इंदुरीकर महाराजांच्या किर्तन रंगी रंगणार झी टॉकीजचे प्रेक्षक.



 महाराष्ट्राला लाभलेल्या अनेक परंपरांपैकी एक आहे ती कीर्तनाची परंपरा. समाजप्रबोधनाची कोणतीही माध्यमं नव्हती तेव्हापासून लोकजागृतीचे प्रभावी माध्यम म्हणून कीर्तनकारांची ओळख आहे. आजच्या जगातही कीर्तनातून समाजातील अनेक घडामोडींवर भाष्य करत कीर्तनकार समाजाचे मनोरंजन आणि प्रबोधन करत आहेत. कीर्तनाचे हेच रंग झी टॉकीज या वाहिनीने प्रेक्षकांसाठी घरबसल्या अनुभवण्यासाठी आणले आहेत. झी टॉकीज नेहमीच परंपरा आणि मनोरंजन यांचा मेळ साधत असते. कीर्तन परंपरेचा वारसा जपणाऱ्या कीर्तनकारांना व्यासपीठ देण्यासाठी झी टॉकीजवर नाचू कीर्तनाचे रंगी हा कार्यक्रम सादर केला जातो. याच कार्यक्रमात रविवार दि. २६ नोव्हेंबरला प्रसिध्द कीर्तनकार इंदुरीकर महाराज त्यांच्या खास शैलीतून प्रेक्षकांना भेटायला येणार आहेत. दुपारी १२ आणि सायंकाळी ६ वाजता झी टॉकीजवर नाचू कीर्तनाचे रंगी हा कार्यक्रम सादर होणार आहे. यंदा २३ नोव्हेंबरला कार्तिकी एकादशी साजरी होत आहे. महाराष्ट्रात खूप मोठी संत परंपरा स आहे .वारकरी संप्रदायाची पंढरी म्हणून महाराष्ट्राची ओळख आहे. संत साहित्य, प्रवचन ,कीर्तन यामधून लोकांचे मनोरंजन आणि प्रबोधन करणाऱ्या कीर्तनकारांचा वारसा आजही समर्थपणे चालवला जातो. प्रसिद्ध कीर्तनकार इंदुरीकर महाराज हे यापैकीच एक महत्त्वाचं नाव. इंदुरीकर महाराज त्यांच्या शैलीने आणि मिश्किल सादरीकरणाने श्रोत्यांना नेहमीच मंत्रमुग्ध करतात. इंदुरीकर महाराजांचे कीर्तन ऐकण्यासाठी अनेक श्रोत्यांचे कान आतुर झालेले असतात. इंदुरीकर महाराजांच्या कार्य बाहुल्यामुळे त्यांचे कीर्तन ऐकण्याची संधी अनेक प्रेक्षकांच्या हातातून निसटून जाते पण आता हीच संधी झी टॉकीज ने सर्व प्रेक्षकांना घरबसल्या दिली आहे. 

कार्तिकी एकादशीच्या निमित्ताने इंदुरीकर महाराज यांच्या कीर्तनाचा आस्वाद आता झी टॉकीज च्या प्रेक्षकांना घरबसल्या घेता येणार आहे येणार आहे. कधी कोपरखळी मारत, विनोदाची पेरणी करत तर कधी चिमटे घेत इंदुरीकर महाराज कीर्तनातून आयुष्यातील, रोजच्या जगण्यातील, अनुभवांतील अशा काही गोष्टी कीर्तनाच्या माध्यमातून सांगतात की ऐकणारी व्यक्ती हसता हसता अंतर्मुख झाल्याशिवाय राहत नाही. इंदुरीकर महाराज यांची समाजातील घडामोडींवर भाष्य करणारे परखड कीर्तनकार अशी ओळख तर आहेच पण त्याचबरोबर इंदुरीकर महाराज कीर्तनासोबत त्यांच्या गावात एक असं काम करतात की ते ऐकून त्यांच्याविषयी आदर अधिकच वाढतो.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

अद्वैत मसूरकर दिग्दर्शित 'छबी' चित्रपट २५ एप्रिलला.....अभिनेता समीर धर्माधिकारी, अभिनेते मकरंद देशपांडे यांची मध्यवर्ती भूमिका

इमेज
   प्रत्येक फोटोमागे एक गोष्ट असते तशी प्रत्येक फोटोग्राफरचीही एक गोष्ट असते. अशाच फोटोग्राफर्सची रंजक गोष्ट "छबी" या चित्रपटातून उलगडणार आहे. अद्वैत मसूरकर दिग्दर्शित, तगडी स्टारकास्ट असलेला हा चित्रपट २५ एप्रिलला चित्रपटगृहात प्रदर्शित होणार आहे.नुकतेच या चित्रपटाचे पोस्टर सोशल मीडियावर लॉन्च करण्यात आले.        केके फिल्म्स क्रिएशन, उप्स डिजिटल एंटरटेन्मेेंट यांनी छबी या चित्रपटाची निर्मिती केली आहे. जया तलक्षी छेडा निर्माता  आहेत. चित्रपटाचं लेखन आणि दिग्दर्शन अद्वैत मसूरकर यांच असून त्यांचा दिग्दर्शक म्हणून पहिलाच चित्रपट आहे. चित्रपटात ध्रुव छेडा, सृष्टी बाहेकर, अनघा अतुल, रोहित लाड, ज्ञानेश कदम, अपूर्वा कवडे  या नव्या दमाच्या कलाकारांसह अभिनेता समीर धर्माधिकारी, अभिनेते मकरंद देशपांडे, अभिनेत्री शुभांगी गोखले, राजन भिसे, जयवंत वाडकर,संकेत मोरे, संजय कुलकर्णी, लीना पंडित असे अनुभवी कलाकार आहेत. त्यामुळे चित्रपटाची अभिनयाची बाजू खणखणीत आहे यात शंका नाही.    कोकणातील गावात फोटोग्राफर असलेल्या  फोटोग्राफरची एक रंजक कथ...
अधिक वाचा

"अंकुश" चित्रपटातून प्रसिद्ध व्यावसायिक राजाभाऊ आप्पाराव घुले यांचे सिनेनिर्मितीत पदार्पण.

इमेज
     "अंकुश" या आगामी चित्रपटातून श्री राजाभाऊ आप्पाराव घुले मराठी सिनेसृष्टीत निर्माते म्हणून पदार्पणासाठी आता सज्ज झाले आहेत. ओमकार फिल्म्स क्रिएशन या निर्मिती संस्थेच्या अंतर्गत "अंकुश"या चित्रपटाची निर्मिति झाली असून येत्या ६ ऑक्टोबरला हा चित्रपट संपूर्ण महाराष्ट्रात प्रदर्शित होणार आहे. आता लवकरच या चित्रपटाचे टिझर पोस्टर सोशल मीडियावर लॉन्च करण्यात येणार आहे. .     अतिशय रोमहर्षक साहसदृश्य आणि एक आगळी वेगळी प्रेमकहाणी यांचा मिलाप आणि त्यातून सामाजिक संदेश या चित्रपटात असणार आहे, तगडी स्टार कास्टिंग आणि दिग्गज तंत्रज्ञ यांना घेऊन आपल्या पहिल्याच निर्मितीत राजाभाऊ आप्पाराव घुले यांनी एक बिगबजेट चित्रपट निर्मित केलेला आहे, या चित्रपटाबरोबर ते निर्माता म्हणून सिनेसृष्टीत पदार्पण करत आहेत, केवळ एकच चित्रपट न करता मराठी,हिंदी सिनेसृष्टीत वेगवेगळे  मनोरंजक आणि बिगबजेट चित्रपटांची निर्मिती करण्याचे प्रसिद्ध निर्माते श्री. राजाभाऊ आप्पाराव घुले यांचा मनोदय आहे.       ओमकार फिल्म्स क्रिएशन अंतर्गत नव्याने सुरु होणाऱ्या निर्म...
अधिक वाचा

समाजासाठी झुंजार लढा देणाऱ्या ‘युवानेता’ चित्रपटाचा पोस्टर झाला लॉंच...

इमेज
राजकारणात फक्त रस असून चालत नाही, तर समाजभान असणं गरजेचं असतं. समाजासाठी उभा राहिलेल्या एका तरुण कार्यकर्त्याच्या भोवती फिरणाऱ्या ‘युवानेता’ चित्रपटाचा १५ जुलै २०२४ रोजी सोशल मीडियावर पोस्टर लॉंच झाला आहे. पोस्टर सोशल मिडियावर तरूणांना आकर्षित करत असून मोठ्या प्रमाणात शेअर होत आहे.  प्रकाश फिल्म्स प्रस्तुत ‘युवानेता’ चित्रपट योगेश रमेश जाधव यांनी दिग्दर्शित केला आहे. राजू राठोड आणि जगदीश कुमावत यांनी चित्रपटाची निर्मिती केली आहे. चित्रपट लवकरच संपूर्ण महाराष्ट्रात प्रदर्शित होणार आहे.      पोस्टरमध्ये लाखोंच्या संख्येत असणारा समाज रस्त्यावर उतरला आहे. हातात झेंडे घेऊन जणू झोपलेल्या प्रस्थापितांना जागं करण्यासाठी मोर्चा निघालेला आहे. तळागाळातून आलेला एक तरुण हात उंचावून संपूर्ण समाजाचं नेतृत्व करताना दिसत आहे. ‘सभेत सतरंज्या उचलणारा कार्यकर्ता की युवानेता?’ असा प्रश्न करून पोस्टरने चित्रपटाबद्दल कमालीची उत्सुकता वाढवली आहे.
अधिक वाचा