'रिदम ऑन फायर': नृत्य, संगीत आणि प्रकाशाचा अद्भुत त्रिवेणी संगम.

  नेहमीच्या सादरीकरणापेक्षा काहीतरी नवीन आणि अविस्मरणीय अनुभव देणारा 'रिदम ऑन फायर' हा खास डान्सिकल कार्यक्रम प्रेक्षकांच्या भेटीला येत आहे. 'शिवमनी वर्ल्ड एंटरटेनमेंट' निर्मित आणि मानसी टाकणे यांची पहिली निर्मिती असलेला हा कार्यक्रम रंगभूमीवर नृत्य, प्रकाश आणि ध्वनी यांच्या समन्वयाने एक वेगळा प्रयोग सादर करणार आहे.

डान्सिकलचा आगळावेगळा अनुभव आणि कलाकारांचे मनोगत या कार्यक्रमाचे सर्वात मोठे वैशिष्ट्य म्हणजे तो अत्यंत वेगळ्या पद्धतीने सादर होणार आहे आणि यात केवळ तीन कलाकार नृत्य सादर करणार आहेत. 'शिवमनी वर्ल्ड एंटरटेनमेंट' निर्मित आणि मानसी टाकणे यांची पहिली निर्मिती असलेला हा कार्यक्रम रंगभूमीवर नृत्य, प्रकाश आणि ध्वनी यांच्या समन्वयाने एक वेगळा प्रयोग सादर करणार आहे.शिवानी कथले यांनी सांगितले, "रिदम ऑन फायर डान्स शो खूप वेगळा आहे. यांची संकल्पना वेगळी आहे. असा शो आतापर्यंत पाहण्यात आला नसेल. या कार्यक्रमाची 'वर्ल्ड टूर' करण्याचं आमच्या संपूर्ण टीमचं स्वप्न आहे."

  ‘रिदम ऑन फायर’ मध्ये लाईट्स आणि साऊंड या घटकांचे महत्व खूप मोठे आहे आणि या दोन तांत्रिक बाजूंच्या मदतीने संपूर्ण कार्यक्रम एका वेगळ्या स्तरावर नेला जाणार आहे. या अद्वितीय सादरीकरण शैलीची प्रचिती प्रेक्षकांना आल्याशिवाय राहणार नाही.

  कार्यक्रमातील नृत्यांगना  ऐश्वर्या शिंदे यांनी आपल्या भावना व्यक्त करताना सांगितले, "जेव्हा या कार्यक्रमाची संकल्पना ऐकली, तेव्हा मला वाटलं की खरंच हे आपण करू शकतो का? माझ्यासाठी हे खरंच एक आव्हान आहे, पण आगामी प्रयोगांसाठी मी फार उत्सुकही आहे."

 कार्यक्रमात निकिता मानकामे, ऐश्वर्या शिंदे आणि शिवानी कथले या तीन गुणी नृत्यांगना नृत्य सादर करणार आहेत. नृत्यांगना निकिता मानकामे यांनी कार्यक्रमाबद्दल बोलताना सांगितले की, "कार्यक्रमाच्या नावातूनच नक्की शो काय आहे हे कळून येतं. फक्त तीन मुलींचा डान्स आणि लाइट्सची कमाल यावर प्रेक्षकांचं २ तास मनोरंजन झाल्याशिवाय राहणार नाही."

अप्रतिम संकल्पना आणि तांत्रिक बाजू या कार्यक्रमाची संकल्पना साई पियुष यांची आहे, ज्यांनी या डान्सिकलसाठी थीम साँगदेखील तयार केले आहे. नृत्य दिग्दर्शनाची जबाबदारी विश्वास नाटेकर आणि मयूर वैद्य यांनी सांभाळली असून, त्यांनी या सादरीकरणात खास 'वेगळेपण' जपले आहे. या डान्सिकल शोच्या दिग्दर्शनाची बाजू प्रशांत विचारे यांनी आपल्या खांद्यावर घेतली आहे. कार्यक्रमाचे नियोजन आणि निवेदन मनोज टाकणे करत आहेत. त्यांच्या निवेदनाचे वैशिष्ट्य म्हणजे ते टिपिकल निवेदन नसून, प्रेक्षकांशी थेट संवाद साधून ते कार्यक्रमाला अधिक रंगतदार बनवतील. शीतल तळपदे यांची प्रकाश योजना 'नेत्रदीपक' असून, मयूरा रानडे यांनी खास आणि वेगळी वेशभूषा तयार केली आहे.तर मग येत्या शुक्रवारी, ५ डिसेंबर रोजी रात्री ८.३० वा. डॉ. काशिनाथ घाणेकर नाट्यगृह, ठाणे , शनिवार ६ डिसेंबर रात्री ८ वा. महाकवी कालिदास नाट्यगृह मुलुंड आणि रविवार, ७ डिसेंबर रोजी रात्री ८.०० वा. यशवंत नाट्य मंदिर, माटुंगा, मुंबई येथे रिदम ऑन फायरचे शुभारंभाचे प्रयोग सादर होणार आहे.