‘Rx 2025–26 तरंग’ : फार्मसी विद्यार्थ्यांचा त्रिदिवसीय महोत्सव येत्या २८ फेब्रुवारी ते २ मार्च २०२६ दरम्यान बॉम्बे कॉलेज ऑफ फार्मसी, कालिना (मुंबई) येथे.

इंडियन फार्मास्युटिकल असोसिएशन – महाराष्ट्र राज्य शाखा स्टुडंट्स’ फोरम (IPA–MSB–SF) तर्फे आयोजित करण्यात येणारा राज्यातील सर्वात जुना व प्रतिष्ठित फार्मसी महोत्सव Rx 2025–26 यंदा नव्या संकल्पनेसोबत उत्साहात साजरा होणार आहे. महाराष्ट्रभरातील फार्मसी विद्यार्थ्यांचे अधिकृत राज्यस्तरीय प्रतिनिधित्व करणारी ही विद्यार्थी संघटना शैक्षणिक उत्कृष्टता, व्यावसायिक प्रगती आणि सामाजिक जबाबदारीची परंपरा या महोत्सवाद्वारे पुढे नेत आहे.

हा त्रिदिवसीय महोत्सव २८ फेब्रुवारी, १ मार्च आणि २ मार्च २०२६ रोजी बॉम्बे कॉलेज ऑफ फार्मसी, कालिना (मुंबई) येथे आयोजित करण्यात येणार आहे.

यंदाच्या आवृत्तीची थीम आहे — “आरएक्स तरंग – Rx Tarang”. नवोन्मेष, सर्जनशीलता आणि सामूहिक ऊर्जेच्या लहरींचे प्रतीक असलेली ही संकल्पना सतत विकसित होत असलेल्या फार्मसी क्षेत्रातील विद्यार्थ्यांच्या गतिमान वृत्तीचे प्रतिनिधित्व करते. शिक्षण, नेतृत्व, संशोधन आणि सांस्कृतिक अभिव्यक्ती यांचा अखंड प्रवाह या ‘तरंग’मधून अनुभवता येणार आहे.

   गेल्या अनेक वर्षांत या महोत्सवाने सुमारे ४,००० ते ५,००० फार्मसी विद्यार्थी, प्राध्यापक आणि उद्योग क्षेत्रातील व्यावसायिकांची उपस्थिती नोंदवली आहे. त्यामुळेच हा महोत्सव फार्मसी क्षेत्रातील सर्वाधिक प्रतीक्षित आणि लोकप्रिय व्यासपीठ म्हणून ओळखला जातो. शैक्षणिक उपक्रमांसोबतच सांस्कृतिक आणि क्रीडा स्पर्धांचा संगम घडवून आणत हा महोत्सव विद्यार्थ्यांच्या सर्वांगीण विकासासाठी महत्त्वपूर्ण संधी उपलब्ध करून देतो.Rx 2025–26 हा महोत्सव तीन प्रमुख घटकांमध्ये विभागलेला आहे — Rx Techfest : तांत्रिक कौशल्य, संशोधन आणि नवकल्पनांना चालना देणारे उपक्रम, Rx Culturals : सर्जनशीलता आणि कलागुणांना वाव देणारे सांस्कृतिक कार्यक्रम, Rx Sports : संघभावना, नेतृत्वगुण आणि क्रीडावृत्ती वृद्धिंगत करणाऱ्या स्पर्धा.फार्मास्युटिकल शिक्षणातील उल्लेखनीय शैक्षणिक परंपरा आणि योगदानासाठी ओळखल्या जाणाऱ्या बॉम्बे कॉलेज ऑफ फार्मसी येथे आयोजित होणारा हा महोत्सव विद्यार्थ्यांसाठी प्रेरणादायी आणि ऐतिहासिक ठरणार आहे.