जिओ स्टुडिओजच्या कॉन ड्रामा "रफुचक्कर" मध्ये मनीष पॉल चे हटके लूक्स.
जिओ स्टुडिओज ची आगामी वेब सिरीज रफुचक्कर चा टीझर आणि पोस्टर आज झाला रीलीज. ट्रेलरमधील मनीष पॉल वेगवेगळ्या लूक्स मध्ये दिसत आहे. आपल्या पहिल्याच वेब सिरीजव्दारे ओटीटी स्पेसमध्ये पदार्पण करत अभिनेता मनीष पॉल एका ठगच्या मनोरंजक पात्रात दिसणार आहे. ही वेब सिरीज 15 जून रोजी JioCinema वर रिलीज होईल आणि मनीष पॉल याआधी कधीही न पाहिलेल्या अवतारात दिसणार आहे.
त्याच्या अप्रतिम स्क्रीन प्रेझेन्ससाठी आणि परफेक्ट कॉमिक टायमिंगसाठी ओळखला जाणारा, मनीष त्याच्या अभिनयाच्या पराक्रमाच्या सीमा ओलांडणाऱ्या भूमिकेत ऍक्शन ही करताना दिसून येणार आहे. अप्रतिम अष्टपैलुत्व व्यक्तिमत्त्व असलेला हा ऍक्टर एका फिटनेस तज्ञापासून ते जाड वृद्धापर्यंत, पंजाबी वेडिंग प्लॅनर पासून ते हँडसम हंक अशा मजेदार लुकने चाहत्यांना आश्चर्यचकित करण्यास सज्ज आहे.
रफुचक्कर चे जग हे जलद, नाट्यमय आणि चपखल असुन प्रेक्षकांची आवड जपून आहे. फेस-मॅपिंग, डीप फेक, डिजिटल फूटप्रिंट मॅपिंगपासून ते जुन्या तपास शैलीपर्यंतच्या आधुनिक तंत्रज्ञानाचा वापर करून केलेल्या गुन्ह्यांमधून ही कथा या वेब शोला मनोरंजक बनवते.
ज्योती देशपांडे, अर्जुन सिंग बरन, कार्तिक डी निशानदार (GSEAMS) निर्मित आणि रितम श्रीवास्तव दिग्दर्शित हा कॉन थ्रिलर ड्रामा १५ जूनपासून जिओ सिनेमावर स्ट्रीमिंगसाठी उपलब्ध असेल. या वेब सीरिजमध्ये प्रिया बापट, अक्षा परदासनी, सुशांत सिंग आणि शिरीन सेवानी यांच्याही महत्त्वाच्या भूमिका आहेत.
Comments
Post a Comment