२०२२ मधील सर्वाधिक पुरस्कार प्राप्त मराठी चित्रपट "गोदावरी" जिओ सिनेमावर होणार रीलीज.

देश-विदेशात तसचं मायदेशातही नावलौकिक मिळवलेला जिओ स्टुडिओज् चा चित्रपट ‘गोदावरी’ आता प्रेक्षक घर बसल्या बघू शकणार आहेत. जेव्हा चित्रपटाची घोषणा झाली होती तेव्हापासूनच हा चित्रपट देशभरात चर्चेचा विषय बनला होता. 

इफ्फी महोत्सव, न्यूयॉर्क इंडियन फिल्म फेस्टिव्हल(NYIFF), वॅनकोवर इंटरनॅशनल फिल्म फेस्टिव्हल, न्यूझीलंड इंटरनॅशनल फिल्म फेस्टिवल, पुणे आंतरराष्ट्रीय चित्रपट महोत्सव, एफआयपीआरईएससीआय - इंडिया ग्रँड प्रिक्स तसेच शांघाई कोऑपरेशन ऑर्गनायजेशन अशा अनेक महोत्सवात 'गोदावरी'ने आपली मोहोर उमटवली आहे.  तसेच २०२२ मध्ये गोदावरी हा महाराष्ट्रात सर्वाधिक पुरस्कार पटकवणारा मराठी चित्रपट ही ठरला आहे.

दिग्दर्शक निखिल महाजन म्हणतात की, 

 ‘राष्ट्रीय- आंतरराष्ट्रीय महोत्सवात आपली मोहोर उमटवल्यानंतर तसेच महाराष्ट्रतील प्रेक्षकांकडून मिळालेल्या उंदंड प्रतिसादानंतर आता 'गोदावरी'  हा सिनेमा जिओ सिनेमा वर प्रदर्शित होत आहे आणि त्याच निमित्ताने जगभरातील मराठी प्रेक्षकच नव्हे तर सगळेच सिनेप्रेमी हा चित्रपट पाहू शकतील याचा मला आनंद आहे. अनेकदा असं होत की, एखादी गोष्ट साध्य करण्याच्या नादात आपण अनेक जवळच्या गोष्टी, नाती मागे सोडतो आणि त्याच मौल्यवान नात्यांची किंमत जाणवून देणारा हा चित्रपट आहे. नात्यांचे महत्व अधोरेखित करणारा 'गोदावरी' संपूर्ण कुटुंबाने एकत्र पाहावा असा आहे.’

‘गोदावरी’बद्दल जितेंद्र जोशी म्हणतात, ‘’प्रत्येक कुटुंबाला जोडणारा हा चित्रपट आहे. आयुष्यात कुटुंब, नाती किती महत्वाची असतात, याची शिकवण देणारा हा चित्रपट आता जिओ सिनेमा वर रीलीज होतोय ज्याने घरबसल्या जगभरातील प्रेक्षक आपल्या कुटुंबासोबत बसून पाहू शकतील याचा मला विशेष आनंद आहे‘’.

जिओ स्टुडिओज प्रस्तुत, ज्योती देशपांडे, ब्लू ड्रॉप फिल्म्स आणि जितेंद्र जोशी पिक्चर्स निर्मित, निखिल महाजन दिग्दर्शित या चित्रपटात जितेंद्र जोशी, नीना कुळकर्णी, संजय मोने, प्रियदर्शन जाधव, गौरी नलावडे आणी  विक्रम गोखले यांच्या प्रमुख भूमिका आहेत. येत्या ३ जून रोजी जिओ सिनेमावर डिजिटल वर्ल्ड प्रीमियरसाठी सज्ज आहे.