धमाल मनोरंजन करणारे नाटक 'बाप कुणाचा ताप कुणा...!' रंगभूमीवर...

मराठी रंगभूमीवर सध्या धमाल मनोरंजन करत 'बाप कुणाचा ताप कुणा...!' हे नाटक सुसाट धावत आहे. अलीकडेच या नाटकाचा शुभारंभाचा प्रयोग झाला आणि येत्या विक-एन्डला हे नाटक मुलुंड आणि कल्याण येथील रसिकांना मनोरंजनाची मेजवानी देण्यास सज्ज झाले आहे. 

   नाटककार श्रीनिवास भणगे यांनी नाटक लिहिले आहे. नाटकाचे दिग्दर्शन कुमार सोहोनी यांनी केले आहे. कुमार सोहोनी यांचे दिग्दर्शक म्हणून हे १२० वे नाटक आहे. 

          विजय गोखले, संतोष पवार, धनश्री काडगावकर, प्रशांत निगडे, वरदा साळुंके, श्रुती पुराणिक व दुर्गेश आकेरकर हे आघाडीचे कलावंत या नाटकात भूमिका साकारत आहेत. 

    'बाप कुणाचा ताप कुणा...!' या नाटकाचे संगीत अशोक पत्की यांचे असून, नेपथ्य राजन भिसे यांनी केले आहे. कुमार सोहोनी यांची प्रकाशयोजना, पूर्णिमा ओक यांची वेशभूषा आणि किशोर पिंगळे यांची रंगभूषा या नाटकाला लाभली आहे. 

    निर्माते सचिन व्ही. यू. यांनी या नाटकाच्या निमित्ताने नाट्यनिर्मितीत पदार्पण केले आहे. 

सी. टी. निर्मित व स्मित हरी प्रॉडक्शन्स प्रकाशित हे नाटक सध्या रसिकांचे मनमुराद मनोरंजन करत आहे.   

-------------------------------