अरुण नलावडेच्या हस्ते कवितासंग्रहाचे प्रकाशन.
'दिवे लागणीच्या वेळी' या ग्रंथाली प्रकाशित आणि श्री जगदीश आचरेकर लिखित काव्यसंग्रहाचा प्रकाशन सोहळा दिनांक १४ सप्टेंबर २०२३ रोजी, एमआयजी क्लब, बांद्रा येथे संपन्न झाला. या कार्यक्रमाचे प्रमुख पाहुणे म्हणून मराठीतील सुप्रसिद्ध दिग्दर्शक आणि अभिनेते श्री अरुण नलावडे, डी. वाय. पाटील विद्यापीठाचे अध्यक्ष श्री विजय पाटील आणि ग्रंथालीचे विश्वस्त श्री सुदेश हिंगलासपूरकर हे उपस्थित होते.
या कविता संग्रहाच्या प्रकाशनाच्या सोहळ्यात प्रेक्षकांना संबोधित करताना विजय पाटील यांनी, घरी आईमुळे झालेल्या मराठी भाषेच्या संस्काराचा आवर्जून उल्लेख केला, तर अरुण नलावडे यांनी कविता संग्रहाचे प्रकाशन माझ्या हातून होते आहे हा खूप मोठा आनंद आहे असे सांगितले. जगदीश आचरेकर यांनी अत्यंत भावविवश शब्दांत आपले मनोगत मांडताना सर्व स्नेहयांविषयी आत्मीयता व्यक्त केली.
कार्यक्रमाचे सूत्रसंचालन ग्रंथाली विश्वस्त डॉ. लतिका भानुशाली यांनी केले.
या प्रसंगी श्रीपाद हळबे, डॉ. पी. व्ही. शेट्टी, अजिंक्य नाईक, नवीन शेट्टी, रवी मांद्रेकर, रत्नाकर शेट्टी, गोपाल कोळी, नदीम मेनन, प्रवीण बर्वे, ओमकार मालडीकर, संदीप विचारे, शाह आलम शेख, अरमान मलिक, अभय हडप, मंगेश साटम, श्रीकांत तिगडी, खोदादाद येझगिरी, प्रमोद यादव, गौरव पयाडे इत्यादि मान्यवरांचा खास सत्कार या प्रसंगी करण्यात आला
Comments
Post a Comment