‘रमा राघव’च्या प्रेमाचा रोमांचक प्रवास..

कलर्स मराठीवरील रमा राघव मालिकेतील रमा राघवच्या जोडीला प्रेक्षकांची चांगलीच पसंती मिळतेय. या लोकप्रिय जोडीने सर्वांची मन जिंकली आहेत. 

                   नुकतेच या मालिकेत रमा राघवने सूर्याच्या व आठवणींच्या साक्षीने अनोखे लग्न केले. या दोघांच्या नात्याला राघवच्या घरच्यांनी स्वीकारलं पण त्याच्या आबांना म्हणजेच गजानन गुरुजींना रमा आणि राघवच लग्न मान्य नाही आहे. दुसरीकडे रमाच्या घरच्यांचा ही या दोघांच्या लग्नाला सक्त विरोध असून गिरीश परांजपेंनी माझी मुलगी मेली असे घोषित केलं. आता ह्या पुढे रमा राघवचा प्रवास कसा असेल? दोघे ही आपापल्या घरच्या वडीलधाऱ्यांची मन जिंकू शकतील का? … याबरोबरीने एकीकडे प्रेक्षक याची ही वाट पाहत आहेत कि रमा राघवचं वैदिक पद्धतीने लग्न कधी होईल? आणि दोघांच्या घरचे त्यांचं नातं मान्य करून रमा राघवचे वैदिक पद्धतीने लग्न लावून देतील का? एकूण उत्कंठावर्धक टप्प्यावर रमा राघवचा प्रवास सुरू आहे.