. बहुचर्चित आगामी 'महाराष्ट्र एपस्टीन फाइल्स' या मराठी चित्रपटाचे दिग्दर्शक स्वरूप सावंत यांनी 'देवघर ऑन रेंट'चे दिग्दर्शन केले आहे. या चित्रपटाची संकल्पना पूनम चौधरी पाटील यांची असून कथा-पट...

 महाराष्ट्राच्या समृद्ध चित्रपट परंपरेचा गौरव करणारा ६२ वा महाराष्ट्र राज्य मराठी चित्रपट पुरस्कार सोहळा बुधवार, दि. ९ सप्टेंबर २०२६ रोजी सायंकाळी ६ वाजता प्रभादेवी येथील रवींद्र नाट्य मंदिर येथे आयोजित करण्यात आला आहे. महाराष्ट्र शासनाच्या सांस्कृतिक कार्य विभागाच्या वतीने आणि महाराष्ट्र चित्रपट, रंगभूमी व सांस्कृतिक विकास महामंडळाच्या आयोजनाने होणाऱ्या या सोहळ्यात मराठी चित्रपटसृष्टीतील उल्लेखनीय योगदानाचा गौरव करण्यासोबतच चित्रपती कै. व्ही. शांताराम तसेच स्व. राज कपूर यांच्या स्मृतिप्रीत्यर्थ जीवनगौरव आणि विशेष योगदान पुरस्कारांचेही वितरण करण्यात येणार आहे.    या सोहळ्यात चित्रपटसृष्टीतील उल्लेखनीय योगदानाबद्दल ज्येष्ठ संगीतकार पं. हृदयनाथ मंगेशकर यांना चित्रपती व्ही. शांताराम जीवनगौरव पुरस्कार, तर अभिनेते-दिग्दर्शक प्रसाद ओक यांना चित्रपती व्ही. शांताराम विशेष योगदान पुरस्कार प्रदान करण्यात येणार आहे. तसेच ज्येष्ठ लेखक सलीम खान यांना राज कपूर जीवनगौरव पुरस्कार, तर अभिनेत्री राणी मुखर्जी यांना राज कपूर विशेष योगदान पुरस्कार देऊन गौरविण्यात येणार आहे.    राज्य...

दहीहंडीच्या उत्साहात आता बॉलिवूडची ‘बेबी डॉल’ सनी लिओनी देखील मराठमोळ्या अंदाजात थिरकताना दिसणार आहे. ‘द महाराष्ट्र फाईल्स’ या चित्रपटातील बहुचर्चित ‘शांताबाई’ हे गाणे नुकतेच प्रेक्षकांच्या भेटीला आले असून, या गाण्यात सनी लिओनीचा भन्नाट मराठमोळा अंदाज पाहायला मिळत आहे. ‘शांताबाई’च्या तालावर मंगेश देसाई, सयाजी शिंदे आणि प्रणवराव राणे यांच्यासह कलाकारांचा दमदार परफॉर्मन्स पाहायला मिळणार असून, गाण्याची जोशपूर्ण लय आणि उत्साही नृत्य हे या गाण्याचे खास आकर्षण आहे. दहीहंडीच्या पार्श्वभूमीवर मटका फोडण्याचा उत्साह आणि ‘शांताबाई’चा झकास अंदाज यामुळे हे गाणे सणाच्या वातावरणात रंगत आणणारे ठरणार आहे. या धमाकेदार गाण्याचे संगीत, गीत आणि गायन संजय लोंढे यांनी केले आहे. गाण्याचा पूर्ण व्हिडिओ SKR Music and Movies या अधिकृत यूट्यूब चॅनेलवर प्रदर्शित झाला असून, हे गाणे सर्व प्रमुख संगीत आणि स्ट्रीमिंग प्लॅटफॉर्मवर उपलब्ध आहे. ‘द महाराष्ट्र फाईल्स’* मध्ये उषा नाडकर्णी, मंगेश देसाई, वीणा जामकर, सयाजी शिंदे, नागेश भोसले, सुनील गोडसे, सनी लिओनी, सपना चौधरी, आर्यन राठोड, गौतमी पाटील आणि मंगली या...

नेहमी प्रवाहापेक्षा वेगळ्या वाटेने जाणाऱ्या चित्रपटांद्वारे विविधांगी विषय रसिकांसमोर सादर करणारे राष्ट्रीय पुरस्कार विजेते दिग्दर्शक सुजय डहाके यांचे दिग्दर्शन तसेच पॅनोरमा स्टुडिओज, कल्ट डिजिटल आणि प्रकाश फिल्म्स यांच्या धोरणात्मक भागीदारीअंतर्गत निर्मिती या चित्रपटाला लाभली आहे. या चित्रपटातील 'बागड बागड...' हे महत्त्वपूर्ण गाणे रसिक दरबारी सादर झाले आहे. अर्थपूर्ण शब्दरचना, सुमधूर संगीत, लयबद्ध चाल आणि मनाला भिडणारे सूर यांचा संगम या गाण्यात जाणवतो. 'तुझ्या आयला' हा चित्रपट २५ सप्टेंबर रोजी प्रदर्शित होणार आहे. चित्रपटाच्या कथेला गती प्रदान करण्यासाठी गाण्याची भूमिका महत्त्वाची ठरते. नुकतेच प्रदर्शित झालेले 'तुझ्या आयला' या चित्रपटातील 'बागड बागड...' हे गाणेही कथानकात अतिशय महत्त्वाच्या वळणावर येते. गायक-संगीतकार अवधूत गुप्ते यांनी गायलेले 'बागड बागड...' हे गाणे गीतकार मंदार चोळकर यांच्या लेखणीतून आकाराला आले आहे. मराठी सिनेसृष्टीतील आघाडीचे संगीतकार वरुण लिखते यांनी या गाण्याला संगीतसाज चढवला आहे. 'बागड बागड...' हे गाणे झ...

रिक्षाच्या मागे दिसणारी ‘बुरी नजरवाले.. तेरा मुँह काला’ ही ओळ प्रत्येकाने वाचली असेल…पण ‘दशमी’ या आगामी मराठी चित्रपटामध्ये हीच ओळ जेव्हा भन्नाट ठेक्यावर ऐकू येते, तेव्हा पावलं आपोआप थिरकायला लागतात! देसी शब्दांचा तडका, नशा चढवणारा ठेका, नकाश अझीझचा जोशपूर्ण आवाज आणि सुरेश पंडित यांचं दमदार संगीत यामुळे हे गाणं ‘दशमी’चं खास आकर्षण ठरणार आहे.  ‘दुनियेवर राज करेल दिलवाला, बुरी नजरवाले..तेरा मुँह काला’ हे गाणं चित्रपटाला एक वेगळीच एनर्जी देणार असून, या गाण्यात अभिनेत्री गौरी इंगवले, राज कुंदन, अभिनेते मकरंद अनासपुरे, विजय निकम या गाण्यावर भन्नाट ठेका धरताना दिसणार आहेत. हे गाणं प्रेक्षकांना नक्कीच ताल धरायला भाग पाडणार आहे. वैभव देशमुख यांनी हे गाणं लिहिलं आहे. ‘दशमी’ चित्रपटातील गीते ‘व्हिडिओ पॅलेस’ने प्रकाशित केली आहेत.   रिक्षांवरच्या भन्नाट लिखाणाला सिनेमाच्या पडद्यावर नवा रंग देणारं हे गाणं प्रेक्षकांसाठी खास आकर्षण ठरणार आहे. मराठी चित्रपटसृष्टीत आपल्या वेगळ्या विषयांमुळे चर्चेत असलेला ‘दशमी’आता एका हटके गाण्यामुळे प्रेक्षकांचे लक्ष वेधून घेत आहे. केएनके बॉ...

मराठी सिनेमांकडे हिंदी कलाकारांचा वाढता ओढा सध्या चर्चेचा विषय ठरतोय. आता या यादीत आणखी एका लोकप्रिय हिंदी कलाकाराचं नाव जोडलं जाणार आहे. हिंदीपासून दाक्षिणात्य चित्रपटसृष्टीपर्यंतचा प्रदीर्घ प्रवास केलेले अभिनेता रजत बेदी आता मराठी सिनेमाशी जोडले गेले आहेत. रजत बेदी हे आगामी मराठी चित्रपट ‘बंधू’ चित्रपटाचे प्रस्तुतकर्ते असून, या चित्रपटाच्या निमित्ताने बेदी कुटुंबाचा मराठी चित्रपटसृष्टीशी नवा ऋणानुबंध जुळला आहे.  हिंदी चित्रपटसृष्टीतील दिग्गज बेदी कुटुंबाचा समृद्ध वारसा आता मराठी सिनेमात पाहायला मिळणार आहे. प्रसिद्ध दिग्दर्शक-निर्माते नरेंद्र बेदी यांचे पुत्र आणि ज्येष्ठ उर्दू साहित्यिक, पटकथाकार व दिग्दर्शक राजिंदर सिंह बेदी यांचे नातू रजत बेदी मराठी चित्रपटसृष्टीत नवे पर्व सुरू करण्यासाठी सज्ज झाले आहेत. ‘मधुमती’, ‘अभिमान’, ‘अनुपमा’, ‘सत्यकाम’, देवदास’, ‘एक चादर मैली सी’ यांसारख्या गाजलेल्या चित्रपटांच्या लेखनातून राजिंदर सिंह बेदी यांनी हिंदी सिनेमाला समृद्ध केले. भारतीय चित्रपटसृष्टीतील योगदानासाठी त्यांना ‘पद्मश्री’ पुरस्काराने सन्मानित करण्यात आले होते, तर नरेंद्...

 रंगभूमीची मध्यवर्ती संघटना असलेली अखिल भारतीय मराठी नाट्य परिषद, मध्यवर्ती मुंबई आयोजित, अखिल भारतीय मराठी नाट्य संमेलनानिमित्त सुरू झालेला 'नाट्यकलेचा जागर' भव्य राज्यस्तरीय खुल्या एकांकिका स्पर्धा महोत्सवात सलग तिसऱ्या वर्षी देखील 'नाट्य परिषद करंडक' रूपात आयोजित करण्यात आला आहे असे परिषदेचे अध्यक्ष श्री. प्रशांत दामले यांनी सांगितले. महाराष्ट्रातील सर्व जिल्ह्यातील कलावंत, नाट्यकर्मींसाठी हा स्पर्धात्मक महोत्सव राज्यस्तरावर आयोजित केला असून या स्पर्धांमध्ये महाराष्ट्रातील सर्व कलावंतांनी भाग घ्यावा असे आवाहन उपाध्यक्ष (उपक्रम) श्री. भाऊसाहेब भोईर यांनी केले आहे. मागील वर्षी हा स्पर्धात्मक महोत्सव महाराष्ट्रातील विविध केंद्रांवर यशस्वीरित्या सादर झाला. मागील वर्षी २५८ एकांकिका या महोत्सवात सादर झाल्या, अंतिम फेरीत निवड झालेल्या कलावंतांसाठी नाट्य कार्यशाळेचे आयोजन करण्यात आले, नाट्यक्षेत्रातील दिग्गज दिग्दर्शक, अभिनेते, अभिनेत्री यांनी गावोगावी जाऊन हे शिबिर घेतले. यामुळे अंतिम फेरीतील एकांकिका दर्जेदार झाल्या आणि यातून मागील वर्षी नाट्य परिषद करंडक स्पर्...

‘सायको रंगा’ या आगामी चित्रपटाचा नवीन टीझर प्रदर्शित झाला असून पहिल्या टीझरनंतर आता चित्रपटाच्या कथानकातील महत्त्वाच्या व्यक्तिरेखांची ओळख प्रेक्षकांना होत आहे. या टीझरमध्ये रंगाच्या आयुष्यातील संघर्ष व त्याच्यासोबत असलेल्या आणि त्याच्या आयुष्यात महत्त्वाची भूमिका बजावणाऱ्या व्यक्तिरेखांमुळे कथेला नेमकं कोणतं वळण मिळणार, याची उत्सुकता निर्माण झाली आहे. या टीझरमधून रंगाच्या आयुष्याची आणि त्याच्याभोवतीच्या व्यक्तिरेखांची ओळख होते. सुबोध भावे, देवेंद्र चौगुले, मिलिंद शिंदे, पुष्कर जोग, जान्हवी किल्लेकर, स्मिता गोंदकर, संजय मोहिते (दादू), आनंद काळे, उमेश बोळके, रंजना कुलकर्णी, अमोल नाईक, अनिल राबाडे, एन. डी. चौगुले, सचिन मोरे आणि प्रकाश धोत्रे या कलाकारांच्या व्यक्तिरेखाही टीझरमध्ये पाहायला मिळतात. प्रत्येक पात्राची कथेत असलेली भूमिका आणि रंगासोबत त्यांचं नातं नेमकं काय आहे, हे चित्रपट पाहिल्यावरच स्पष्ट होणार आहे. त्यामुळे कलाकारांची मोठी फळी ही ‘सायको रंगा’च्या कथानकातील महत्त्वाची बाजू ठरणार आहे. दिग्दर्शक, लेखक व निर्माते देवेंद्र चौगुले म्हणतात, “‘सायको रंगा’मधून प्रेक्षका...