'सांस्कृतिक कलादर्पण'चा बाळ धुरी व उषा नाईक यांना सर्वश्रेष्ठ कलागौरव पुरस्कार

 

     चंद्रशेखर सांडवे प्रतिष्ठानच्या सांस्कृतिक कलादर्पणच्या वतीने दरवर्षी चित्रपट, रंगभूमी या कलाक्षेत्रातील मान्यवरांचा विविध पुरस्कारांने गौरव करण्यात येतो. २०२४ च्या याच संस्थेच्या 'सर्वश्रेष्ठ कलागौरव पुरस्कारा'साठी अभिनेता बाळ धुरी व उषा नाईक यांना एका भव्य मनोरंजन सोहळ्यात गौरविण्यात येणार आहे.

या सोहळ्याचे आयोजन मे महिन्यात होणार आहे. बाळ धुरी व उषा नाईक हे तब्बल पाच दशके मराठी मनोरंजन क्षेत्रात कार्यरत आहेत. त्यांनी आपल्या अष्टपैलू कर्तृत्वाचा विशेष ठसा उमटवला असून त्याचे विशेष कौतुक करण्यासाठी व त्यांच्या चौफेर कामाची दखल घेऊन हा पुरस्कार त्यांना प्रदान करण्यात येणार आहे.असे अध्यक्ष चंद्रशेखर सांडवे आणि सचिव सुनील खेडेकर यांनी कळवले आहे.