chirantan 'चिरंतन'

 महाराष्ट्र चित्रपट, रंगभूमी आणि सांस्कृतिक विकास महामंडळाने निर्मित व प्रकाशित केलेल्या ‘चित्रपताका’ या पहिल्या त्रैमासिकाचे प्रकाशन बुधवार, १ एप्रिल २०२६ रोजी संपादक तथा व्यवस्थापकीय संचालक स्वाती म्हसे पाटील यांच्या हस्ते करण्यात आले. ‘आंतरराष्ट्रीय महिला दिन’या विषयावर आधारित हे मासिक असून जानेवारी ते मार्च या तीन महिन्याच्या अंकात मराठी चित्रपटसृष्टीतील स्त्रीविश्व, स्त्रीप्रतिमा आणि स्त्रीच्या सर्जनशील सहभागाचा वेध घेणारे लेख समाविष्ट केले आहेत.    सिनेमा हा केवळ मनोरंजनाचा उद्योग नसून तो समाजाच्या भावविश्वाचा आरसा आहे. म्हणूनच या माध्यमाभोवती घडणाऱ्या चर्चांना आणि विचारमंथनाला एक सर्जनशील व्यासपीठ उपलब्ध करून देणे आवश्यक आहे. त्यादृष्टीने सिनेमा या व्यापक कलामाध्यमाभोवती घडणारे विचारप्रवाह, त्यासंबंधीचे अनुभव आणि स्मृती यांविषयीचा रचनात्मक संवाद घडावा या उद्देशाने महाराष्ट्र चित्रपट, रंगभूमी आणि सांस्कृतिक विकास महामंडळाकडून ‘चित्रपताका’ हे त्रैमासिक सुरू करण्यात आले आहे. या त्रैमासिकाच्या माध्यमातून    चित्रपटसृष्टीतील बदलते प्रवाह, नव्या पिढ...

दादासाहेब फाळके चित्रनगरी तर्फे राबविण्यात येणाऱ्या ‘एक खिडकी प्रणाली २.०’ या अभिनव उपक्रमाला प्रतिष्ठेचा ‘स्कॉच गोल्ड पुरस्कार’ नवी दिल्ली येथे प्रदान करण्यात आला. यानिमित्ताने महामंडळाच्या व्यवस्थापकीय संचालक स्वाती म्हसे पाटील आणि सह व्यवस्थापकीय संचालक प्रशांत साजणीकर यांनी अधिकारी-कर्मचारी यांचे अभिनंदन केले.     चित्रपट, मालिका, जाहिराती आणि इतर ऑडिओ-व्हिज्युअल प्रकल्पांच्या चित्रीकरणासाठी लागणाऱ्या विविध परवानग्या एकाच ठिकाणी आणि जलदगतीने उपलब्ध करून देण्यासाठी २०१८ मध्ये महामंडळाच्या कलागरे विभागामार्फत ‘एक खिडकी प्रणाली’ ही नाविन्यपूर्ण योजना सुरु करण्यात आली. महामंडळाच्या व्यवस्थापकीय संचालक स्वाती म्हसे-पाटील यांच्या नेतृत्वाखाली या प्रणालीचे अद्ययावत रूप ‘एक खिडकी प्रणाली २.०’ विकसित करण्यात आले. या नव्या प्रणालीमुळे परवानगी प्रक्रिया अधिक सुलभ, पारदर्शक आणि वेळेची बचत करणारी ठरली असून ती आता संपूर्ण महाराष्ट्रात राबविण्यात येत आहे. त्यामुळे मुंबईपुरते मर्यादित न राहता संपूर्ण राज्यात चित्रीकरण सुलभ झाले असून महाराष्ट्राला चित्रपट आणि मनोरंजन उद्यो...