यंदा ठाण्यात होतोय मराठी सेलिब्रिटी डांडिया: कलाकार डांडिया खेळणार, सर्वांसाठी मोफत प्रवेश!
CastingVibe - Digital Casting Platform यांच्या आयोजनात आणि
श्री सिद्धिविनायक प्रतिष्ठान ठाणे नवरात्र मंडळ. यांच्या सहकार्याने ठाण्यातील भगवती शाळा, भगवती मैदान, विष्णूनगर, नौपाडा, तीन हात नाका, ठाणे (प) येथे ३ ऑक्टोबर ते १२ ऑक्टोबर २०२४, दरम्यान संध्याकाळी ७ ते १० या वेळेत ‘मराठी सेलिब्रिटी डांडिया’ महोत्सवाचे आयोजन करण्यात आले आहे.
या विशेष कार्यक्रमात मराठी टीव्ही मालिकांमधील आणि चित्रपटसृष्टीतील अनेक प्रसिद्ध कलाकार सहभागी होणार आहेत. त्यांनीही या उत्सवात सहभागी होऊन डांडियाचा आनंद लुटण्याची इच्छा व्यक्त केली आहे. हे प्रेक्षकांसाठी एक अनोखा क्षण ठरणार आहे, कारण त्यांना त्यांच्या आवडत्या कलाकारांना प्रत्यक्ष पाहण्याची आणि त्यांच्यासोबत सण साजरा करण्याची संधी मिळणार आहे.
या महोत्सवात सहभागी होणारे कलाकार सध्या मराठी मनोरंजनसृष्टीत कार्यरत असलेले आणि पूर्वीपासून लोकप्रिय असलेले आहेत. हा महोत्सव कलाकारांसाठी अतिशय रोमांचक तर प्रेक्षकांसाठी खास अनुभव ठरणार आहे.
सर्वात महत्वाचे म्हणजे, हा कार्यक्रम पूर्णपणे मोफत.आहे, कोणतेही तिकीट नाही, आणि चाहत्यांनाही डांडिया खेळण्याची संधी मिळणार आहे! त्यामुळे आपल्या आवडत्या कलाकारांना भेटण्यासाठी आणि त्यांच्यासोबत सण साजरा करण्यासाठी, ठाणेकरांनी या सोहळ्याला नक्की हजेरी लावावी.
Comments
Post a Comment