"शब्दप्रभू कीर्तनकारांविषयी निवेदनातून व्यक्त होणं ही एक पर्वणीच' दीप्ती भागवत आणि क्षितीश दाते यांचेही जुळले सूर.....


 
१८ ऑक्टोबरच्या सायंकाळी झी टॉकीज वाहिनीतर्फे किर्तनकारांचा गौरव करण्यात आला. पुणे येथील गणेश कला क्रीडा मंच येथे हा सोहळा सायंकाळी ६ वाजता साजरा झाला. यावेळी महाराष्ट्रातील किर्तनकारांचा सन्मान करण्यात आला. यावेळी मराठी सिनेमा क्षेत्रातील मान्यवर सुबोध भावे , हार्दिक जोशी , भाऊ कदम असे अनेक नामवंत कलाकार उपस्थित होते. हा सोहळा २७ नोव्हेंबर रोजी दुपारी १२ आणि सायंकाळी ६ वाजता झी टॉकीज वाहिनीवर उत्सव कीर्तनाचा गौरव कीर्तनकारांचा हो सोहळा प्रक्षेपित केला जाणार आहे ज्याचा आनंद प्रेक्षक घेऊ शकणार आहेत. या सोहळयाचे निवेदन दीप्ती भागवत आणि क्षितीश दाते यांनी केलं आहे. साहजिकच महाराष्ट्रातील प्रसिध्द कीर्तनकारांच्या सन्मानार्थ आयोजित सोहळ्याची सूत्रं गुंफण्याचा आनंद आणि आव्हान पेलण्यात दीप्ती आणि क्षितीश यांनी बाजी मारली आहे.
झी टॉकीज वाहिनीवरील गजर कीर्तनाचा या कार्यक्रमाचं नित्य निवेदन दीप्ती भागवत करतच असते पण ज्या मंचावर महाराष्ट्रातील नावाजलेले कीर्तनकार एकत्र असणार आहेत, ज्यांच्या शब्दप्राविण्याने अख्खा महाराष्ट्र प्रभावित होत असतो त्या कीर्तनकारांसमोर निवेदनातून कार्यक्रमाची बांधणी करत असताना दीप्तीने अर्थातच खूप तयारी केली. दीप्तीला या सोहळयाच्या निवेदनासाठी साथ मिळाली ती अभिनेता क्षितीश दाते याची. निवेदक म्हणून एकमेकांशी समरस होत दीप्ती आणि क्षितीश यांनी या कार्यक्रमाच्या निवेदनाला श्रवणीय प्रवाही बनवले.
दीप्ती सांगते,  “एकतर रोजच्या एपिसोडचं निवेदन करणं आणि उत्सव कीर्तनाचा गौरव कीर्तनकारांचा या विशेष सोहळ्याचं निवेदन करणं यात नक्कीच फरक होता. मुळात कीर्तनकारांचा सन्मान असा प्रयोग पहिल्यांदाच होत आहे. झी टॉकीजने यासाठी घेतलेला पुढाकार कौतुकास्पद आहे. कीर्तन, प्रवचन म्हणजे धार्मिक कार्यक्रम हा समज असू शकतो. गावागावात किर्तनाचे कार्यक्रम होत असतात आणि कीर्तनकार त्यांच्या वाणीने श्रोत्यांना खिळवून ठेवत असतात. पण या कीर्तनातून समाजातील कितीतरी चुकीच्या गोष्टींवर बोट ठेवण्याचं काम केलं जात असतं. जागृती करण्यासाठी कीर्तनकार त्यांच्या कलेचा योग्य वापर करत असतात.  अशा कीर्तनकारांना एका मंचावर आणून त्यांचा सन्मान करणाऱ्या सोहळ्याचं निवेदन करताना मला खूप शिकायला मिळालं. फार मोठमोठे कीर्तनकार माझ्या समोर होते. एखादा छोटासा विचारही शब्द, उपमा यांच्या माध्यमातून मांडण्याची ताकद असलेल्या कीर्तनकारांविषयी बोलणं, कधी त्यांचा परिचय करून देणं तर कधी त्यांच्या कीर्तनशैलीचं विशेषत्व सांगणं ही माझ्यातील निवेदिकेसाठी खरोखरच एक पर्वणी होती.”
क्षितीश दाते आणि दीप्ती भागवत यांनी या सोहळ्याची सूत्रं खूप छान गुंफली आहेत. उत्सव कीर्तनाचा गौरव कीर्तनकारांचा या कार्यक्रमाच्या दोन बाजू आहेत. मंचावर महाराष्ट्रातील प्रख्यात कीर्तनकारांचा गौरवही झाला आणि या निमित्ताने कीर्तनाचा उत्सवही झाला. शिवाय नंदेश उमप यांच्या गाण्यांची सुरेल साथ होती. अनेक कलाकारांनी त्यांची कला सादर केली. या सगळ्या सोहळयाला मनोरंजन आणि माहिती यांच्या धाग्यात गुंफणारी निवेदनशैली दीप्ती आणि क्षितीश यांनी अप्रतिम साकारली आहे.हा सोहळा  २७ नोव्हेंबर रोजी दुपारी १२ आणि सायंकाळी ६ वाजता झी टॉकीज वर प्रेक्षकांना पहायला मिळणार आहे .

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

अद्वैत मसूरकर दिग्दर्शित 'छबी' चित्रपट २५ एप्रिलला.....अभिनेता समीर धर्माधिकारी, अभिनेते मकरंद देशपांडे यांची मध्यवर्ती भूमिका

इमेज
   प्रत्येक फोटोमागे एक गोष्ट असते तशी प्रत्येक फोटोग्राफरचीही एक गोष्ट असते. अशाच फोटोग्राफर्सची रंजक गोष्ट "छबी" या चित्रपटातून उलगडणार आहे. अद्वैत मसूरकर दिग्दर्शित, तगडी स्टारकास्ट असलेला हा चित्रपट २५ एप्रिलला चित्रपटगृहात प्रदर्शित होणार आहे.नुकतेच या चित्रपटाचे पोस्टर सोशल मीडियावर लॉन्च करण्यात आले.        केके फिल्म्स क्रिएशन, उप्स डिजिटल एंटरटेन्मेेंट यांनी छबी या चित्रपटाची निर्मिती केली आहे. जया तलक्षी छेडा निर्माता  आहेत. चित्रपटाचं लेखन आणि दिग्दर्शन अद्वैत मसूरकर यांच असून त्यांचा दिग्दर्शक म्हणून पहिलाच चित्रपट आहे. चित्रपटात ध्रुव छेडा, सृष्टी बाहेकर, अनघा अतुल, रोहित लाड, ज्ञानेश कदम, अपूर्वा कवडे  या नव्या दमाच्या कलाकारांसह अभिनेता समीर धर्माधिकारी, अभिनेते मकरंद देशपांडे, अभिनेत्री शुभांगी गोखले, राजन भिसे, जयवंत वाडकर,संकेत मोरे, संजय कुलकर्णी, लीना पंडित असे अनुभवी कलाकार आहेत. त्यामुळे चित्रपटाची अभिनयाची बाजू खणखणीत आहे यात शंका नाही.    कोकणातील गावात फोटोग्राफर असलेल्या  फोटोग्राफरची एक रंजक कथ...
अधिक वाचा

"अंकुश" चित्रपटातून प्रसिद्ध व्यावसायिक राजाभाऊ आप्पाराव घुले यांचे सिनेनिर्मितीत पदार्पण.

इमेज
     "अंकुश" या आगामी चित्रपटातून श्री राजाभाऊ आप्पाराव घुले मराठी सिनेसृष्टीत निर्माते म्हणून पदार्पणासाठी आता सज्ज झाले आहेत. ओमकार फिल्म्स क्रिएशन या निर्मिती संस्थेच्या अंतर्गत "अंकुश"या चित्रपटाची निर्मिति झाली असून येत्या ६ ऑक्टोबरला हा चित्रपट संपूर्ण महाराष्ट्रात प्रदर्शित होणार आहे. आता लवकरच या चित्रपटाचे टिझर पोस्टर सोशल मीडियावर लॉन्च करण्यात येणार आहे. .     अतिशय रोमहर्षक साहसदृश्य आणि एक आगळी वेगळी प्रेमकहाणी यांचा मिलाप आणि त्यातून सामाजिक संदेश या चित्रपटात असणार आहे, तगडी स्टार कास्टिंग आणि दिग्गज तंत्रज्ञ यांना घेऊन आपल्या पहिल्याच निर्मितीत राजाभाऊ आप्पाराव घुले यांनी एक बिगबजेट चित्रपट निर्मित केलेला आहे, या चित्रपटाबरोबर ते निर्माता म्हणून सिनेसृष्टीत पदार्पण करत आहेत, केवळ एकच चित्रपट न करता मराठी,हिंदी सिनेसृष्टीत वेगवेगळे  मनोरंजक आणि बिगबजेट चित्रपटांची निर्मिती करण्याचे प्रसिद्ध निर्माते श्री. राजाभाऊ आप्पाराव घुले यांचा मनोदय आहे.       ओमकार फिल्म्स क्रिएशन अंतर्गत नव्याने सुरु होणाऱ्या निर्म...
अधिक वाचा

समाजासाठी झुंजार लढा देणाऱ्या ‘युवानेता’ चित्रपटाचा पोस्टर झाला लॉंच...

इमेज
राजकारणात फक्त रस असून चालत नाही, तर समाजभान असणं गरजेचं असतं. समाजासाठी उभा राहिलेल्या एका तरुण कार्यकर्त्याच्या भोवती फिरणाऱ्या ‘युवानेता’ चित्रपटाचा १५ जुलै २०२४ रोजी सोशल मीडियावर पोस्टर लॉंच झाला आहे. पोस्टर सोशल मिडियावर तरूणांना आकर्षित करत असून मोठ्या प्रमाणात शेअर होत आहे.  प्रकाश फिल्म्स प्रस्तुत ‘युवानेता’ चित्रपट योगेश रमेश जाधव यांनी दिग्दर्शित केला आहे. राजू राठोड आणि जगदीश कुमावत यांनी चित्रपटाची निर्मिती केली आहे. चित्रपट लवकरच संपूर्ण महाराष्ट्रात प्रदर्शित होणार आहे.      पोस्टरमध्ये लाखोंच्या संख्येत असणारा समाज रस्त्यावर उतरला आहे. हातात झेंडे घेऊन जणू झोपलेल्या प्रस्थापितांना जागं करण्यासाठी मोर्चा निघालेला आहे. तळागाळातून आलेला एक तरुण हात उंचावून संपूर्ण समाजाचं नेतृत्व करताना दिसत आहे. ‘सभेत सतरंज्या उचलणारा कार्यकर्ता की युवानेता?’ असा प्रश्न करून पोस्टरने चित्रपटाबद्दल कमालीची उत्सुकता वाढवली आहे.
अधिक वाचा