chirantan 'चिरंतन'

   लोहा फाउंडेशनच्या वतीने, फिट इंडिया मूव्हमेंट अंतर्गत स्पोर्ट्स अथॉरिटी ऑफ इंडिया (SAI) यांच्या सहकार्याने आयोजित करण्यात आलेली राईड टू एमपॉवर – मुंबई सायक्लोथॉन 2025 आज सकाळी एमएमआरडीए ग्राउंड्स, बांद्रा कुर्ला कॉम्प्लेक्स (BKC) येथे 6,000 हून अधिक सायकलस्वारांच्या भव्य उपस्थितीत यशस्वीरीत्या पार पडली. या कार्यक्रमात प्रथमच सायकल चालवणारे, सायकलिंगप्रेमी, कुटुंबीय तसेच परा-खेळाडू मोठ्या संख्येने सहभागी झाले आणि मानसिक आरोग्य जनजागृतीसाठी एकजुटीचा सशक्त संदेश दिला. बॉलिवूड अभिनेता व फिटनेस आयकॉन सुनील शेट्टी, ज्येष्ठ अभिनेता जॅकी श्रॉफ, श्री कृष्णा प्रकाश (IPS), ADG फोर्स वन, प्लॅनिंग अँड कोऑर्डिनेशन आणि अभिनेत्री महिमा चौधरी यांनी हिरवा झेंडा दाखवून या सायक्लोथॉनची सुरुवात केली, ज्यामुळे मानसिक आरोग्यास समर्पित या भव्य सामुदायिक राइडला प्रेरणादायी प्रारंभ मिळाला.     देशात, विशेषतः तरुणांमध्ये, मानसिक आरोग्याशी संबंधित समस्यांमध्ये मोठी वाढ होत असताना राईड टू एमपॉवर – मुंबई सायक्लोथॉन सारख्या जनउपक्रमांद्वारे मोठ्या प्रमाणावर जनजागृती साध्य केली जात आ...

  नेहमीच्या सादरीकरणापेक्षा काहीतरी नवीन आणि अविस्मरणीय अनुभव देणारा 'रिदम ऑन फायर' हा खास डान्सिकल कार्यक्रम प्रेक्षकांच्या भेटीला येत आहे. 'शिवमनी वर्ल्ड एंटरटेनमेंट' निर्मित आणि मानसी टाकणे यांची पहिली निर्मिती असलेला हा कार्यक्रम रंगभूमीवर नृत्य, प्रकाश आणि ध्वनी यांच्या समन्वयाने एक वेगळा प्रयोग सादर करणार आहे. डान्सिकलचा आगळावेगळा अनुभव आणि कलाकारांचे मनोगत या कार्यक्रमाचे सर्वात मोठे वैशिष्ट्य म्हणजे तो अत्यंत वेगळ्या पद्धतीने सादर होणार आहे आणि यात केवळ तीन कलाकार नृत्य सादर करणार आहेत. 'शिवमनी वर्ल्ड एंटरटेनमेंट' निर्मित आणि मानसी टाकणे यांची पहिली निर्मिती असलेला हा कार्यक्रम रंगभूमीवर नृत्य, प्रकाश आणि ध्वनी यांच्या समन्वयाने एक वेगळा प्रयोग सादर करणार आहे.शिवानी कथले यांनी सांगितले, "रिदम ऑन फायर डान्स शो खूप वेगळा आहे. यांची संकल्पना वेगळी आहे. असा शो आतापर्यंत पाहण्यात आला नसेल. या कार्यक्रमाची 'वर्ल्ड टूर' करण्याचं आमच्या संपूर्ण टीमचं स्वप्न आहे."   ‘रिदम ऑन फायर’ मध्ये लाईट्स आणि साऊंड या घटकांचे महत्व खूप मोठे आहे ...

    सुप्री मीडिया प्रस्तुत आणि कोक्लिको पिक्चर्स निर्मित ‘तिघी’ हा हृदयस्पर्शी आणि नात्यांच्या उबदार धाग्यांनी विणलेला चित्रपट येत्या महिला दिनी म्हणजेच ६ मार्च २०२६ रोजी प्रेक्षकांच्या भेटीला येत आहे. आई-मुलींच्या नात्यात दडलेल्या न सांगितलेल्या भावना, आठवणी आणि काही अंतर्मुख करणाऱ्या क्षणांवर आधारित ही कथा आहे. महिला दिनाच्या निमित्ताने प्रदर्शित होणाऱ्या या चित्रपटातून स्त्रीमनाच्या प्रवासाची झलक पाहायला मिळणार आहे. ‘तिघींच्या जगण्यातलं चौथं पान’ उलगडत असताना या तिघींमधलं नातं, त्यांचे आयुष्याकडे पाहाण्याचे दृष्टिकोन आणि बदलत्या काळातली भावनिक चढ-उतार यांचा सुंदर वेध दिग्दर्शिका जीजिविषा काळे यांनी घेतला आहे. ज्येष्ठ अभिनेत्री भारती आचरेकर यांच्यासह नेहा पेंडसे बायस व सोनाली कुलकर्णी या चित्रपटात दिसणार आहेत.  दिग्दर्शिका जीजिविषा काळे म्हणतात, “‘तिघी’ हा आई-मुलींच्या नात्याचा चित्रपट असून त्यांच्या आतल्या आवाजांचा प्रवास आहे. आपण ज्या भावना दैनंदिन आयुष्यात व्यक्त करू शकत नाही, त्या सगळ्या या कथेतून उलगडतात. येत्या महिला दिनाच्या निमित्ताने हा चित्रपट प्रे...

मराठी संस्कृतीचा अस्सल गंध, लोककलेचा थाट आणि आधुनिक जगण्याच्या नवनव्या छटा मांडणारा ‘गोंधळ’ हा चित्रपट अखेर आंतरराष्ट्रीय पातळीवरही आपली ताकद दाखवण्यात यशस्वी ठरला आहे. गोव्यात झालेल्या भारतीय सरकारच्या ५६व्या इंटरनॅशनल फिल्म फेस्टिव्हल ऑफ इंडिया (इफ्फी)मध्ये ‘गोंधळ’ने ‘सिल्व्हर पिकॅाक इंटरनॅशनल सेक्शन’मध्ये सर्वोत्कृष्ट दिग्दर्शकाचा पुरस्कार पटकावला आहे. गेल्या ५६ वर्षांत पहिल्यांदाच मराठी चित्रपटाला ‘सर्वोत्कृष्ट दिग्दर्शक’चा अवॉर्ड मिळाल्याने हा विजय अधिकच ऐतिहासिक ठरला आहे.    यंदा ‘इफ्फी’मध्ये ११३० चित्रपटांची नोंदणी करण्यात आली होती. त्यातील ५७० फिचर फिल्म्स होत्या. त्या चित्रपटांमधून हा ‘सर्वोत्कृष्ट दिग्दर्शका’चा अवॉर्ड ‘गोंधळ’ला मिळाला असून पंधरा लाख रुपये रोख आणि मानांकन असे या पुरस्काराचे स्वरूप आहे. हा सोहळा गोव्याचे मुख्यमंत्री प्रमोद सावंत, केंद्रीय माहिती व प्रसारण मंत्रालयाचे राज्यमंत्री डॅा. एल. मुरुगन, माहिती व प्रसारण मंत्रालयाचे सचिव संजय जाजू, माहिती आणि प्रसारण मंत्री अश्विनी वैष्णव, दाक्षिणात्य सुपरस्टार रजनीकांत, ऋषभ शेट्टी, रणबीर सिंग, नवाज...

  सध्या 'आईला माहीत असतं!'  या वाक्याने आणि 'हो आई!' या गाण्याने सगळीकडे चर्चेत असलेल्या 'उत्तर' या सिनेमाचा अप्रतिम ट्रेलर लॉन्च सोहळा सुप्रसिद्ध अभिनेत्री तनुजा आणि काजोल या मायलेकींच्या उपस्थितीत नुकताच पार पडला आणि सिनेमाबद्दलच्या अपेक्षा आणखी उंचावल्या. आई आणि मुलाच्या नात्याची आजच्या काळातील गोष्ट सांगणाऱ्या या चित्रपटाच्या ट्रेलर प्रदर्शनाच्या प्रसंगी काजोल आणि तनुजा यांनी प्रेक्षकांना 'आईसोबत' किंवा 'आईसाठी' हा सिनेमा पाहण्याचं प्रेमळ आवाहन सुद्धा केलं.     उत्तर चित्रपटाच्या या ट्रेलरचं मुख्य वैशिष्ट्य आहे ते प्रत्येक आई आणि मुलाला लागू होतील असे खुमासदार संवाद.यासोबतीनेच सुंदर चित्रीकरण आणि साउंडवर केलेली विशेष मेहनत ह्या सगळ्यानेच सिनेमाच्या ट्रेलरचा परिणाम अतिशय गहिरा झाला आणि प्रत्येकाचं मन आईबद्दलच्या सुंदर भावनांनी भरून गेलेलं दिसलं.     'उत्तर'मध्ये रेणुका शहाणे आईच्या तर अभिनय बेर्डे मुलाच्या भूमिकेत झळकणार आहेत. त्यांच्यासोबत ऋता दुर्गुळे आणि एका खास भूमिकेत निर्मिती सावंत सुद्धा दिसणार आहेत, या शिवाय पहिल्या...

मंत्रा व्हिजनच्या सहकार्याने थर्ड आय क्रिएटिव्ह फिल्म्स प्रस्तुत ‘मिस यू मिस्टर’ हा चित्रपट प्रेक्षकांच्या भेटीला येण्यासाठी सज्ज झाला आहे. नुकत्याच प्रदर्शित झालेल्या आकर्षक पोस्टरने चित्रपटाची उत्सुकता आणखीनच वाढवली आहे. पोस्टरकडे पाहाताच दोन वेगवेगळ्या देशात राहाणाऱ्या प्रेमिकांची छायाचित्रे नजरेत भरणारी आहेत. सिद्धार्थ चांदेकर आणि मृण्मयी देशपांडे हे फोनच्या हावभावातून संवाद साधताना दिसत असून त्या संवादांमागे काय दडलेलं आहे? लाँग डिस्टन्सचं नातं... कधी मनं जुळवणारं तर कधी मन पोखरणारं ? हा प्रश्न पोस्टर पाहाताच मनात घर करतो. दिग्दर्शक समीर हेमंत जोशी सांगतात, “‘मिस यू मिस्टर’ ही फक्त दोन शहरांची गोष्ट नाही,  ती दोन मनांची आहे. वेळेत आणि राहाण्याच्या ठिकाणांमध्ये अंतर पडलं तर नातं दुरावतं की अधिक स्थिरावतं ?  'मिस यू मिस्टर' याच चढउतारांची गोष्ट आहे.''  चित्रपटात मृण्मयी देशपांडे आणि सिद्धार्थ चांदेकर प्रमुख भूमिका साकारत असून त्यांच्या केमिस्ट्रीमुळे ही कथा प्रेक्षकांना अधिकच रिलेट होईल. या चित्रपटात राजन भिसे, सविता प्रभुणे, अविनाश नारकर, राधिका विद्यासा...

शाळेच्या आठवणींना पुन्हा उजाळा देणाऱ्या ‘क्रांतिज्योती विद्यालय - मराठी माध्यम’ या चित्रपटाचा टीझर नुकताच प्रदर्शित झाला असून त्याला प्रेक्षकांकडून भरभरून प्रतिसाद मिळत आहे. याच उत्साहात भर घालत दिग्दर्शक हेमंत ढोमे यांनी आपल्या सोशल मीडियावर 'क्रांतिज्योतीचे संगीत कारभारी...' अशी एक खास पोस्ट शेअर करत चित्रपटाच्या संगीत टीमची घोषणा केली. हेमंत ढोमे यांच्या पोस्टनंतर आता चित्रपटाबद्दलची चर्चा आणखीच वाढली आहे.     सध्या महाराष्ट्रात प्रचंड चर्चेत असलेल्या आणि लोककलेला मानाचा मुजरा देणाऱ्या आणि संपूर्ण राज्यभरात धुमाकूळ घालणाऱ्या ‘द फोल्क आख्यान’ या प्रभावी टीमकडे या चित्रपटाच्या संगीताची जबाबदारी सोपवण्यात आली आहे. त्यांच्या ठसकेबाज सादरीकरणाने आणि लोककलेला मांडण्याच्या शैलीमुळे त्यांनी प्रेक्षकांच्या मनात घर केले आहे. ‘क्रांतिज्योती विद्यालय - मराठी माध्यम’ हा त्यांचा पहिलाच चित्रपट असून, या चित्रपटासाठी त्यांनी खास पाच दमदार, खणखणीत आणि रंगतदार गाणी तयार केली आहेत. ‘द फोल्क आख्यान’च्या हर्ष-विजय यांनी संगीतबद्ध केलेल्या या गाण्यांना गीतकार ईश्वर ताराबाई अंधार...

     अनेक महिन्यांपासून उत्सुकता लागलेली "स्वयंभू प्रॉडक्शन" निर्मित 'समर्थयोगी' हा नवा सिनेमा २२डिसेंबर रोजी प्रदर्शित होणार आहे. चित्रपटाचे लेखन, दिग्दर्शन चंद्रशेखर सांडवे, निर्माते छबूबाई व्यंकटराव सांडवे, सहनिर्माते प्रकाश राणे आणि विवेक पर्वते, क्रिएटिव्ह डिरेक्टर तन्मय सांडवे,छायाचित्रण व संकलन रितेश पाटील,पोस्टर डिझाईन निखिल मालुसरे,कार्यकारी निर्माता सर्वेश सांडवे. वसईच्या भुईगावच्या स्वामी समर्थ मठावर आधारित ही कथा आहे.या चित्रपटात अशोक कुलकर्णी,अमित पाठक,सानिका मोजर, सुबोध पवार,प्रकाश राणे आणि चंद्रशेखर सांडवे यांनी भूमिका केल्या आहेत.

   'आफ्टर ओ.एल.सी' या मराठी ॲक्शन चित्रपटाबद्दल गेल्या काही दिवसांपासून खूप चर्चा सुरू होती. चित्रपटाचा ट्रेलर आल्यावर प्रेक्षकांची उत्सुकता आणखी वाढली होती. ट्रेलरमध्ये दाखवलेल्या ॲक्शन आणि थरारक सीनमुळे प्रेक्षकांना सिनेमा कधी पाहायला मिळणार ही उत्सुकता खूप होती. मात्र आता प्रेक्षकांना आता आणखी वेळ थांबावे लागणार आहे. कारण २८ नोव्हेंबरला रिलीज होणारा हा चित्रपट तांत्रिक कारणांमुळे पुढे ढकलण्यात आला आहे. चित्रपटाशी संबंधित महत्त्वाच्या प्रक्रिया पूर्ण झाल्यानंतर नवीन रिलीज तारीख लवकरच जाहीर केली जाईल. आणि नवीन अपडेट प्रेक्षकांना जितक्या लवकर शक्य होईल तितक्या लवकर सांगितली जाईल.    या चित्रपटात कवीश शेट्टी, मेघा शेट्टी, शिवानी सुर्वे, विराट मडके, अश्विनी चवरे यांसह अनेक मराठी कलाकारांची मोठी टीम दिसणार आहे. चित्रपटांची कथा थरार आणि रहस्यांनी भरलेली आहे. ट्रेलरमध्ये दिसलेल्या प्रसंगांमधूनच चित्रपटात अनेक रोमांचक गोष्टी असतील हे स्पष्ट झाले आहे. म्हणूनच ट्रेलर पाहिल्यानंतर प्रेक्षकांची उत्सुकता आणखी वाढली आहे. आता रिलीज डेट बदलल्यामुळे प्रेक्षकांना काही का...

मराठी प्रेक्षकांची उत्सुकता ताणून धरणारा अमोल शेटगे दिग्दर्शित, सचिन नाहर आणि अमोग मलाविया निर्मित ‘असा मी अशी मी’चा भव्य ट्रेलर प्रदर्शित झाला आहे. लंडनच्या मोहक लोकेशन्समध्ये घडणारी ही प्रेमकहाणी ग्लॅमर आणि भावनिक वळणांनी सजलेली आहे. ‘आसा मी अशी मी’ चित्रपटाचा बहुप्रतीक्षित ट्रेलर अखेर प्रदर्शित झाला असून या ट्रेलर ने एका प्रेमकथेला आंतरराष्ट्रीय उंची दिली आहे.  यूकेमधील भव्य लोकेशन्स, आंतरराष्ट्रीय तंत्रज्ञान, आलिशान प्रॉडक्शन व्हॅल्यू आणि मनाला भिडणारा रोमँस. या सर्वांचा मिलाफ असलेला हा चित्रपट निर्माता सचिन नाहर आणि अमोग मलाविया यांच्या मोठ्या दृष्टीकोनाची झलक दाखवतो.    या ट्रेलर मध्ये आपण पाहू शकतो अभिनेते अजिंक्य रमेश देव एक भारतीय फोटोग्राफरच्या भूमिकेत आहेत. देखणा, स्टायलिश आणि थोडासा कॅसानोव्हा स्वभावाचा. त्यांचं  व्यक्तिमत्त्व एकदम मोकळं, धडाडीचं आणि जीवनाचा पुरेपूर आनंद घेणारं दाखवलं आहे. तर दुसरीकडे अभिनेत्री तेजश्री प्रधान एक परिपक्व, स्थिर आणि स्वतःच्या स्वप्नांनी भरलेली मुलगी म्हणून दिसते जी लंडनमध्ये स्वतःची ट्रॅव्हल एजन्सी चालवते. लंडनच...

    उन्हाळ्यात चाखायला मिळणारी कैरी आता हिवाळ्यात चाखायला मिळणार म्हणून तुम्ही खुश आहात ना?, हो. आता तुम्हाला कळालंच असेल मराठी कलाकारांची मांदियाळी असलेला ‘कैरी’ हा सिनेमा येत्या १२ डिसेंबरला सिनेमागृहात प्रदर्शित होतोय आणि याची उत्सुकता तुम्हालाही लागून राहिली असेलच. बरं आता या उत्सुकतेत भर घालायला ‘कैरी’ सिनेमातील ‘नारळी पोफळीच्या बागा’ हे नवकोर रोमँटिक सॉंग साऱ्या रसिकांच्या मनावर राज्य करतंय. अल्पावधीतच या गाण्याला प्रेक्षकांनी डोक्यावर उचलून धरलंय. कारण कोकणातील वातावरणात शूट झालेल हे गाणं सध्या आपल्यालाही कोकणची आठवण करून देताना दिसत आहे.    या गाण्याची आणखी एक खासियत म्हणजे या गाण्यात मराठी सिनेसृष्टीतील दोन लोकप्रिय चेहरे दुसऱ्यांदा मोठ्या स्क्रीनवर एकत्र दिसणार आहेत. अभिनेत्री सायली संजीव आणि अभिनेता शशांक केतकर ही जोडी ‘कैरी’ या सिनेमातून पुन्हा एकदा मोठ्या पडद्यावर एकत्र पाहायला मिळणार आहे. तर कैरी' या चित्रपटात अभिनेते सुबोध भावे, सिद्धार्थ जाधव, अरुण नलावडे, सुलभा आर्या हे दिग्गज कलाकारही मुख्य भूमिकेत असल्याचे दिसतंय. ‘नारळी पोफळीच्या बागा’...

जनरल एज्युकेशन इन्स्टिट्यूटच्या छबिलदास हायस्कूल, दादर आणि मराठी विज्ञान परिषद यांच्या संयुक्त विद्यमाने राबविण्यात येणाऱ्या “नवनिर्मिती विचार क्षमता निर्माण करणे” या अभिनव उपक्रमाचा भव्य उद्घाटन सोहळा आज उत्साहात पार पडला.कार्यक्रमाचे उद्घाटन पद्मविभूषण डॉ. अनिल काकोडकर यांनी केले . डॉ. काकोडकर यांनी या प्रसंगी विद्यार्थ्यांमधील परीक्षणाची तयारी आणि वैज्ञानिक दृष्टिकोन यांचे महत्त्व अधोरेखित केले.    “इनोव्हेशन स्किल हा शब्द वापरण्यापेक्षा त्याचा मुळ गाभा समजून घेणे अत्यावश्यक आहे. सायंटिफिक टेम्पर जोपासणे हे प्रत्येक भारतीयाचे कर्तव्य आहे. फक्त विज्ञान शिकून वैज्ञानिक दृष्टिकोन मिळत नाही, विचारांची पद्धत वैज्ञानिक असणे महत्त्वाचे आहे. समाजाची प्रगती केवळ ज्ञानाने नव्हे तर तर्कशुद्ध विचारांनीच होते,” असे त्यांनी स्पष्ट केले. तसेच, “विद्यार्थ्यांमध्ये वैज्ञानिक वृत्ती रुजविण्यासाठी असा उपक्रम हाती घेतल्याबद्दल 'जनरल एज्युकेशन इन्स्टिट्यूट' (GEI) आणि 'मराठी विज्ञान परिषदे'चे मनःपूर्वक अभिनंदन,” असे त्यांनी गौरवोदगार काढले. पद्मभूषण प्रा. ज्येष्ठराज जोशी यांनी...

   रविवार २३ नोव्हेंबर रात्री ८.३०वा. गडकरी रंगायतन,  ठाणे येथील चिरंजीव परफेक्ट बिघडलाय नाटकाच्या प्रयोगाला रसिक प्रेक्षकांचा जोरदार प्रतिसाद मिळाला. नाटकातील एका प्रसंगामध्ये कलाकार श्रेयस जोशी आणि वैभव रंधवे यांच्या जुगलबंदीला प्रेक्षकांनी वन्समोअर अशी दाद दिली. दोघेही व्यावसायिक रंगभूमीवर नवीन असल्यामुळे त्यांना अश्या प्रकारची दाद मिळाल्यावर ते गोंधळून गेले त्यांना काय करावे ते क्षणभर कळले नाही,  त्यांनी नाटक तसेच पुढे सुरू ठेवले.    रसिक प्रेक्षक नाटक संपल्यावर आत मेकरूम मध्ये त्यांना भेटायला आले. ‘चिरंजीव परफेक्ट बिघडलाय’ नाटकाच्या प्रयोगावर ते सगळेच खूप खूष होते आणि त्यांनी त्या दोघांना विनंती केली की, ‘या पुढील प्रयोगांमध्ये जर तुम्हाला तुमच्या गाण्यांना प्रेक्षकांनी वन्समोअर दिला तर तो तुम्ही नक्की घ्या’.    तुम्ही तिघेही अतिशय छान कामं करत आहात.  आम्हा प्रेक्षकांना तुमची ही फ्रेश लूक मधली कॉमेडी बघून खूप मज्जा आली. आम्ही हे नाटक खूप एन्जॉय केलं. त्यांनी नाटकातील कलाकारांना पुढील प्रयोगांना आणि त्यांच्या यशस्वी वाटचालीला ...

   मराठी रंगभूमीवर एक विनोदी, हृदयस्पर्शी आणि नातेसंबंधांचा वेध घेणारं नाटक ‘शंकर-जयकिशन’ लवकरच नाट्यरसिकांच्या भेटीला येत आहे. वडिल- मुलीचे गुंतागुंतीचे नाते, वर्षानुवर्षे दडलेली कटुता आणि अचानक जीवनात घडलेल्या अनपेक्षित व्यक्तीच्या आगमनाने बदलणारे समीकरण अशी या नाटकाची कथा आहे. कथानकात वडिल मुलीच्या नात्यात कोणी तिसरा येतो. त्याच्या येण्यामागंच नेमकं कारण काय ? की त्याच्या आयुष्यात काही गूढ रहस्य दडलंय? याचं उत्तर नाट्यरसिकांना नाटक पाहूनच मिळणार आहे.  हे मजेदार, हटके आणि भावनिक नाटक विशेष ठरणार आहे, कारण पहिल्यांदाच भरत जाधव आणि महेश मांजरेकर हे दोन प्रभावी कलाकार रंगभूमीवर एकत्र दिसणार आहेत. त्यातही महेश मांजरेकर तब्बल २९ वर्षांनंतर रंगभूमीवर पुनरागमन करत आहेत. त्यामुळे महेश मांजरेकर यांच्यासाठीही आणि प्रेक्षकांसाठीही हा एक खास क्षण असणार आहे.  दिग्दर्शक सुरज पारसनीस म्हणतात, ‘’हे नाटक फक्त हसवणारं नाही तर नात्यांमधल्या अदृश्य धाग्यांना भिडणारं आहे. मैत्री आणि पित्याच्या नात्याची वेगळी बाजू यातून प्रेक्षकांसमोर येईल.”   निर्माते, अभिनेते भारत जाध...

 ५६व्या आंतरराष्ट्रीय भारतीय चित्रपट महोत्सव म्हणजेच 'इफ्फी' सध्या गोव्यात मोठ्या दिमाखात सुरू आहे. भारतीय सिनेसृष्टीतील दिग्गज कलाकार-तंत्रज्ञांच्या उपस्थितीमुळे 'इफ्फी'ने सर्वांचे लक्ष वेधले आहे. देश-विदेशांतील विविध भाषांमधील चित्रपटांसोबत महाराष्ट्राच्या लाल मातीतील मराठी चित्रपटही जगभरातील सिनेप्रेमी आणि समीक्षकांवर मोहिनी घालत आहेत. यामध्ये 'दृश्य-अदृश्य' याआगळ्यावेगळ्या विषयावर आधारलेल्या मराठी चित्रपटाने प्रेक्षकांवर जणू जादू केली आहे. नुकतेच 'इफ्फी'मध्ये झालेल्या 'दृश्य-अदृश्य' चित्रपटाच्या शोला प्रेक्षकांनी उत्स्फूर्त प्रतिसाद देत कौतुक केले.    आरएसटी कॅनव्हास निर्मित आणि मिलिंद लेले दिग्दर्शित ‘दृश्य-अदृश्य’ या सस्पेन्स थ्रिलर चित्रपटाची निवड प्रतिष्ठित आंतरराष्ट्रीय चित्रपट महोत्सवासाठी झाल्यापासून सगळीकडे या चित्रपटाची चर्चा रंगू लागली आहे. प्रद्योत पेंढारकर, अनिल वर्खडे, दत्ताजी थोरात, धनंजय थोरात, पृथ्वीराज खेडकर, युवराज खेडकर आणि अश्विनी खेडकर यांनी या चित्रपटाची निर्मिती केली आहे. मिलिंद लेले यांनी या चित्रपटाचे दिग्...

   मराठी शाळांची घटती संख्या, खालावलेली पटसंख्या आणि मातृभाषेतील शिक्षणाची कमी होत जाणारी आवड… या सगळ्या पार्श्वभूमीवर अलीकडेच हेमंत ढोमे लिखित, दिग्दर्शित  ‘क्रांतिज्योती विद्यालय - मराठी माध्यम’ या चित्रपटाची घोषणा करण्यात आली. मराठी शाळांच्या अस्तित्वाच्या लढ्याला अधोरेखित करणाऱ्या या चित्रपटाचा प्रचंड मनोरंजक असा टीझर आता प्रेक्षकांच्या भेटीला आला आहे. हेमंत ढोमे यांचे विषय हे नेहमीच तुमच्या आमच्या घरातले असतात आणि म्हणूनच ते प्रेक्षकांना अधिक जवळचे वाटतात. त्यामुळे आता या चित्रपटात पुन्हा एकदा प्रत्येकाच्या आयुष्यात आलेली शाळा आणि मग त्या काळातल्या सगळ्या आठवणी पाहायला मिळणार हे नक्की. हा चित्रपट प्रेक्षागृहात आपलं मनोरंजन करणार यावर या टीझरने शिक्कामोर्तब केल्यामुळे प्रेक्षकांमध्ये प्रचंड उत्सुकता निर्माण झाली आहे.     टीझरमध्ये दिसतेय की, मराठी शाळा बंद होण्याच्या संकटात सापडली असताना, जुने विद्यार्थी अनेक वर्षांनी पुन्हा एकत्र येऊन शाळेला भेट देतात. या भेटीनंतर सुरू होते ती, त्यांच्या शाळेतील आठवणींची, नात्यांची आणि शाळेप्रती असलेल्या प्...

ज. ए. इ. छबिलदास हायस्कूल, दादर व मराठी विज्ञान परिषद यांच्या संयुक्त विद्यमाने आयोजित केलेल्या “नवनिर्मित विचार क्षमता निर्माण करणे” या अभिनव उपक्रमाच्या उद्घाटन सोहळ्याची घोषणा करण्यात आली आहे. या उपक्रमाचे उद्घाटन पद्मविभूषण डॉ. अनिल काकोडकर यांच्या हस्ते मंगळवार, २५ नोव्हेंबर २०२५ रोजी सकाळी ११ वाजता छबिलदास हायस्कूलच्या सभागृहात होणार आहे. या सोहळ्याला पद्मभूषण प्रा. ज्येष्ठराज जोशी प्रमुख पाहुणे म्हणून उपस्थित राहणार असून, विशेष अतिथी म्हणून मुंबई विभागाचे शिक्षण संचालक श्री. राजेश कंकाळ तसेच जनरल एज्युकेशन इन्स्टिट्यूटचे अध्यक्ष डॉ. उल्हास कोल्हटकर हे विशेष अतिथी म्हणून उपस्थित राहणार आहेत.   “दादर परिसरातील सर्व विज्ञान शिक्षकांनी या उपक्रमास मोठ्या संख्येने उपस्थित राहून विद्यार्थ्यांमध्ये वैज्ञानिक दृष्टिकोन विकासासाठी हातभार लावावा,” असे आवाहन ज. ए. इ. चे कार्याध्यक्ष श्री. शैलेंद्र साळवी यांनी आवाहन केले.   “अशा उपक्रमांमुळे विद्यार्थ्यांमध्ये नवोन्मेषी विचारांची आणि वैज्ञानिक दृष्टिकोनाची जडणघडण होते; विज्ञाननिष्ठ समाजनिर्मितीसाठी हे पाऊल महत्त्वाचे आह...

  महाराष्ट्रातील असंख्य ठिकाण चित्रीकरणासाठी अनुकूल असल्याने महाराष्ट्रातील चित्रीकरण स्थळांना कायमच चित्रपटकर्मीकडून मागणी असते. त्यामुळे आता कॅमेरा टू क्लाउड अशी संपूर्ण व्यवस्था निर्माण  करण्यासाठी दादासाहेब फाळके चित्रनगरी कटिबद्ध असून त्यादृष्टीने वेगवेगळे उपक्रम सक्षमपणे राबवले जात आहेत, असे प्रतिपादन महाराष्ट्र चित्रपट रंगभूमी आणि सांस्कृतिक विकास महामंडळाच्या व्यवस्थापकीय संचालक स्वाती म्हसे पाटील यांनी केले. ५६ व्या आंतरराष्ट्रीय चित्रपट महोत्सवाच्या बाजार विभागातील परिसंवादात त्या बोलत होत्या.    'दादासाहेब फाळके चित्रनगरी केवळ चित्रिकरणासाठी जागा देत नाही तर मराठी सिनेमाला पाठबळ देण्यासाठी अर्थसहाय्य करते, मराठी सिनेमा सातासमुद्रपार जावा यासाठी विविध आंतरराष्ट्रीय महोत्सवांच्या बाजार विभागात सहभागी होते, मराठी चित्रपटाला व्यासपीठ मिळावं यासाठी  चित्रपताका हा आंतरराष्ट्रीय दर्जाचा मराठी चित्रपट महोत्सव देखील आयोजित करण्यात येतो. त्याचबरोबर चित्रपट रसास्वाद उपक्रमातून चित्रपट रसिक निर्माण करण्याचा प्रयत्न करण्यात येत आहे. थोडक्यात चित्रपट नि...

    पणजी: देशविदेशातील चित्रपटकर्मी, भारतीय प्रादेशिक चित्रपट आणि कलाकार, तंत्रज्ञ अशा मान्यवरांच्या उपस्थितीने ५६ वा भारतीय आंतरराष्ट्रीय चित्रपट महोत्सव गजबजून निघाला आहे. या महोत्सवात सगळ्यांचे लक्ष वेधून घेणाऱ्या वेव्हज फिल्म बाजार विभागात शनिवारी दादासाहेब फाळके चित्रनगरीने उभारलेल्या आकर्षक स्टॉलचे उद्घाटन करण्यात आले. महाराष्ट्र चित्रपट, रंगभूमी आणि सांस्कृतिक विकास महामंडळाच्या व्यवस्थापकीय संचालक स्वाती म्हसे पाटील यांनी या स्टॉलचे उद्घाटन केले. मराठी चित्रपटांबरोबरच हिंदी चित्रपट, मालिका आणि विविध माध्यमांसाठी चित्रिकरणाच्या सोयीसुविधांबरोबरच चित्रपट उद्योगाच्या विकासाच्या दृष्टीने कार्यरत असलेल्या महामंडळाच्या योजना, त्यांचे उपक्रम या महोत्सवात उपस्थित असलेल्या जगभरातील चित्रपटकर्मींपर्यंत पोहोचवण्याचा प्रयत्न या स्टॉलच्या माध्यमातून करण्यात येत आहे.     महाराष्ट्र चित्रपट, रंगभूमी आणि सांस्कृतिक विकास महामंडळ गेली काही वर्ष सातत्याने कान आंतरराष्ट्रीय चित्रपट महोत्सवासह देशातील आणि देशाबाहेरील निवडक आंतरराष्ट्रीय चित्रपट महोत्सवात सहभागी ...

   अभिनयाने प्रेक्षकांची मनं जिंकून घेतलेले आणि लेखक-दिग्दर्शक म्हणूनही आपली वेगळी ओळख निर्माण केलेले अष्टपैलू कलाकार हृषिकेश जोशी हे रंगभूमीवर पुन्हा एकदा एका नव्या आणि अत्यंत रंजक विषयावर आधारित नाटक घेऊन येत आहेत. ‘अमरदीप + कल्पकला + सृजन थिएटर्स’ निर्मित, रसिकराज प्रकाशित आणि ‘सेरेंडिपिटी आर्ट्स’ च्या सौजन्याने साकारलेले हे नवे नाटक म्हणजे ‘बोलविता धनी’. नांदी नाटकानंतर हृषिकेश जोशी यांचे लेखक-दिग्दर्शक म्हणून हे दुसरे मोठे नाटक असून, या प्रयोगाची उत्सुकता शिगेला पोहोचली आहे.         हृषिकेश जोशी यांनी हे नाटक वर्तमान सांस्कृतिक, समाजकारण आणि राजकारण यावर मार्मिक भाष्य करणारे असल्याचे सांगितले आहे. एनएसडीच्या फॉर्मर डिरेक्टर अनुराधा कपूर यांनी 'गोष्ट संयुक्त मानापनाची' या नाटकाचा प्रयोग पाहिल्यानंतर हृषिकेश यांना या नाटकाच्या विषयावर लेखन करण्याची कल्पना सुचवली. विनोदाचा आणि वास्तवतेचा सुरेख संगम 'बोलविता धनी' हे केवळ भाष्य करणारे नाटक नसून, ते एक रंजक आणि परिपूर्ण मनोरंजन आहे. यात भरपूर विनोद आहे, उत्तम ड्रामा आहे, एक सुंदर लव्हस्टोरी आहे आ...

   पणजी दि :२१  भारतीय चित्रपट, तंत्रज्ञ आणि देशोदेशीचे निर्माते, चित्रपट यांच्यात व्यवसायाच्या दृष्टीने संवाद घडवून आणणाऱ्या इफ्फी फिल्म बाजारमध्ये गेली दहा वर्ष सातत्याने दादासाहेब फाळके चित्रनगरीने सहभाग घेतला आहे. यंदा गोवा येथे सुरू असलेल्या ५६ व्या भारतीय आंतरराष्ट्रीय चित्रपट महोत्सवात वेव्हज फिल्म बाजारमध्ये महाराष्ट्र चित्रपट, रंगभूमी आणि सांस्कृतिक विकास महामंडळाने सहभाग घेतला  असून येथे श्री गणेशा आणि मुक्काम पोस्ट देवाच घर या दोन चित्रपटांचे प्रदर्शन करण्यात आले.    मराठी चित्रपटांना आंतरराष्ट्रीय व्यासपीठ उपलब्ध व्हावे या करिता महाराष्ट्र चित्रपट,रंगभूमी आणि सांस्कृतिक विकास महामंडळातर्फे विविध आंतरराष्ट्रीय चित्रपट महोत्सवांमध्ये सहभागी घेतला जातो. गोव्यात होणाऱ्या भारतीय आंतरराष्ट्रीय चित्रपट महोत्सवातील सहभागाचे हे अकरावे वर्ष आहे. अशा प्रकारे सातत्याने या आंतरराष्ट्रीय चित्रपट महोत्सवात सहभाग घेऊन मराठी चित्रपटांना आंतरराष्ट्रीय स्तरावर ओळख मिळावी यासाठी प्रयत्नशील असलेले महाराष्ट्र हे महत्त्वाचे राज्य ठरले आहे. यंदा संकेत माने...

‘राइड टू एमपॉवर मुंबई सायक्लोथॉन २०२५’ हा उपक्रम यावर्षी मोठ्या प्रमाणात आयोजित केला जात असून, मुंबईकरांना फिटनेस, मानसिक आरोग्य आणि पर्यावरण या तिन्ही विषयांबद्दल जागरूक करण्याचे उद्दिष्ट ठेवण्यात आले आहे. या निमित्ताने सलमान खान यांनी खास संदेश देत मुंबईकरांना सहभागी होण्याचे आवाहन केले आहे. सलमान खान म्हणाले –  “Mumbai, gear up! Join us for the Ride to Mpower Mumbai Cyclothon on 30th November at MMRDA Ground, BKC Bandra. Ride for purpose and better mental health and fitness, and be part of the movement for a greener, healthier city. Join a Ride to Mpower Mumbai Cyclothon - for every reel turns a change.”   हा उपक्रम लोहा फाउंडेशन तर्फे, फिट इंडिया मूव्हमेंट आणि क्रीडा प्राधिकरण भारत (एस.ए.आय.) यांच्या सहकार्याने आयोजित करण्यात आला आहे. यामागील मुख्य हेतू - मानसिक आरोग्याविषयी जागरूकता वाढवणे आणि “शारीरिक तंदुरुस्तीइतकेच मानसिक आरोग्य महत्त्वाचे” हा संदेश लोकांपर्यंत पोहोचवणे. मानसिक आरोग्य क्षेत्रात कार्यरत असलेले एमपॉवर (आदित्य बिरला एज्युकेशन ट्रस्ट) या उपक्रमासोबत कार्यर...

  ''बाई अडलीये… म्हणूनच ती नडलीये'' अशा प्रभावी टॅगलाईनसह येणाऱ्या ‘आशा’ या चित्रपटाचा टीझर नुकताच प्रदर्शित झाला असून, चित्रपट प्रदर्शनाची तारीखही जाहीर करण्यात आली आहे. येत्या १९ डिसेंबरला ‘आशा’ प्रेक्षकांच्या भेटीला येणार आहे.  Bbप्रदर्शनाआधीच या चित्रपटाने आपली ताकद सिद्ध केली आहे. ६१व्या महाराष्ट्र राज्य मराठी चित्रपट पुरस्कार सोहळ्यात तब्बल चार पुरस्कार मिळवत ‘आशा’ने समीक्षकांची दाद मिळवली आहे. त्यामुळे या चित्रपटाबद्दलची उत्सुकता आणखीनच वाढली आहे.    ‘आशा’मध्ये महिलांची झगडणारी दुनिया, त्यांचा आत्मविश्वास आणि समाजाप्रती असलेली जबाबदारी अतिशय भावस्पर्शी पद्धतीने मांडली आहे. या कथानकाच्या केंद्रस्थानी आहे आशा सेविका आणि ही भूमिका साकारत आहे रिंकू राजगुरू. या व्यक्तिरिक्त या चित्रपटात सायंकित कामत, उषा नाईक, शुभांगी भुजबळ, सुहास शिरसाट, दिशा दानडे, दिलीप घारे आणि हर्षा गुप्ते यांसारखे कलाकार महत्त्वपूर्ण भूमिकांमध्ये झळकणार आहेत.    रिंकूने साकारलेली 'आशा' ही फक्त आरोग्य यंत्रणेतील एक कर्मचारी नसून प्रत्येक महिला, प्रत्येक कुटुंबासाठी मार्गद...

‘असंभव’ चित्रपटातील नुकतंच  प्रदर्शित झालेलं ‘बहर नवा’ हे गीत प्रेक्षकांच्या मनात कोमल भावनांची एक सुरेल लहर निर्माण करतंय.  अभय जोधपूरकर आणि आनंदी जोशी यांनी स्वरबद्ध केलेल्या या गाण्यात क्षितिज पटवर्धन यांच्या शब्दांनी भावनांचे नाजूक रंग भरलेत. तर अमितराज यांच्या संगीताने या गाण्यात अप्रतिम साज चढवला आहे.  ८० च्या दशकातील या गाण्यात मुक्ता बर्वे आणि सचित पाटील यांच्या आयुष्यातील एक नवा प्रवास दिसत असून नवं नातं, नवी स्वप्नं, नव्या सुरुवातीची कोवळी चाहूल, एकमेकांवरील विश्वास, आणि नव्या आयुष्याची फुलणारी उमेद… हे सगळं एका मोहक दृश्यात बांधलं गेलंय. दोघांच्या नात्यातील दरवळ हळूहळू खुलत जाताना दिसतेय. प्रेम, आपुलकीचा स्पर्श आणि एकमेकांना समजून घेण्याची कोमल जाणीव गाण्याच्या प्रत्येक फ्रेममध्ये भावते. हे सगळं दिसत असतानाच प्रिया बापटची एंट्री गूढ निर्माण करणारी आहे. हा प्रेमाचा त्रिकोण आहे की आणखी काही ? ‘असंभव’च्या रहस्यप्रधान आणि थरारक कथानकात हे गाणं जणू एका शांत वाऱ्याची झुळूक आहे. दरम्यान, या सौम्य बहरामागे दडलेलं रहस्य कोणतं? नव्या नात्यात उमलणाऱ्या प्रेमाच...

   नेहमीच तरुणाईने इतिहास घडवला असल्याची साक्ष इतिहास देतो. कोणत्याही पिढीतील तरुणाईमध्ये समाजातील कोणत्याही क्षेत्रात क्रांती घडविण्याची धमक असते. यासाठी केवळ तरुणाईने एकजूट होण्याची गरज असते. समाजात बदल घडविण्याची अद्भुत शक्ती असलेल्या तरुणाईच्या संघर्षाची कथा 'निर्धार' या आगामी मराठी चित्रपटाद्वारे प्रेक्षकांसमोर येणार आहे. 'वंदे मातरम...' या सुमधूर गीतानंतर या चित्रपटाचा ट्रेलर प्रदर्शित करण्यात आला आहे. २८ नोव्हेंबर रोजी हा चित्रपट संपूर्ण महाराष्ट्रात प्रदर्शित होणार आहे.    निर्मात्या पद्मजा वालावलकर यांनी जयलक्ष्मी क्रिएशनच्या बॅनरखाली 'निर्धार' चित्रपटाची निर्मिती केली आहे. दिनानाथ वालावलकर यांनी लिहिलेल्या कथेवर चित्रपट बनविण्याची जबाबदारी दिग्दर्शक दिलीप भोपळे यांनी यशस्वीपणे पार पाडली आहे. 'निर्धार'ची कथा संघर्षाची असल्याचे सांगत चित्रपटाचा ट्रेलर सुरू होतो. हातात मशाली घेऊन धावणारे लोक आणि पेटलेली वस्ती दिसते. या चित्रपटातील लढा भ्रष्टाचाराविरोधी आहे. एकजुटीच्या क्रांतीची मशाल पेटलेली या चित्रपटात पाहायला मिळणार आहे. आगीत भस्मसात...

    आजकाल कोणत्या सिझनला काय काय बदल होतील सांगता येत नाही. हिवाळ्यात पाऊस, पावसाळ्यात गरमी हे सार सुरुच आहे. इतकंच काय आता तर मार्च -मेदरम्यान येणारी कैरीही डिसेंबरमध्ये पाहायला मिळणार आहे. ऐकून तुम्हीही गोंधळात ना?, हो. ‘कैरी’ हा मराठमोळा सिनेमा येत्या १२ डिसेंबरला संबंध महाराष्ट्रात प्रदर्शित होत आहे. नुकतंच या सिनेमाचं पोस्टर समोर आलं असून चित्रपटाची प्रदर्शनाची तारीख जाहीर करण्यात आली आहे. चित्रपटाच्या चित्रीकरणापासूनच या चित्रपटाची उत्सुकता होती. नॅशनल अवॉर्ड विनिंग दिग्दर्शक शंतनू गणेश रोडे यांचा रोमँटिक थ्रिलर ‘कैरी' हा सिनेमा येत्या १२ डिसेंबरला  प्रदर्शित होणार आहे. या सिनेमातून रोमँटिक थ्रिलर असा नेमका कोणता प्रवास पाहायला मिळणार याची उत्सुकता लागून राहिली आहे.      'कैरी' या चित्रपटात सायली संजीव, सुबोध भावे, सिद्धार्थ जाधव, शशांक केतकर, अरुण नलावडे, सुलभा आर्या हे कलाकार मुख्य भूमिकेत असल्याचे दिसतंय. दिग्दर्शक शंतनू रोडे पॉवरपॅक्ड  कलाकारांना ‘कैरी’ या चित्रपटातून प्रेक्षकांच्या भेटीस घेऊन आले आहेत. इतकंच नाहीतर या चित्रपटात स...

    काही व्यक्ती त्यांच्या कार्यकर्तृत्वाचा अमीट ठसा उमटवत जगतात. त्यांच्या जाण्यानंतरसुद्धा तो ठसा पुसला जात नाही. उलट त्यांच्या पाऊलखुणा कायमच राहतात. आपल्या बहुआयामी कलासाधनेने अवघ्या महाराष्ट्रावर मोहिनी घालत लोककलेचा वारसा सक्षमपणे  पुढे नेणारे महाराष्ट्र शिरोमणी लोकशाहीर विठ्ठल उमप यांची एक प्रतिभावंत लोकशाहीर ही ओळख कधीही विसरली जाणार नाही. भारूड, गोंधळ, पोवाडे अशा विविध लोकधारेने रसिकांची मने चिंब भिजवणारे शाहीर विठ्ठल उमप मराठी जनमानसांसह देश-विदेशात नावाजले गेले. लोकशाहीर, लोकगायक, गीतकार असं बहुआयामी व्यक्तिमत्त्व असलेल्या शाहीर विठ्ठल उमप यांच्या १५व्या स्मृतीदिनानिमित्त १५वा लोकशाहीर विठ्ठल उमप स्मृती संगीत समारोह व विठ्ठल उमप फाऊंडेशनचा ‘मृदगंध पुरस्कार’ वितरणाचा भव्य सोहळा बुधवार २६ नोव्हेंबरला रवींद्र नाट्यमंदिर येथे सायं. ६.०० वा. संपन्न होणार आहे.      कलाक्षेत्रातील प्रतिष्ठित व्यक्तींना विठ्ठल उमप फाउंडेशनचा 'मृदगंध पुरस्कार’ सन्मानपूर्वक प्रदान करण्यात येतो. यंदाच्या 'मृदगंध पुरस्कार २०२५’ पुरस्काराचे मानकरी ज्येष्ठ गझलनवाझ ...

   जागतिक पातळीवर मराठी सिनेमाची छाप उमटवण्याचा निर्धार केलेल्या निर्माते सचिन नाहर आणि अमोग मलाविया यांनी प्रेक्षकांसाठी एक हटके प्रोजेक्ट साकारला आहे. यूकेमध्ये शूट झालेला नवा मराठी चित्रपठ ‘असा मी अशी मी’ हा त्यांच्या कल्पकतेचा आणि मेहनतीचा उल्लेखनीय नमुना आहे. या सिनेमाचा पोस्टर नुकताच रिलीझ झाला. पोस्टर वर असलेले कलाकार तेजश्री प्रधान आणि अजिंक्य रमेश देव यांचा डॅशिंग लूक प्रेक्षकांचे लक्ष वेधून घेतो. नव्या पिढीच्या रोमँसची झलक देणारा हा पोस्टर पाहताच शूटिंग लंडनमध्ये झाल्याची झटपट चाहत्यांना जाणीव होते. या न्यू-एज प्रेमकथेची कथा नेमकी काय असेल याविषयी आता प्रेक्षकांमध्ये प्रचंड उत्सुकता वाढली आहे. विशेष म्हणजे हा सिनेमा येत्या २८ नोव्हेंबर २०२५ रोजी प्रदर्शित होत आहे.     ही भव्य निर्मिती मॅक्समस लिमिटेड या प्रतिष्ठित बॅनर्स अंतर्गत साकारली आहे. आंतरराष्ट्रीय तंत्रज्ञान, उत्कृष्ट लोकेशन्स, आणि उच्च दर्जाचा अभिनय एकत्र आणत ही टीम मराठी चित्रपटांचे रूप पूर्णपणे बदलण्याचा प्रयत्न करत आहे. निर्माते सचिन नाहर आणि अनिश शर्मा तसेच सह निर्माते अमोग मला...

    तरुणाईवर आधारलेल्या चित्रपटांनी नेहमीच रसिकांच्या मनाचा ठाव घेतला आहे. अशाच तरुणाईची गोष्ट 'निर्धार' या आगामी मराठी संगीतप्रधान चित्रपटात पाहायला मिळणार आहे. 'निर्धार' या शीर्षकातच काहीतरी सांगायचे असल्याचे संकेत देणारा हा चित्रपट प्रेक्षकांच्या भेटीला येण्यासाठी सज्ज आहे. मनोरंजनासोबतच प्रबोधन करीत तरुणाईला नवी दिशा देण्याचेही काम करणारा हा चित्रपट येत्या २८ नोव्हेंबरला संपूर्ण महाराष्ट्रात प्रदर्शित होणार आहे. या चित्रपटातील युथफूल गाणे नुकतेच प्रदर्शित करण्यात आले आहे. प्रदर्शित झाल्यापासून हे गाणे सोशल मीडियावर रसिकांचे लक्ष वेधत आहे.     निर्मात्या पद्मजा वालावलकर यांनी जयलक्ष्मी क्रिएशनच्या बॅनरखाली 'निर्धार' चित्रपटाची निर्मिती केली आहे. चित्रपटाचे लेखन दिनानाथ वालावलकर यांनी केले असून, दिग्दर्शन दिलीप भोपळे यांनी केले आहे. 'निर्धार'मधील 'वंदे मातरम...' हे आजच्या तरुणाईच्या उत्स्फूर्त भावना व्यक्त करणारे गाणे प्रदर्शित झाले आहे. लेखक-गीतकार दिनानाथ वालावलकर यांनी लिहिलेले हे गाणे लयश्री वेणुगोपाल आणि ओंकार सोनावणे यांनी गा...

    ‘आफ्टर ओएलसी’ चित्रपटाच्या पोस्टर वरील चार्मिंग, हँडसम लुकमध्ये दिसणाऱ्या अभिनेता कविश शेट्टीने एक वेगळीच हवा केलीय. त्याच्या या रुबाबदार लूकने सबंध तरुणाईला भुरळ घातली. आजवर साऊथ सिनेसृष्टीत अनेक चित्रपटांमधून महत्त्वपूर्ण भूमिका साकारत कविशने स्वतःचे स्थान निर्माण केलं. कन्नड ही मातृभाषा असलेला कविश मात्र आता मराठी मनाचा आहे. हो असं बोलण्यामागचं कारण म्हणजेच गेली काही वर्ष कविश महाराष्ट्रात राहतोय आणि महाराष्ट्राच्या मातीशी त्याची नाळ जोडली गेली आहे. महाराष्ट्राची मराठी भाषा, मराठीमोळी संस्कृती याचा त्याच्यावर इतका प्रभाव पडलाय की, यामुळे त्याची जगण्याची पद्धत, बोलीभाषा, त्याचा मित्रपरिवार यांत बराच बदल झाला आहे आणि म्हणूनच ज्या मराठी मातीनं आपल्याला उभं केलं तिच्यासाठी काहीतरी करण्याची उमेद मनाशी घेऊन कविश शेट्टीने ‘आफ्टर ओएलसी’ या मराठी चित्रपटातून मराठी सिनेसृष्टीत पाऊल टाकलं. मराठी चित्रपटसृष्टीत काम करताना कविशला अनेक आव्हानांचा सामना करावा लागला. अर्थात सुरुवात झाली ती भाषेपासूनच… पण महाराष्ट्रात राहिल्याने कुठेतरी मराठी भाषा त्याला ज्ञात होती त्यामुळे त्याने तितकस...

  'आफ्टर ओएलसी’ चित्रपटाचं पोस्टर समोर आलं तेव्हापासून मराठमोळी अभिनेत्री शिवानी सुर्वे चर्चेत आली आहे. या चित्रपटातील आपल्या लाडक्या शिवानीचा एक वेगळाच नक्षल, डँशिंग, रावडी लूक पाहून साऱ्यांच्या नजरा वळल्या. अर्थातच शिवानी ’आफ्टर ओएलसी’ या चित्रपटातून नेहमीपेक्षा एका वेगळ्याच भूमिकेतून दिसणार आहे. नक्षलवादी वेशात दिसणाऱ्या या लूकसाठी शिवानीने बरीच मेहनत घेतली आहे. इतकंच नाहीतर हा सिनेमा संपूर्ण भारतात  मराठी, कन्नड, आणि हिंदी भाषेतही प्रदर्शित होणार आहे. त्यामुळे कानडी भाषेसाठीही शिवानीने विशेष मेहनत घेतली.     ’आफ्टर ओएलसी’ चित्रपटातील एकूणच लूकबाबत बोलताना शिवानीने म्हटलं, "आजवर मी जे सिनेमे केले आहेत त्यातील भूमिकांपेक्षा ही भूमिका वेगळी आहे. त्याहीपेक्षा भूमिकेसाठीचा लुक वेगळा आहे. माझा या चित्रपटात नक्षलवादी लुक आहे. चित्रपटाचे दिग्दर्शक सडागारा राघवेंद्र यांनी माझ्या या लुकसाठी मेहनत घेतली आहे. body language, expression वर मी विशेष लक्ष दिलं. कानडी भाषा शिकण्यासाठी कर्नाटकला वर्कशॉपमध्येही बरीच मेहनत घेतली. कानडीतील सगळे डायलॉग मराठीत लिहून मग ते प...

    मुंबईच्या सांस्कृतिक जीवनातील एक प्रतिष्ठित संस्था म्हणून ओळखले जाणारे ‘रविकिरण मंडळ, डिलाईल रोड, परळ’ आणि ‘ग्रंथाली प्रतिभांगण’ यांच्या संयुक्त विद्यमाने बालनाट्य स्पर्धेत सहभागी शाळा व संस्थांच्या लेखक, कलावंत आणि मार्गदर्शकांसाठी लेखन मार्गदर्शन कार्यशाळा नुकतीच ग्रंथाली प्रतिभांगण, बँडस्टँड, वांद्रे (मुंबई) येथे  संपन्न झाली. बालनाट्य स्पर्धांमध्ये सहभागी होणाऱ्या नवोदित लेखक-दिग्दर्शकांना व्यावसायिक दर्जाचे लेखन आणि सादरीकरणाचे मार्गदर्शन मिळावे, या उद्देशाने हा उपक्रम हाती घेण्यात आला.    ‘रविकिरण मंडळ’ हे गेल्या सहा दशकांपासून क्रीडा आणि कलावंतांसाठी आशेचे किरण ठरले आहे. बालनाट्य क्षेत्रातील प्रतिभा विकसित करण्यासाठी संस्था मागील ३८ वर्षांपासून सातत्याने बालनाट्य स्पर्धांचे आयोजन करत आहे. मुंबई व उपनगरातील अनेक शाळा व संस्थांचा या स्पर्धांना मोठा प्रतिसाद मिळत असून, बालकलाकारांच्या अभिनयासोबतच त्यांचा सर्जनशील लेखनकौशल्याचा विकास करण्यासाठी ही कार्यशाळा उपयुक्त ठरली.    या कार्यशाळेत प्रख्यात लेखक अभिजित गुरु (नाट्य व मालिका लेखक...

     ‘आफ्टर ओएलसी’ या चित्रपटाची बरेच दिवसांपासून चर्चा सुरू असलेली पाहायला मिळत होती. अशातच आता या चित्रपटातील पहिलं वहिलं रोमँटिक सॉंग प्रेक्षकांच्या भेटीस आलं आहे. अल्पावधीतच या गाण्याला प्रेक्षकांनी भरभरून प्रतिसाद दिला. ‘लय लय लय’ असे या गाण्याचे नाव असून हे गाणं सध्या प्रत्येक प्रेमीयुगीलाच्या दिलावर राज्य करताना दिसत आहे. चित्रपटातील हे ‘लय लय लय’ गाणं साऊथ सिनेविश्वातील सुप्रसिद्ध अभिनेते कवीश शेट्टी आणि अभिनेत्री मेघा शेट्टी यांच्यावर चित्रित झाल आहे. चित्रपटातील ‘लय लय लय’ हे रोमांटिक गाणं आपली मराठमोळी गायिका वैशाली सामंत हिने तिच्या सुमधुर स्वरात स्वरबद्ध केलं आहे. वैशालीने आजवर अनेक गाण्यांना आवाज दिला आहे आणि तिचं प्रत्येक गाणं व्हायरल झाल आहे. आता वैशालीच्या आवाजातील ‘लय लय लय’ हे गाणंही ट्रेंडिंगवर आहे. गाण्याच्या संगीताची जबाबदारी प्रांशू झा यांनी सांभाळली आहे. तर गाण्याचे बोल क्षितिज पटवर्धन यांनी शब्दबद्ध केले आहेत.    हा चित्रपट ॲक्शन पॅक्ड असला तरी चित्रपटातील या गाण्यातील रोमँटिक बाजूही प्रेक्षकांसमोर आली आहे. आणि त्यामुळेच चित्...

नैनितालच्या निसर्गरम्य वातावरणात घडणाऱ्या या गूढ कथानकाच्या ट्रेलरने वाढवली प्रेक्षकांची उत्सुकता!     मराठी चित्रपटसृष्टीत रहस्य आणि थराराचा नवा अध्याय लिहिणारा ‘असंभव’ सध्या चांगलाच चर्चेत आहे. सचित पाटील दिग्दर्शित या चित्रपटाचा थरारक ट्रेलर नुकताच प्रदर्शित झाला असून, त्याने प्रेक्षकांची उत्कंठा शिगेला पोहोचवली आहे. काही दिवसांपूर्वी प्रदर्शित झालेल्या टीझरनंतर निर्माण झालेलं कुतूहल या ट्रेलरने आणखीनच वाढवलं आहे.     ट्रेलरच्या पहिल्याच फ्रेमपासून प्रेक्षक एका गूढ आणि विलक्षण जगात प्रवेश करतात. नैनितालच्या निसर्गरम्य दऱ्याखोऱ्यांमध्ये, शुभ्र धुक्याच्या सान्निध्यात आणि गूढ हवेलीच्या वातावरणात घडणारी ही कथा भूतकाळ आणि वर्तमानकाळाच्या संगमातून आकार घेत असल्याचे दिसतेय. हवेलीतील अघटित घटना, शांततेत दडलेली भीती आणि प्रत्येक पात्राच्या मनात दडलेलं रहस्य हे सगळं ट्रेलरच्या दृश्यरचनेतून काहीतरी असामान्य घडणार असल्याची जाणीव देते.      मुक्ता बर्वेच्या नजरेतील भीती आणि प्रश्न, प्रिया बापटचे गूढ वर्तन, सचित पाटीलचा उत्तरांच्या शोधात असलेला प्रवास...

    हॉरर-कॉमेडीपटांनी नेहमीच रसिकांना भुरळ घातली आहे. चार मित्रांची गोष्ट सांगणारा 'हुक्की' हा आगामी मराठी चित्रपटही क्षणाक्षणाला प्रेक्षकांची उत्कंठा वाढविणारा आहे. 'हुक्की'च्या पहिल्या पोस्टरनंतर या चित्रपटाचा फर्स्ट लुक नुकताच प्रेक्षकांच्या भेटीला आला आहे. दमदार कलाकारांची फौज आणि प्रवाहापेक्षा वेगळा विषय असल्याने 'हुक्की'च्या फर्स्ट लुकने प्रदर्शित झाल्यापासूनच रसिकांचे लक्ष वेधले आहे. सोशल मीडियावर 'हुक्की'च्या फर्स्ट लुकची जोरदार चर्चा रंगू लागली आहे. हिंदी सिनेसृष्टीतील आघाडीचा अभिनेता वरुण धवनने 'हुक्की'चा फर्स्ट लुक आपल्या सोशल मीडियावर शेअर केला आहे.     निर्माते नितीन रोकडे, सुनंदा काळुसकर, विनायक पाष्टे, श्वेता संजय ठाकरे तसेच सहनिर्माते सुधीर खोत आणि रईस खान यांनी मॅजिक स्वान स्टुडिओज आणि एनएमआर मुव्हीज या बॅनरखाली 'हुक्की' चित्रपटाची निर्मिती केली आहे. कथालेखनासोबतच 'हुक्की'चे दिग्दर्शन नितीन रोकडे यांनी केले आहे. 'हुक्की'चा फर्स्ट लुक खऱ्या अर्थाने रसिकांचा उत्साह वाढविणारा आहे. कावळ्याचा लालभडक...